Премиерот Никола Груевски, одговарајќи на пратеничко прашање за тоа дали поранешниот директор на УБК Сашо Мијалков подлежи на аеродромска контрола или не и дали гарантира за тоа што тој носи во торбите рече дека тој не е надлежен за тоа што граѓаните пренесуваат во своите торби кога излегуваат од државата.

Горан Сугарески од СДСМ, го праша премиерот како Мијалков успева да ја помине контролата на аеродромот во Скопје со пиштол во торбата, што сè носи Мијалков во своите куфери кога излегува од Македонија и дали тој како премиер гарантира дека поминува контрола, затоа што во Скопје не му беше откриен пиштолот, кој го открија службите на белградскиот аеродром? „Мијалков во изјава рече дека имал пиштол во торбата, но дека го заборавил од небрежност и немам што друго да додадам“, рече Груевски и додаде дека не е негово да гарантира кој што носи во торбите.„Институциите треба да си проверат што се пренесуваат граѓаните кога излегуваат од Македонија. Сè што треба ќе си течe во законските постапки. Ниту бил, ниту ќе биде привилегиран“, рече Груевски.Сугарески не беше задоволен од одговорот и му порача на премиерот да не се повикува на институциите, а дали нешто е од небрежност или намерно одлучува суд, не премиерот.„Судот утврдува дали е од небрежност или намера или вие сте научени вие да одлучите. Не знам зошто повикувате на институциите… тој помина со пиштол во торба на аеродром во Македонија“, рече Сугарески..Во второто прашање упатено до премиерот Сугарески сакаше да знае по која основа му е издаден дипломатскиот пасош на Мијалков, издаден на 29 август со траење 5жод пет години и дали, како што рече, скандалозното издавање пасош, е со цел да изнесе непроверени работи во своите куфери.„Сашо Мијалков не поседува дипломатски пасош. Го одби. Дипломатскиот пасош не обезбедува да се пренесува што било во торбите“, рече Груевски, сепак, не прецизираше по кој основ првично му бил издаден./крај/мф/бб