Македонија
АРМ продолжува со расчистувањето по поплавите во Речица, ќе се градат и два моста во Порој

Триесет и девет војници во Шипковица, како и инженериско одделение заедно со багери, копачи и друга специфична механизација во Речица секојдневно се ангажирани во помош на населението од подрачјата кои настрадаа од големите поројни дождови и наносите на земја и камења во Тетовско, информираше министерот за одбрана на Република Македонија, Зоран Јолевски, при денешната обиколка на реонот.
Дополнително министерот Јолевски порача дека Инженерската единица во Армијата на Република Македонија веќе започнала со планирање и подготовка на изградба на два моста во селото Порој кои се комплетно срушени.
„Веднаш штом ќе заврши ископувањето и расчистувањето на теренот, ние ќе можеме да започнеме со поставување фундаменти на двата моста кои, на барање на локалната заедница, повторно ќе бидат изработени од дрво. Штом ќе се исчисти коритото и добиеме зелено светло, ние за 5-7 дена ќе ги изградиме овие мостови со кои значително ќе се влијае на подобрувањето на комуникацијата на населението“, рече министерот Јолевски.
Армијата на Република Македонија уште од самиот почеток е вклучена со свои припадници и механизација во расчистување на последиците од големата природна непогода. Министерот Јолевски посочи дека Министерството е во постојана координација со Владата на Република Македонија и локалната самоуправа и дека доколку биде изразена потреба, Армијата е подготвена за дополнителен ангажман за расчистување на последиците. /крај/со/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Ѓорѓиевски и Тошковски на пешачење во Градски парк: секој чекор е здравје

Градскиот парк денеска беше изборот на градоначалникот на Кисела Вода и кандидат за градоначалник на Скопје, Орце Ѓорѓиевски, и министерот за внатрешни работи, Панче Тошковски. Двајцата утрото го започнаа со пешачење низ алеите на паркот, во спортска опрема и ведро расположение.
„Најубаво е денот да започне со утринско пешачење низ Градскиот парк, свеж воздух, мир и позитивна енергија. Секој чекор е здравје, секој здив е нова сила. Започни го денот со природа, а денот ќе ти врати со радост“, напиша Ѓорѓиевски во својата објава на социјалните мрежи.
Македонија
За влез и излез од државава на граничните премини се чека до 15 минути

Сообраќајот на државните патишта се одвива непречено, по суви коловози.
Интензитетот на сообраќајот на патиштата надвор од градските средини е зголемен. Поради летните одмори, се бележи зголемена фреквенција на возила, на ГП Табановце времето на чекање за влез и излез е околу 10-15 минути.
На останатите гранични премини од македонска страна нема подолги задржувања при влез или излез од државата.
Македонија
Свежо утро, а преку ден до 33 степени

Времето денеска ќе биде сончево со мала до умерена локална облачност. Ќе дува слаб до умерен, а вдолж Повардарието повремено засилен северен ветер.
Минималната температура ќе биде во интервал од 9 до 19, а максималната ќе достигне од 25 до 33 степени.
Во Скопје, сончево со умерена облачност. Ќе дува слаб до умерен северен ветер. Минималната температура ќе се спушти до 16, а максималната ќе достигне до 30 степени.
До средината на следната седмица ќе преовладува претежно стабилно време со дневни температури малку под просекот за овој период од годината. Потоа времето ќе биде сончево и потопло со пораст на дневната температура.