Македонија
Попоски: Македонија не очекува на Варшавскиот состанок на НАТО да добие покана за членство

Бугарија може да одигра клучна улога на патот на евроинтеграцијата на Македонија како на патот кон Европската Унија, така и на патот кон НАТО. Македонија не очекува на Варшавскиот состанок на НАТО да добие покана за членство во Алијансата.
Ова го изјавил македонскиот министер за надворешни работи Никола Попоски за бугарската агенција БГНЕС. Попоски оваа изјава ја дал на маргините на дводневниот министерски состанок во Солун на Грција, Бугарија, Македонија и Албанија, посветен на соработката меѓу четирите земји за справување со миграциската криза.”За НАТО има решение од 2008 година, што констатира дека единствената пречка за пристапувањето на Македонија кон Алијансата е спорот со името од грчка страна. Покрај тоа, имаме од 2011 година пресуда на Меѓународниот суд, кој вели дека оваа одлука е нелегитимна. Во меѓувреме истото се случува и се сведува на волјата на земјите членки на НАТО. Ова се однесува како на самитот во Варшава, така и за која и да е друга средба“, рече тој. Попоски во моментов нема впечаток дека Грците ќе го променат својот став и на средбата во полската престолнина Македонија ќе добие покана за членство во НАТО. Состанокот се одржа на иницијатива на грчкиот министер за надворешни работи, Никос Коѕиас./крај/бг
Извор: BGNES
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Свети ВМРО да е, ако направил грешка ќе одговара: Мицкоски за градоначалникот на Кочани

Колкава е одговорноста на градоначалникот на Кочани ќе утврди Обвинителството, кажа премиерот Христијан Мицкоски денеска одговорајќи на прашање дали Папазов, ќе сноси одговорност во врска со пожарот во дискотеката.
Мицкоски рече дека надлежните во текот на денот ќе ги проверат сите документи во Општината.
Посочи дека никој нема да биде заштитен и секој што има каква било вина во врска со настанот, ќе одговара.
„Градоначалникот во својата оставка напиша дека стои на располагање за се. Не бега. Тука е. Денеска, колку што јас знам, истражните органи ќе влезат и во Општината. Ќе ги проверат сите документи. Ако вие сега пледирате дека тој е ВМРО-ДПМНЕ, па ние го штитиме, не, се лажете. Никого нема да штитиме. Свети ВМРО да биде, и јас да сум, родена сестра, брат да ми е, ќе одговара ако има каква било вина“, рече Мицкоски.
Кривична одговорност според него ќе има за сите, и дека не треба да се шпекулира.
„Кривична одговорност ќе има за сите. Ако е потребна морална или политичка, удрете на мене. Јас сум тука, јас ќе се сносам со сиот предизвик, но прво ќе ги поразам како што многу пати сум ги поразил, а потоа на избори граѓаните ќе судат дали и кој треба да сноси одговорност. Само ве молам да не шпекулираме, да не креираме информации кои што немаат никаква врска со вистината. Свети ВМРО да е, ако направил грешка ќе одговара. Тоа сме го покажале и докажале во овој период“, порача Мицкоски.
Македонија
МВР: Големиот број на полициски службеници во Кочани е заради службени активности а не заради попречување на протести

Министерството за внатрешни работи со известување до граѓаните дека овие денови има зголемено присуство на полициски службеници на територија на цела држава, особено во градот Кочани и околу општинската зграда.
Зголемениот број на полициски службеници е поради извршување на службени активности и обезбедување на документација од општината, а не заради попречување на граѓаните во нивното загарантирано со Устав право на собирање и одржување на протест, велат од МВР.
Апелираат до граѓаните сите собирања и протести да се одржат во мирна атмосфера.
Македонија
Заводот за трансфузија во Блеград: Има доволно крв за повредените во пожарот во Кочани

Како што истакнуваат од српскиот завод за трансфузија на крв во Белград, резервите на крв во моментов се стабилни и доколку има потреба од трансфузија на пациентите кои беа повредени во пожарот во дискотеката во Кочани, а кои беа пренесени во Белград и моментално се во Ургентниот центар на КЦС, ќе бидат згрижени.
„Кога станува збор за повредените во пожарот во Кочани, што се однесува до крвта, тие се згрижени. Би сакала да забележам дека за такви повреди, крвта не е од суштинско значење за лекување. Се разбира, никогаш не се знае како ќе се одвива текот на лекувањето и важно е да се напомене дека резервите на крв во овој момент се стабилни“, изјави Мирјана Кнежевиќ од институтот за трансфузија на крв.
Како што наведе таа, Заводот за трансфузија на крв во моментов има резерви од четири дена, што е добра состојба, но дарувањето крв не треба да престане бидејќи секојдневно се потребни крводарителите.
„Вчера во просторијата на Заводот за трансфузија на крв имаше уште неколку доброволни крводарители, но бидејќи тоа не е пресудно за повредените пациенти од Кочани, нема потреба од паника, бидејќи доколку има потреба ќе бидат згрижени во однос на трансфузијата и воопшто не смееме да се опуштиме бидејќи мора да бидеме свесно и одговорно општество и секогаш да имаме стабилни резерви“, нагласи Кнежевиќ.