Македонија
Почна и собирот на ГДОМ

Според вообичаеното сценарио од претходните неколку дена, веднаш по започнувањето на протесниот собир на приврзаниците на опозицијата во центарот на Скопје кои се упатија кој Собранието, започна и собирот на Граѓанското движење за одбрана на Македонија (ГДОМ), главно од приврзаници на владејачката партија кои исто така се противат на одлуката за масовно помилување од страна на претседателот Ѓорге Иванов за лицата осомничени и обвинети за прекршување закони произлезени од скандалот со прислушуваните телефонски разговори и други материјали.
Како и претходните два дена учесниците во оваа паралелна протесна поворка се групираа на улиците кои гравитираат кон седиштето на најголемата опозициска партија СДСМ, каде уште еднаш имаат намера да протестираат против аболицијата на опозицискиот челник Зоран Заев и првоосмичениот во аферата „Пуч“ поранешниот директор на Управата за безбедност и контраразузнавање, Зоран Верушевски, кој е обвинет дека го организирал нелегалното прислушување.
Но за разлика од учесниците на протестот на приврзаниците на опозицијата в организација на движењето „Протестираме“, демонстрантите на собирот во организација на ГДОМ даваат поддршка на одржувањето на предвремените парламентарни избори на 5-ти јуни.
Засега и двата собира се одвиваат без тензии./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
ДУИ: Трагедијата бара јасна институционална одговорност, а не манипулации за политички поени

Трагедијата што се случи бара јасна институционална одговорност, а не манипулации за политички поени, велат од Демократската унија за интеграција (ДУИ).
Според нив, власта со сите сили се обидува да ги заштити своите и да го пренасочи вниманието на јавноста кон други, наместо да обезбеди транспарентност и одговорност.
„Овој селективен и неправеден пристап не само што ја поткопува довербата на граѓаните во институциите, туку и го загрозува самиот процес на правда. Ние нема да влеземе во замката на политика на обвинувања и поделби. За нас, правдата не може да се дели на „наши“ и „нивни“ – таа мора да биде еднаква за сите“, велат од ДУИ.
Партијата ги повика институциите да останат надвор од секое влијание и да обезбедат транспарентен, праведен и непристрасен процес.
Македонија
Земјотрес почувствуван во Струмица

Земјотрес е почувствуван попладнево во Струмица, во 18 часот и 33 минути.
Според информацијата на сеизмолошката опсерваторија, потресот е со јачина од 2,8 степени според Рихтеровата скала.
Според досегашните податоци со кои располага опсерваторијата, земјотресот е почувствуван во Струмица и околината.
Македонија
„Халкбанк“ донира 50.000 евра за семејствата на загинатите и повредените во Кочани

„Халкбанк“ со донација од 50.000 евра уплатени кон наменскиот фонд од Црвен крст на Македонија, дава поддршка за семејствата на загинатите и повредените.
„Бескрајно жалиме за трагичната загуба на младите животи во Кочани… А нашите мисли се и со повредените, на кои им посакуваме целосно опоравување и сила во овие тешки моменти“, напиша банката на нејзината „Фејсбук“ страна.