Забава
Дојче Веле: Хормоните во реките како „темпирана бомба“

Загаденоста на водата придонесува за уште една опасност – хормоните кои човекот ги исфрла во водата преку лековите, тн. ксенобиотици, кои некои научници ги нарекуваат темпирана бомба, влијае врз процесот на размножување.
Загаденоста на водата придонесува за уште една опасност – хормоните кои човекот ги исфрла во водата преку лековите, тн. ксенобиотици, кои некои научници ги нарекуваат темпирана бомба, влијае врз процесот на размножување. Економскиот развој и урбанизацијата имаат драматични последици по водотеците на целата планета Земја, пренесува Дојче веле. Се претпоставува дека до 2050. година во градовите ќе живеат околу пет милијарди луѓе. На нив ќе мора да им се обезбеди снабдување со вода, а ќе мора и да се преработи канализациската отпадна вода. Научниците предупредуваат дека постои и опасност која е скоро невидлива, таканаречените ксенибиотици, кои се наоѓаат во реките и морињата. Истражувачите го докажаа нивното постоење во телата на рибите, птиците, па дури и кај белите мечки. Малин Фалкенмарк, хидролог од Шведска, говори дури и за темпирана бомба. „Овие супстанци се проблем за нас и идните генерации бидејќи влијаат на процесот за размножување. Доколку се најдат еднаш во водата, тие ќе се рашират низ светот, бидејќи водата е насекаде околу нас,“ вели таа. Хемикалиите кои се користат во индустријата исто така може да содржат материи кои имаат хормонско дејство. Тие остануваат многу долго активни бидејќи тешко се разградуваат во водата, тврди Патриција Холм од универзитетот од Базел. „Поради тоа што материите делуваат на ист начин како хормоните, тие предизвикуваат иста реакција во телото на другите живи суштества. Така хормоните кои ги излачуваме во водата делуваат на рибите, амфибиите и другите ‘рбетници кои живеат во водата, на ист начин на кој овие супстанци делуваат во нашето тело“. Научниците се сè уште на почетокот на истражувањето на последиците на оваа појава. Така се знае дека мешањето на различните супстанци, до кое доаѓа во реките и морињата, може да го засили нивниот ефект, пишува Дојче Веле. „Утврдивме дека во изминатите педесет години радикално, понекогаш дури и за 50 отсто е намалена количината на сперматозоидите кои ги произведува машкото тело. Постои зголемување на стапката на заболени жени од рак на дојката. Од друга страна истражувањата докажаа дека кај стаорец со зголемена доза на естроген расте стапката на заболување од тумор кој е сличен на оној на дојката“, вели Патриција Холм. Холм бара отварање на широка јавна дебата во која нема да учествуваат само биолози и хемичари, туку и политичари и правници. Потрошувачите исто така мораат да се запрашаат кои супстанци се неопходни а кои се купуваат едноставно затоа што го прават животот полесен. Во ЕУ е дозволена употребата на околу 30.000 разни медицински препарати. Освен тоа, истражувањата покажуваат дека околу третина од тие препарати не се искористуваат, туку се фрлаат во ѓубре или во WC шолјата. Експертите се единствени во едно: доколку некои штетни материи успеат да дојдат до водотеците, порано или подоцна ќе го пронајдат патот до нашите тела, низ водата или преку продуктите што се трошат./крај/дв/бл/ко
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
„Досадните“ комбинации повторно во тренд

Можеби изгледаат како најосновни, па дури и малку досадни бои кога се носат одделно, но кога црно-белото ќе се спои – се случува вистинска модна магија.
Оваа вечна модна комбинација стана неопходен „дрес-код“ за сите љубители на тивкиот луксуз, кој владее на пистите, на „Инстаграм“ и во првите редови на модните ревии во целиот свет.
Она што ја прави црно-белата боја неодолива не е само контрастот, туку и чувството на ненаметлива елеганција што ја носи оваа палета. Постојат беспрекорни силуети, луксузни материјали и совршени кроеви, кои го подигнуваат дури и наједноставниот изглед на ниво на модна изјава.
Ако се прашувате од каде да почнете, одговорот е едноставен: изберете парчиња во црно-бела боја, кои имаат чисти линии и се изработени од квалитетни материјали.
Забава
Тивок убиец на модерниот човек

Замислете болест што полека го ослабува вашето срце, го забавува вашиот метаболизам, ги оптоварува вашите зглобови и го зголемува ризикот од прерана смрт – без дури и да го сфатите тоа.
Не предизвикува моментна болка, не дава јасни симптоми и затоа останува незабележана. Оваа болест се нарекува седечки начин на живеење и влијае на речиси секој современ човек.
Зошто седечкиот начин на живеење е толку опасен?
Кога седиме со часови, нашето тело влегува во состојба на биолошка пасивност:
Метаболизмот се забавува – телото согорува помалку енергија, што доведува до зголемување на телесната тежина и до инсулинска резистенција.
Атрофија на мускулите – нашата најважна алатка за стабилен ‘рбет и здрави зглобови ослабува.
Циркулацијата страда – крвта и кислородот стигнуваат до органите побавно зголемувајќи го ризикот од згрутчување на крвта и срцеви заболувања.
Хормонот на среќата се намалува – недостигот на движење влијае и на менталното здравје промовирајќи стрес и анксиозност.
Неодамнешните истражувања покажуваат дека 6+ часа седење дневно го зголемуваат ризикот од прерана смрт за дури 19 %, без оглед на тоа дали подоцна одите во сала за вежбање или не.
Зошто рекреацијата еднаш неделно не е доволна?
Еден од најголемите митови е дека седечката недела може да се избрише со еден тренинг. За жал, не може. Нашето тело реагира на вкупната количина движење секој ден, а не на еден голем настан. Ова значи дека здравјето не се одржува само со тренинг во сала за вежбање, туку и со сите мали навики помеѓу нив.
Мали промени, големи резултати
Добрата вест е дека почнувањето со решавање на проблемот не е комплицирано. Само треба да го вратите движењето во вашиот секојдневен живот:
Микропаузи – станувајте, одете, истегнете се најмалку двапати на ден.
Активен транспорт – одете или возете велосипед наместо да возите автомобил на кратки растојанија.
Работа во стоење – користете подигнати бироа или работете стоејќи барем дел од денот.
10 минути мобилност дневно – едноставни вежби за дишење, истегнување и стабилизација прават чуда за ‘рбетот.
Тренингот како лек
Најдобриот лек против седечкиот начин на живеење е, всушност, тренингот за сила и мобилност. Заедно со кардиовежбите, тренингот на сила гради мускули, а мускулите се метаболистички активно ткиво, кое го штити целото тело. Тие се нашиот лек против стареење, болка и метаболистички нарушувања.
Забава
Актерка од БиХ привлече внимание на црвениот тепих во Сараево, се појави – боса

Филмската и телевизиската актерка Мона Муратовиќ од БиХ привлече внимание на црвениот тепих на Сараевскиот филмски фестивал со необичен потег – наместо да носи чевли, се појави боса.
За оваа пригода таа избра долг елегантен бордо-фустан, но причината зошто одлучи да оди без чевли е непозната.
Муратовиќ се појави на фестивалот во придружба на својот сопруг, водителот Данко Делибашиќ, кој носеше класичен сив костум.
Во Босна и Херцеговина тие се познати како еден од најхармоничните парови, заедно имаат ќерка Ливија и син Виго, а Мона го има и синот Акин од претходниот брак.
Инаку, Мона Муратовиќ дипломирала глума на Академијата за сценски уметности во Сараево, а студирала и историја на уметност и компаративна книжевност на Филозофскиот факултет во Сараево.