Македонија
Заев излезе со ветувања пред граѓаните, вети дека ќе им ги врати и ‘украдените пари’
Слободни и еднакви граѓани, плати кои ќе обезбедуваат пристоен живот, ефикасно јавно здравство и образование, преиспитување на спорните судски пресуди и враќање на украдените пари на државата и граѓаните.
Ова се дел од ветувањата на коишто се обврза и ги најави лидерот на опозицискиот СДСМ, Зоран Заев, пред граѓаните на граѓанскиот протест пред Владата. Во дел од своето обраќање Заев излезе со конкретни предлози и ветувања до граѓаните коишто се, како што рече, начела по кои се води опозицијата.Вети дека Македонија ќе биде заедничка држава на сите граѓани стабилно, правично и грижливо мултиетничко општество. Тој најави фер распределба на народните добра по сите основи и општество на слободни и еднакви граѓани во коешто платите ќе обезбедуваат пристоен живот, а пензиите достоинствена старост.„Македонија ќе биде пример на социјална држава којашто ќе се грижи за сите категории граѓани. Социјалната заштита ќе овозможи излегување на корисниците од сиромаштијата, даноците ќе бидат прилагодени според примањата на граѓаните“, вети Заев.Друга цел на СДСМ ќе биде ефикасно јавно здравство со лесно достапни услуги за сите, ослободени од дополнителни административни сопки во коишто се заглавени лекарите и медицинскиот персонал.„Ќе воведеме национална здравствена сметка што ќе овозможи во секој момент да се следат трошењата во здравството. Случаи како болната смрт на малата Тамара никогаш повеќе да не се повторат“, рече Заев. Во образованието најави укинување на екстерното тестирање и враќање на приемниот испит на факултетите и квалитетен систем кој ќе се договара со студентите, учениците, професорите и наставниците. „Главен приоритет ќе биде квалитетот, а не начинот на испитување ќе го намалиме бројот на предмети во основно и средно образование. Ќе создадеме успешен европски систем по примерот на Финска и Словенија. Ќе го укинеме екстерното тестирање и казните, ќе го вратиме приемниот испит на факултетите наместо сегашната матура, а математика ќе полага секој кој ќе запишува факултет на природните науки, не може да не се полага математика. Ќе ја вратиме автономијата на универзитетите. Во Скопје ќе изградиме студентски универзитетски центар“, рече Заев .
Тој вети повисоки субвенции за земјоделците од сегашните и најави дека ќе се фокусираат на привлекување странски инвестиции во земјава. „Но домашните компании ќе го имаат приматот во државната помош. Тоа ќе го раздвижи стопанството и ќе создаде услови за отворање на нови работни места со достоинствени плати“, рече Заев.Судиите и обвинителите ќе бидат независни, а сите судски пресуди кои се спорни за јавноста ќе бидат преиспитани, најави Заев. Тој вети дека нема да отпуштаат луѓе од администрацијата, туку дека ќе ја реорганизираат.
Владата и јавните институции нема да трошат буџетски средства, а македонската телевизија ќе биде медиум со целосна финансиска и политичка независност, најави Заев.
„Општествената поддршка на седмата сила, медиумите, ќе биде определена преку политички независен фонд за чијашто распределба ќе одлучуваат новинарите според критериумите на гледаност и читаност со можност за поддршка на помалку гледаните и читани медиуми“, рече Заев.
Тој се осврна на евроатланската иднина на Македонија и рече дека максимално ќе се посветат на стратешката цел на Македонија, ЕУ и НАТО. Името, рече, ќе се решава сепак на референдум.„За решавањето на проблемот со името ќе изградиме политички и државен консензус заедно ќе ги поставиме црвените линии во функција да го решиме проблемот. Ќе го заштитиме нашиот национален и државен идентитет и нашата национална и државна посебност. За сето тоа ќе бидете консултирани вие, граѓаните“, вети, меѓу другото, лидерот на СДСМ.Пред зградата на Владата веќе се поставени шатори каде што ќе кампуваат граѓаните, се додека премиерот Никола Груевски не даде оставка како што побара и Заев. „Остануваме овде пред владата. Оставка мора да има. Додека не замине Груевски не заминуваме и ние“, порача Заев.Побара оставка од Груевски, јавниот обвинител Марко Зврлевски и обвинителот за организирал криминал Јован Илиевски, раководните структури на МРТВ.„Неопходно е да се постигне договор за техничка влада којашто ќе може да организира фер избори, потоа да се прочисти избирачкиот список, да се создадат услови за независно медиумско известување, да се вратат сите механизми на современа македонска државата. Дојдовме и не заминуваме додека не го вратиме мирот и спокојот на граѓаните на Република Македонија. Очекувам оваа најсилна порака којашто денеска ја испраќа Македонија, вака мултиетнички обединета, вака масовно заедно, жедна за слобода и демократија, очекувам од меѓународната заедница којашто е сведок на сето зло што им е нанесено на граѓаните на Македонија да помогне со директно учество а не само со набљудување за мирна разврска на политичката криза, без насилство. Предупредувам дека можното инатење на Никола Груевски со волјата на народот може да има последици што никој не ги посакува. Од тие причини порачувам сите граѓаните кои што се тука, на еден разумен и мирен процес да ја помогнат посакуваната разврска на кризата“, порача Заев.На граѓанскиот протест што го организираше најголемата опозициска партија учествуваше и поранешниот претседател на СДСМ, Бранко Црвенковски./крај/мф/ффс
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ДИК: ВМРО-ДПМНЕ освои 59 мандати, СДСМ 19, Европски фронт 18, ВЛЕН 13, Левица 6 и ЗНАМ 5 мандати
Државната изборна комисија ги објави првичните резултати за парламентарните избори, а бројките ги потврдија пресметките на партиските штабови.
„На ниво на држава по мандати коалицијата ’Твоја Македонија’ со ВМРО-ДПМНЕ освои 59 мандати, коалиција ’За европска иднина’ со СДСМ 19 мандати. Коалицијата ’Европски фронт’ има 18 мандати, коалиција ВЛЕН 13 мандати, политичка партија Левица 6 мандати и ЗНАМ 5 мандати. Може да се случат некои мали промени да претрпат овие бројки. 94,05 е голем процент на обработени податоци, не верувам дека ќе има некои сериозни промени. Тоа ќе го знаеме веќе утре“, рече претседателот на Државната изборна комисија, Александар Даштевски.
Вечерва почнаа да течат и рокови за приговори за парламентарните избори. Приговори за текот на гласањето може да се поднесат до 19 часот на десетти мај, а приговори за сумирање и утврдување резултати до 23.30 часот исто така на десетти мај.
Македонија
ВМРО-ДПМНЕ ја слави двојната победа, Мицкоски порача: Сите кои што мислеа дека можат да ја уништат Македонија, завршија на буниште
Членовите на партијата ВМРО-ДПМНЕ, заедно со своите симпатизери ја слават победата на претседателските и парламентарните избори на плоштадот во Скопје.
На насобраните луѓе им се обрати лидерот на ВМРО-ДПМНЕ, Христијан Мицкоски.
„Ја ослободивме Македонија. Сите тие кои што мислеа дека можат да ја ограбат Македонија, да ја понижат, да ја уништат, денеска завршија на буниште, а набргу ќе одговараат“, порача тој.
Мицкоски претходно ги повика граѓаните да дојдат на плоштадите низ сите градови на Македонија заедно да ја прослават победата.
Македонија
Ахмети: ДУИ е втора сила во државата
ДУИ е втора сила во државата, изјави вечерва лидерот на интегративците, Али Ахмети.
„Ние Европскиот фронт сме втора сила во државата. Ние всушност го имавме ВМРО-ДПМНЕ како главен противник, затоа што ВМРО многу му помогна на Влен, но разликата помеѓу Европскиот фронт и Влен е преку 30.000 гласови“, рече Ахмети.
Според официјалните податоци на ДИК, ДУИ освои 18 мандати, коалицијата Влен освои 13 мандати.
ВМРО-ДПМНЕ која извои убедлива победа со 59 пратеници и ќе го добие мандатот за формирање Влада, најави дека ќе почне преговори со Влен за коалицирање. Партискиот лидер, Христијан Мицкоски и вечерва повтори дека е време ДУИ да замине во опозиција.