Култура
Со „Тајната книга“ се затвора фестивалот СЕЕ во Париз
На претпоследната вечер на Првиот филмски фестивал на земјите на Југо-Источна Европа (SЕЕ) во Париз во својство на обичен гледач се појави Генералната директорка на УНЕСКО Ирина Бокова
Ирина Бокова во нејзината свечена беседа на отворањето на фестивалот му изрази силна поддршка со својата лична појава и со средбите што ги имесе со поголем број на творци од сите земји на регионот. Ректорот на Универзитетот за аудиовизелни уметности ЕСРА Париз-Скопје-Њујорк и претседател на Фестивалот Јордан Плевнеш срдечно и’ се заблагодари на Бокова за нејзиното присуство, истакнувајќи дека првпат во историјата на УНЕСКО, организацијата за образование и култура на Обединетите нации е избран преставник на земјите на југо-ситочна Европа и првпат во историјата се одржува фестивал кој културно ги обединува во широкото европски семејство.Во преполнетите салони на престижниот париски „Ентрепот“ секоја вечер се остварува пораката на водечкиот француски режисер и почесен претседател на фестивалот Ив Боасе дека естетичката експлозија на духовните енергии на малите балкански кинематографии го претвораат Париз во празник на балканската култура.На возбудливите проекции исполнети со емоција и аплаузи по филмовите од Косово, Србија, Грција, Турција Албанија, Хрватска ,Црна Гора, Македонија и Романија, синоќа имаше уште два силни филма “Напуштени” на босанкиот резисер Адис Бакрач и „Источни пиеси” од бугарскиот режисер Камен Калев, кои доживеаа вистински овации во салата.Во недела навечер по словенечкиот филм „Пиран Пирано” жирито ќе ги додели наградите кои се очекуваат од голем број париски и балкански медиуми.Во чест на наградените ќе биде прикажан македонскиот филм „Тајната книга” на Владо Цветановски кој неодамна беше објавен како книга-филм од позната париска издавачка куќа „Le temps des cerieses“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Култура
Инспиративен настап на SIN PUSTINJE во Битола за Меѓународниот ден на џезот 2024
МКЦ-Битола по јубилеен 10-ти пат го одбележа Меѓународниот ден на џезот во Битола 2024. Во прекрасниот амбиент на кафе барот Порта Џез, Ахмед Буриќ, Дамир Имамовиќ, Тони Китановски и Иван Михајловиќ приредија несекојдневно музичко поетско доживување.
Во проектот станува збор за искуството и интерпретацијата на музиката и поезијата која ги сумира различните интереси и вештини на уметниците кои досега ги познававме од другите жанрови. На концертот Буриќ, Имамовиќ, Китановски и Михајловиќ изведоа дванаесеттина песни од нивниот прв албум, како и некои други делови кои на изведбата во живо му дадоа комплетна форма и магична атмосфера.
Овој концерт по десетти пат ја стави Битола на глобалната мапа на градови кои го одбележуваат Меѓународниот ден на џезот и ги слават вредностите кои тој ги промовира. Битола ја ставаме на иста линија со светските метрополи кои имаат почит кон уметноста како начин на живот и извор на енергија не само за уметниците туку и за обичните граѓани.
Концертот се организира со финансиска поддршка на Министерството за култура и Општина Битола.
Култура
Вердиевата спектакуларна опера „Трубадур“ на 11 мај на „Мајските оперски вечери“
На 11 мај со почеток во 20.00 часот ќе се изведе спектакуларната опера „Трубадур“ од Џузепе Верди, во рамките на 52. издание на меѓународниот фестивал „Мајски оперски вечери“. Билетите за премиерната изведба на „Трубадур“ на 9 мај се распродадени.
Диригент е Иван Еминовиќ, режијата е на реномираниот македонски режисер, Иван Поповски кој живее и работи во Москва повеќе од две децении и за своите врвни уметнички достигнувања е добитник на највисоки признанија во Русија и низ светот и за првпат поставува опера на македонската сцена. Сценографијата е на Миодраг Табачки од Србија, костимографијата е на Марија Пупучевска, а кореографијата на Саша Евтимова.
Во улогата на Манрико ќе настапи гостинот од Чиле, Филипе Рохас, тенор кој настапувал на повеќе светски сцени, во улогата на Гроф Луна ќе настапи нашиот баритон Ристе Велков, во улогата на Леонора ќе настапи гостинката од Канада Криста де Силва, драмски сопран препознатлива по нејзините темни мистични бои. Во улогата на Ацучена ќе настапи, Сања Анастасиа, мецосопран, првенка на операта во Народниот театар во Белград. Во улогата на Ферандо ќе настапи нашиот бас, Владимир Саздовски кој е чест гостин на светските оперски сцени. Во останатите улоги ќе настапат: Јане Дунимаглоски, Ана Ројдева, Тихомир Јакимовски и Дејан Стоев во придружба на хорот и оркестарот на Националната опера и балет.
Романтична љубов, смртна љубомора и oдмазда се движечките драмски елементи на операта „Трубадур“ од италијанскиот музички мајстор Џузепе Верди. Операта се одликува со прекрасна музика и спектакуларно предводени вокални делови кои пренесуваат силни емоции, додека исклучително сложената приказна изобилува со огнена страст.
Култура
Изложба: „Четирите мајстори на модернизмот“
Град Скопје и ЈУ Културно Информативен Центар ќе отпочнат со реализација на Европскиот проект CreArt 3, со активноста „Европски месец на креативноста“ на 10 мај во галеријата Империјал 1 – ЈУ Културно Информативен Центар, каде што до крајот на месец мај ќе биде отворена групната изложба насловена: „Четирите мајстори на модернизмот“
Учесници: Теодора Андоноска, Мартин Буровски, Илина Василеска, Сергеј Јордановски, Камелија Каламерникова, Манели Крстиќ, Сара Милошевска, Ивона Петрова и Никола Тренов, сите студенти од четврта година на студиската програма Сликарство на Факултетот за ликовни уметности, Универзитет „Св. Кирил и Методиј“ – Скопје, во класата на проф. Слободанка Стевческа.
Изложбата „Четирите мајстори на модернизмот“ е воспоставена во чест на основоположниците на Факултетот за ликовни уметности од Катедрата за сликарство, професорите Петар Мазев, Родољуб Анастасов, Димитар Кондовски и Душан Перчинков.
Изложбата ќе биде отворена до 20.04.2024 година.