Македонија
Преполовен тимот на Јанева
Советот на јавни обвинители го преполови во средата тимот што го предложи специјалната обвинителка Катица Јанева, наместо 14 јавни обвинители вклучително со неа, што беше нејзин предлог, Советот изгласа само седум, и со Јанева се вкупно осум обвинители во тимот којшто ќе треба да ги истражува прислушуваните разговори.
Советот на јавни обвинители го прифати нејзиниот финансиски и работен план. Специјалната обвинитека Јанева, за одлуката на Советот дозна во моментот кога претседателот на Советот им ја соопштуваше информацијата на новинарите.Таа присуствувала на седницата додека ги претставувала своите планови, а потоа Советот ја продолжил седницата зад затворени врати.За Јанева оваа одлука претставува „узурпирање на нејзината работа“ и „прекршување на политичкиот договор од Пржино“. Таа најави дека ќе работи со овој избран тим, но рече дека постојано ќе бара да се коригира одлуката на Советот на јавни обвинители и да се изберат сите обвинители што ги предложила.Републичкиот јавен обвинител, Марко Зврлевски, кој како член на Советот на јавни обвинители првпат во средата присуствуваше на седницата на Советот откако е избрана Специјалната јавна обвинителка, а новоформираното Специјално обвинителство го нарече „политичко обвинителство“. Според него, ова обвинителство е формирано врз основа на политички договор, и покрај тоа што обвинителите во јавните обвинителства добро ги работеле предметите.Тој првпат во јавноста се пожали за условите во кои работат обвинителите, нивните плати и ресурси.
Во меѓувреме, Уставниот суд потврди дека поднесена е иницијатива за проверка на уставноста на Законот за јавно обвинителство за гонење на кривични дела поврзани и кои произлегуваат од содржината на незаконското следење на комуникациите./крај/мф/ффс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Спасовски: Насилниците од 27 април никако не смее да се нарекуваат уставобранители, ниту пак да бидат помилувани
Денешниот ден 27 април не смее да биде заборавен, ова е најцрниот ден во историјата на македонската демократија, рече денеска на прес-конференција, Оливер Спасовски, носител на ИЕ2 од СДСМ.
„На 27 април 2017 година се случи напад на Собранието, со план да се убијат пратеници, новинари и стручни служби на Собранието. Насилници коишто беа поттикнати од ВМРО-ДПМНЕ влегоа да ја остварат оваа цел. Затоа никако не смееме да дозволиме насилниците да се нарекуваат уставобранители, ниту пак да бидат тие коишто ќе бидат помилувани и на коишто ќе им биде простено за стореното“, рече Спасовски.
„Затоа е многу важно да разбереме сите дека овој десничарски режим во тоа време направи удар врз Уставот, државата и демократијата. Важно е да знаеме дека ваквиот пристап на една политичка партија може да ја сруши демократијата и слободата на граѓани и државата“, изјави тој.
Прес конференцијата се одржа пред Собранието каде беше поставен видео бим на кој се емитуваа снимки од инцидентите во Собранието. Веднаш до видео-бимот беа расфрлани и неколку искршени столчиња и други предмети.
Македонија
Стојаноска: Да се обединиме околу ВМРО-ДПМНЕ, за конечно ДУИ и СДСМ да ги испратиме во опозиција
Носителката на листа од коаилициката Твоја Македонија предводена од ВМРО-ДПМНЕ во изборната единица 6, Дафина Стојаноска се обрати пред тетовчани.
Дафина Стојаноска истакна дека е време за целосно обединување на сите, без разлика на партиска, верска или национална определба. Раката на ВМРО -ДПММЕ е подадена, време е ДУИ и СДС да заминат во опозиција.
Вчерашниот мини-митинг во старо Тетово – Под Балтепе испрати силна порака дека тетовчани ги има и се со одличен резултат во првиот круг претседателски избори. Мотивирани се и за 8-ми мај. Велат дека е редно оваа криминална власт да се испрати во пензија и да дојдат луѓе кои со работа ќе го покажат патриотизмот кон Македонија.
Македонија
Ковачки: 1 милијарда евра ќе се слеат од централниот буџет во општинските буџети
1 милијарда евра ќе се слеат од централниот буџет во општинските буџети, ветува носителот на третата изборна единица на ВМРО-ДПМНЕ, Драган Ковачки.
„Само за Кочани планираме да одвоиме 17 милиони евра во првиот четири годишен мандат. И тука предвидуваме продолжување на експресниот пат Кочани до Делчево, реконструкција на патот Кочани до Зрновци, секако целосна реконструкција на железничката линија Кочани до Велес и во градот Кочани предвидуваме изградба на катна гаража, изградба на старечки Дом и јужниот булевар. Така што ова е еден инвестициски бум кои што ги чека нашите општини после промената на власта. Ги повикувам сите граѓани на 8мај да ни се приклучат, за проекти, реформи и да си ја вратиме Македонија повторно горда и твоја“, изјави Ковачки.