Забава
Стариот голф на Меркел продаден за 10 илјади евра
Стариот бел „голф“ кој некогаш и’ припаѓал на актуелната германска канцеларка Ангела Меркел во понеделникот е продаден за 10.165,02 евра на интернет аукцијата, иако пред две седмици за автомобилот стар 22 години наводно биле понудени 129.995 евра.
Аукцијата беше прекината пред две седмици токму поради несериозните понуди, но беше по неколку дена повторно активирана.
Продавачот наводно го купил пред една година, а на продажба преку наддавање на интернет се одлучил кога го дознал вистинскиот идентитет на првата сопственичка на автомобилот.
Колата беше ставен на продажба на интернет страницата на eBay. Почетната цена на автомобилот изнесуваше 10 илјади евра, што значи дека и продавачот не заработил многу повеќе отколку што замислуваше.
Белиот автомобил на фотографијата изгледа дека е добро зачуван, а километражата на „голфот“ со три врати е 190.000 километри. Според весникот Spiegel, сегашниот сопственик на возилото, го купил пред околу една година со оштетувања на каросеријата. Кога ги видел документите, возачката дозвола на Меркел, во која стои нејзината поранешна приватна адреса, што е доказ за веродостојноста на сопственикот на возилото, тој е целосно го ремонтирал, изгланцал и украсил aвтомобилот.
Веројатно Меркел го користела автомобилот во првата половина на 1990-тите години. Како што е наведено во информацијата, во сопственост на Меркел автомобилот бил од од 1990 до 1995 година, потоа негов сопственик станал сопругот на сегашната канцеларка, Јоаким Зауер, а во 1996 година тој го продал автомобилот.
Во времето на комунистичката ГДР (Источна Германија) Ангела Меркел користела автомобил од марката „трабант“ а нејзин прв автомобил по обединувањето на Германија, бил токму овој „фолксваген голф“. Позната е вљубеноста на семејството на канцеларката Меркел кон оваа марка автомобили, и сега тие поседуваат автомобил од брендот Volkswagen Golf, кој го користи нејзиниот сопруг. Ангела Меркел, пак, ја возат во службен блиндиран автомобил од брендот Audi./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(ФОТО) И на 40 години во врвна форма: Роналдо повторно ги воодушеви фановите
Кристијано Роналдо повторно ги воодушеви фановите со фотографија објавена на Инстаграм, на која позира без маица во црни боксерки, покажувајќи ја одличната физичка форма и на 40-годишна возраст.
„По сауна“, напиша кратко Роналдо под фотографијата направена во теретана. Ова не е првпат фудбалската ѕвезда да објави вакви фотографии, со кои редовно ја истакнува дисциплината, тренинзите и начинот на живот по кои е препознатлив.
View this post on Instagram
Забава
Леонардо ди Каприо никогаш повторно не го гледал „Титаник“
Актерот Леонардо ди Каприо ги шокираше фановите со признанието дека никогаш повторно не го погледнал „Титаник“, филмот што во 1997 година го лансираше во светска слава и ја обележа цела една генерација.
Ди Каприо за тоа зборуваше во разговор со Џенифер Лоренс во емисијата Actors on Actors, пренесува „Варајети“. За време на опуштениот разговор, Лоренс директно го праша: „Дали некогаш повторно го погледна ‘Титаник’?“
Ди Каприо без размислување одговори: „Не. Не сум го гледал.“
Лоренс се изненади и му рече: „Па, треба да го гледаш! Се кладам дека сега би можел да го гледаш, навистина е добар.“
„Јас всушност не ги гледам моите филмови. Ти ги гледаш ли твоите?“ ја праша Ди Каприо колешката.
„Не“, одговори Лоренс низ смеа. „Никогаш не сум снимила нешто како ‘Титаник’. Да сум, сигурно ќе го гледав. Еднаш бев многу пијана и го пуштив ‘American Hustle’. Се прашував: ‘Дали јас сум добра актерка?’ Го пуштив филмот… и не се сеќавам на одговорот.“
Ди Каприо слично признание дал и претходно. Во август, за списанието „Есквајр“, изјави дека ретко ги гледа своите филмови, но дека постои еден исклучок.
„Тоа е ‘Авијатичарот’. Тој филм ми беше особено важен“, рече актерот, присетувајќи се на соработката со режисерот Мартин Скорсезе и на неговиот долгогодишен интерес за ликот на Хауард Хјуз.
Филмот „Титаник“, во режија на Џејмс Камерон, стана еден од најуспешните филмови во историјата, а Ди Каприо во него глумеше заедно со Кејт Винслет.
„‘Титаник’ беше голем експеримент за Кејт и за мене“, изјави Ди Каприо уште во 2016 година. „Не можевме ни да замислиме колку голем ќе стане филмот. Сè тоа нè изненади.“
Тој додаде дека по тој успех морал да забави и да се врати на своите актерски цели.
„Знаев дека од мене се очекува нешто одредено, но сакав да останам верен на себе и на причината поради која воопшто почнав да глумам“, порача Ди Каприо.
Забава
Од февруари ќе се наплаќа пристап до фонтаната ди Треви
Од 1 февруари, туристите ќе мора да платат две евра за да добијат пристап одблиску до фонтаната ди Треви во Рим, една од најпознатите туристички атракции во градот. Бесплатен пристап ќе имаат само жителите на Рим, додека разгледување од далечина ќе остане без надомест.
Градоначалникот Роберто Гвалтиери изјави дека со оваа мерка се очекува годишен приход од околу 6,5 милиони евра. Наплатата е дел од поширок план со кој од 1 февруари ќе се воведат влезници и за уште пет локации во градот, со цена од пет евра.
Фонтаната ди Треви ја посетуваат во просек околу 30.000 луѓе дневно, а градските власти ја оправдуваат мерката со пренатрупаноста и проблемите со џепчии. Само во периодот од 1 јануари до 8 декември, просторот пред фонтаната го посетиле околу девет милиони туристи.
Традицијата на фрлање парички во фонтаната продолжува.

