Култура
Вида Огњеновиќ добитник на Светската награда за хуманизам 2012-та
Годинешен носител на признанието на Охридската Академија на хуманизмот е Вида Огњеновиќ, српски книжевник и режисер, одлука едногласно донесена од страна на седумчленото меѓународно жири.
Годинешен носител на признанието на Охридската Академија на хуманизмот е Вида Огњеновиќ, српски книжевник и режисер, одлука едногласно донесена од страна на седумчленото меѓународно жири.Свечената церемонија на прогласувањето по традиција ќе биде организирана во Охрид, градот на УНЕСКО, на 18 јануари 2012 година, наспроти Водици, во куќата Уранија на МАНУ во 19 часот.Охридската Академија на хуманизмот од 2007 година ја инаугурира Светската награда за хуманизам, која се доделува на врвни фигури на светската уметност, според традицијата на свети. Климент Охридск, основоположникот на првата Средновековна школа за хуманизам во Европа.Досегашни добитници на ова признание се јапонскиот будистички филозоф Даисаку Икеда (2007), португалскиот синеаст Мануел де Оливеира (2008), рускиот писател и нобеловец Александар Солженицин (2009), големиот индиски композитор, хуманист и филозоф Рави Шанкар (2010) а минатата година Светската награда за хуманизам му припадна на театарскиот режисер и теоретичар Питер Брук.Вида Огњеновиќ е српски книжевник и режисер, дипломирана на Катедрата за општа книжевност на Филолошкиот факултет во Белград во 1963 година и на Отсекот за режија на белградската Академија за театар, филм и телевизија во 1965 година. Постдипломските студии ги започнува во Париз, на Сорбона, а магистерскиот труд го брани во 1972 година на Универзитетот во Минесота, САД. Од 1974 до 1979 работи како асистент на Факултетот за драмски уметности во Белград. За директор на Драмата на Народниот театар во Белград е избрана во 1977 година, а по истекот на четиригодишниот мандата, останува да работи во театарот како режисер. Како визитинг професор предавала на Универзитетите во Лос Анџелес (УСЛА), Чикаго (УИЦ) од 1981 до 1982, а во рамките на предавачките ангажмани како гостин предавала и на сите поголеми Универзитети во САД во 1985, 1991, 1997 и 1999. Редовен професор е на Академијата на уметностите во Нови Сад и актуелен Амбасадор на Србија во Данска. Нејзиниот режисерски опус го чинат близу сто театарски, како и голем број на телевизиски и радио режии, од кои голем дел се базирани врз нејзините текстови. напишала голем број на драми, кои доживеале повеќе постановки и бројни изведби, а истите биле и повеќекратно објавувани. Како режисер гостувала во многу театри ширум поранешна Југославија, а свои ангажмани сварила и во поширок европски и светски контекст. Притоа објавила и четири книги проза, еден роман, книги со драми./крај/мф/сн/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Култура
Денес е Ден на македонскиот јазик
Петти мај е прогласен за „Ден на македонскиот јазик“. На овој ден во 1945 година, со решение на Народната влада на Федерална Македонија е усвоена азбуката на македонскиот јазик врз принципот еден глас – една буква, а набргу потоа, на 7 јуни 1945, е усвоен и Правописот на македонскиот јазик.
Кодификацијата на современиот македонски стандарден јазик се заокружува со делата на Блаже Конески – Граматиката на македонскиот литературен јазик, Речникот на македонскиот јазик и Историјата на македонскиот јазик.
Култура
Инспиративен настап на SIN PUSTINJE во Битола за Меѓународниот ден на џезот 2024
МКЦ-Битола по јубилеен 10-ти пат го одбележа Меѓународниот ден на џезот во Битола 2024. Во прекрасниот амбиент на кафе барот Порта Џез, Ахмед Буриќ, Дамир Имамовиќ, Тони Китановски и Иван Михајловиќ приредија несекојдневно музичко поетско доживување.
Во проектот станува збор за искуството и интерпретацијата на музиката и поезијата која ги сумира различните интереси и вештини на уметниците кои досега ги познававме од другите жанрови. На концертот Буриќ, Имамовиќ, Китановски и Михајловиќ изведоа дванаесеттина песни од нивниот прв албум, како и некои други делови кои на изведбата во живо му дадоа комплетна форма и магична атмосфера.
Овој концерт по десетти пат ја стави Битола на глобалната мапа на градови кои го одбележуваат Меѓународниот ден на џезот и ги слават вредностите кои тој ги промовира. Битола ја ставаме на иста линија со светските метрополи кои имаат почит кон уметноста како начин на живот и извор на енергија не само за уметниците туку и за обичните граѓани.
Концертот се организира со финансиска поддршка на Министерството за култура и Општина Битола.
Култура
Вердиевата спектакуларна опера „Трубадур“ на 11 мај на „Мајските оперски вечери“
На 11 мај со почеток во 20.00 часот ќе се изведе спектакуларната опера „Трубадур“ од Џузепе Верди, во рамките на 52. издание на меѓународниот фестивал „Мајски оперски вечери“. Билетите за премиерната изведба на „Трубадур“ на 9 мај се распродадени.
Диригент е Иван Еминовиќ, режијата е на реномираниот македонски режисер, Иван Поповски кој живее и работи во Москва повеќе од две децении и за своите врвни уметнички достигнувања е добитник на највисоки признанија во Русија и низ светот и за првпат поставува опера на македонската сцена. Сценографијата е на Миодраг Табачки од Србија, костимографијата е на Марија Пупучевска, а кореографијата на Саша Евтимова.
Во улогата на Манрико ќе настапи гостинот од Чиле, Филипе Рохас, тенор кој настапувал на повеќе светски сцени, во улогата на Гроф Луна ќе настапи нашиот баритон Ристе Велков, во улогата на Леонора ќе настапи гостинката од Канада Криста де Силва, драмски сопран препознатлива по нејзините темни мистични бои. Во улогата на Ацучена ќе настапи, Сања Анастасиа, мецосопран, првенка на операта во Народниот театар во Белград. Во улогата на Ферандо ќе настапи нашиот бас, Владимир Саздовски кој е чест гостин на светските оперски сцени. Во останатите улоги ќе настапат: Јане Дунимаглоски, Ана Ројдева, Тихомир Јакимовски и Дејан Стоев во придружба на хорот и оркестарот на Националната опера и балет.
Романтична љубов, смртна љубомора и oдмазда се движечките драмски елементи на операта „Трубадур“ од италијанскиот музички мајстор Џузепе Верди. Операта се одликува со прекрасна музика и спектакуларно предводени вокални делови кои пренесуваат силни емоции, додека исклучително сложената приказна изобилува со огнена страст.