Секоја земја има право да патролира крај својата граница, но овој вид на паравоен одговор не е прифатлив и се смета за нарушување на меѓународното право.

Македонските власти се однесуваат како да се справуваат со немири, а не со беглаци кои избегале од конфликтни подрачја, се вели во соопштението до медиумите на Меѓународната организација за заштита на човековите права, Amnesti international, откако Владата прогласи кризна состојба на јужната и на северната граница.„Ако извештаите за тепање и пукање од огнено оружје од страна на безбедносните сили се точни ова ќе доведе до опасна ескалација на и онака тензична ситуација. Секоја земја има обврска да ги заштити они кои бегаат од конфликтни подрачја и прогон, и Македонија не е исклучок. Кога системот не може да одговори, треба да го подобрите системот – не може едноставно да ги сопрете луѓето да доаѓаат“, смета Гаури ван Галик, заменик директор на Amnesty International.Сведок на грчката страна од границата за Amnesty International вели дека Единицата за брз одговор на македонската полиција и антитерористичката единица ги тепале бегалците и барачите на азил кои се обидуваат да влезат во Македонија и  пукаат над нивните глави. Локална невладина организација потврдила дека се користат гумени куршуми.„Сириец кај Идомени на грчката страна на границата за Amnesty International  рекол дека македонската полиција спречила 1.000 луѓе, вклучително семејства и многу мали деца, да ја преминат границата во последните два дена. Групи од околу 10 македонски безбедносни сили во униформи се позиционирани на секои 50 метри долж границата.Македонските власти мора да гарантираат дека воените формации распоредени долж границата ќе го почитуваат меѓународното право и стандардите при употребата на сила и оружје.Според македонката НВО Легис, која им пружа помош на бегалците на железничката станица во Гевгелија, многумина од оние кои доаѓале се со видливи лузни од вооружен конфликт, но организацијата забележува дека на мигрантите многу малку им се пружа медицинска помош на грчката страна.Владата во четвртокот донесе одлука да ги затвори северната и јужната граница за нелегални мигранти со цел да се обебзеди мир и спокојство за локалното население, а оние мигранти кои ќе влезат во земјата да имаат соодветна заштита.Оваа одлука следува по големиот наплив на мигранти од Грција./крај/мф/ффс

Извор: Макфакс