Култура
Европскиот Оскар за Австриецот Ханеке
Во саботата вечер во Бохум на австрискиот режисер Микаел Ханеке му беше доделена наградата на Европската филмска академија
Филмот на Микаел Ханеке „Белиот лента“ (Das weisse Band), триумфираше освојувајќи ги признанијата за најдобар филм, за најдобра режија и за најдобро сценарио.Ханеке ја освои наградата пред другите големи режисерки имиња, како Педро Алдомовар, Андре Арнол, Жак Одиард, Дени Бојл и Ларс фон Трир. Покрај наградата за најдобра режија која уште ја нарекуваат и „европски Оскар“, на Ханеке му припадна и сценариото за најдобро сценарио, во кое се зборува за серија убиства и чудни несреќи во зафрлено село во северна Германија во периодот пред Првата светска војна.Европската филмска академија (EFA) која има две илјади членови, за најдобра актерка ја прогласи Британката Кејт Винслент за улогата во драмата „Читачот“, улога за која таа претходно го доби и Оскар-от, како и британската филмска награда БАФТА и германската Бамби.Најдобар, актер, пак е Тахар Рахим за улогата во францускиот филм „Пророк“ на режисерот Жак Одиард.Наградата на публиката ја доби носителот на Оскар за 2008 г, филмот „Милионерот од буништето“. За кого публиката гласаше преку интернет и во кино салите. А за камера во истиот филм и во „Антихрист“, наградата ја доби Ентони Дод Ментл. Најдобра филмска музика во европски филм, му е доделена на Алберт Иглезијас за музиката во филмот „Скршени прегратки“, а најдобар дебитантски филм е романско-британско-унгарскиот „Каталин Варга“, на Питер Стриклнд. Најдобар краток филм е „Пост рестант“ на Марсел Лозински. Наградата за животно дело, пак, е доделена на британскиот филмограф Кен Лоач, а за европски придонес во филмот наградата ја доби француската актерка Изабел Ипер. EFA е основана во 1989 г. за да го поттикнува развојот на европскиот филм, а нејзин прв претседател беше шведскиот режисер Ингмар Бергман. Доделувањето на наградите традиционално до минатата година се одржуваше во Берлин, кога се одржав во Копменхаген, а годинава во Бохум и Есен, градовите кои ќе бидат европски престолнини на културата за 2010 г.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Култура
Изложба: „Четирите мајстори на модернизмот“
Град Скопје и ЈУ Културно Информативен Центар ќе отпочнат со реализација на Европскиот проект CreArt 3, со активноста „Европски месец на креативноста“ на 10 мај во галеријата Империјал 1 – ЈУ Културно Информативен Центар, каде што до крајот на месец мај ќе биде отворена групната изложба насловена: „Четирите мајстори на модернизмот“
Учесници: Теодора Андоноска, Мартин Буровски, Илина Василеска, Сергеј Јордановски, Камелија Каламерникова, Манели Крстиќ, Сара Милошевска, Ивона Петрова и Никола Тренов, сите студенти од четврта година на студиската програма Сликарство на Факултетот за ликовни уметности, Универзитет „Св. Кирил и Методиј“ – Скопје, во класата на проф. Слободанка Стевческа.
Изложбата „Четирите мајстори на модернизмот“ е воспоставена во чест на основоположниците на Факултетот за ликовни уметности од Катедрата за сликарство, професорите Петар Мазев, Родољуб Анастасов, Димитар Кондовски и Душан Перчинков.
Изложбата ќе биде отворена до 20.04.2024 година.
Култура
Распишани конкурсите за државните награди „11 Oктомври“ и „22 Ноември“
Денеска се распишани конкурсите за државните награди „11 Oктомври“ и „22 Ноември“ за 2024 година.
Со државната награда „11 Октомври“ се оддава највисоко признание за животно дело во областа на науката, уметноста, стопанството и во другите дејности од јавен интерес на државата. Наградата се доделува на поединци, група творци, екипи, установи, трговски друштва и здруженија на граѓани од земјава.
Со државната награда „22 Ноември“, пак, се оддава признание на личностите од политичкиот, културниот и општествениот живот во нашата држава кои дале свој придонес во унапредување на меѓучовечкиот соживот и меѓусебно разбирање меѓу припадниците на различните заедници, култури и вери.
Конкурсите за државните награди „11 Oктомври“ и „22 Ноември“ за 2024 година траат од 1 до 31 мај 2024 година.
Конкурсите се објавени и на веб–страницата на Министерството за култура на следните линкови:
Државна награда „11 Октомври“ – https://kultura.gov.mk/wp-content/uploads/2023/10/odluka-3.pdf
Државна награда „22 Ноември“ – https://kultura.gov.mk/22-%d0%bd%d0%be%d0%b5%d0%bc%d0%b2%d1%80%d0%b8/
Култура
Мајските оперски вечери немаат никакви примеси на економски ниту политички стремеж, организаторите го најавија 52-рото издание
Мајските вечери немаат никакви економски ниту политички стремеж, еден ваков уникатен собир ќе го обележи и Скопје и Македонија, соопштија организаторите на прес-конференција.
„Оваа манифестација датира од крајот на 60-тите години. Тогаш имало криза со публика, која не била изразена само во Скопје. Во првите години мајските оперски вечери се празни, но со текот на годините заинтересираноста расте“, изјавја организаторите.
Како што велат оттаму, ова е еден од најголемите фестивали во регионот и со квалитетна програма сите овие години.
„Оваа година ќе има екслузивна програма. Очекуваме одлични резултати“, додаваат оттаму.
Реномираниот македонски режисер Иван Поповски, со успешна кариера во Русија, ја поставува операта „Трубадур“ од Џузепе Верди, со чија премиера ќе се отворат 52. Мајски оперски вечери (МОВ) на 9 мај во Националната опера и балет (НОБ). Диригент ќе биде Енрико Довико (Италија), сценографијата ја работи реномираниот Миодраг Табачки од Србија, костимите Марија Пупучевска, а кореографијата Саша Евтимова.
Во рамките на 52. Мајски оперски вечери, во фоајето на Националната опера и балет, од 9 до 31 мај ќе биде поставена и изложбата „Оперска одисеја“ – наследството на Милка Ефтимова. Изложбата ќе ја сочинуваат донирани лични предмети од движно материјално и нематеријално културно наследство, класифицирани во категоријата лични предмети како и голем број награди, признанија, уметнички портрети и фотографии кои во детали ја прикажуваат нејзината богата музичка кариера.
„Оперска одисеја“ е резултат на институционалната соработка помеѓу Музејoт на македонската борба за самостојност и Националната опера и балет. Автор на изложбата е Василија Чали, соработник за визуелни уметности, дизајн и архитектура.