Македонија
Здруженијата не ги прифаќаат измените за хонорарците, сепак ќе има протест

Потписниците на Повелбата за солидарност за заштита на работничките права, граѓански здруженија, активисти и поединци ги отфрлаат најавите за измени на законите за придонеси за хонорарна работа и остануваат на барањата доставени на 12 декември, од кои првото е повлекување на законските измени.
„Одбиваме да бидеме предмет на манипулации со цел да се амортизира незадоволството на илјадници граѓани кои протестираа и бараа укинување на законите откако беа соочени со откази, намалувања и доцнења на приходите. Затоа остануваме на најавата за протести на 13 февруари, петок во 14 часот“ соопштуваат од ССНМ.Пратеничката група на ВМРО-ДПМНЕ до Собранието ќе достави предлог за изменување и дополнување на Законот за придонеси од задолжително социјално осигурување.Со најновите измени и дополнувања на Законот за придонеси од задолжително социјално осигурување лицата кои не се вработени, а остваруваат приходи по основ на договор, придонеси ќе плаќаат само на разликата меѓу исплатениот нето надоместок и минималната плата.Вработените лица и пензионерите кои остваруваат приходи по основ на договор придонеси ќе плаќаат само на разликата меѓу исплатениот нето надоместок и просечната нето плата./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Итна седница на Советот на Град Скопје во вторник

Градот Скопје изразува длабоко сочувство до семејствата на настраданите во страшната несреќа која ноќеска се случи во Кочани. Трагедијата која што се случи е огромна, нема зборови што можат да ја искажат болката и тагата за загубата на нашите сограѓани.
Сочувство до семејствата и роднините на настраданите изразија Претседателот на Советот на Град Скопје и Градоначалникот на Град Скопје кои во рамки на коодинираните активности за помош на семејствата на жртвите и повредените при катастрофалниот настан во Кочани, организираат итна седница на Советот на Град Скопје која претседателот на Совет ќе ја свика за вторник 18 март.
Македонија
Владата ќе одржи вонредна седница, ќе биде прогласена 7 дневна жалост поради трагедијата во Кочани

Владата денеска во 16 часот ќе одржи седница.
Според информациите со кои располагаме, Владата ќе донесе одлука за 7 дневна жалост поради трагедијата во Кочани.
Ќе се донесе и заклучок за итна и вонредна инспекција на сите ноќни клубови, дискотеки и ресторани приредувачи на забави.
Македонија
(Фото) 18 лица хоспитализирани во ГОБ „8 Септември“

Се зголемува бројот на родители, роднини и пријатели пред Градската општа болница „8 септември“ во обид да добијат информација за состојбата на своите најблиски.
Тука, според последните информации, има 18 пациенти.
Забележливи се и екипи на Црвениот крст.
Министерството за здравство ја уверува јавноста дека сите расположливи ресурси се ставени во функција и дека ниту еден пациент не е оставен без неопходна грижа. Наш приоритет останува спасувањето животи и обезбедувањето најдобри можни услови за закрепнување на повредените.
Телефон за дополнителни информации за состојба на пациентите:
ГОБ 8 Септември – 071226764
Клинички центар- 070387115
СВ Наум Охридски – 075203026