Забава
Стогодишна Јапонка рекордерка во пливање
Јапонката Миеко Нагаока, која веќе ја „троши“ 101-година од животот, успеа да ја заврши трката на 1.500 метри во пливачкиот натпревар во слободен стил во 25-метарски базен, што претставува подвиг кој не му пошол од рака досега на ниеден стогодишник.
Единствената натпреварувачка во категоријата меѓу 100 и 104 години, Миеко Нагаока во саботата со слободен стил го совлада предизвикот со резултат од 1 час, 15 минути и 54,39 секунди, во префектурата Ехима, во западна Јапонија, за што доби огромни аплаузи од публиката.
Енергичната госпоѓа, којашто се надева дека нејзиниот рекорд ќе го признае и Гинисовата книга на рекордите, нема намера да се запре на ова постигнување. „Сакам да пливам до 105-та година, доколку поживеам толку“, вели за агенцијата Kyodo.
Роден во Јамагучи во 1914 година, Нагаока за CNN изјави дека „се чувствувам слободно секогаш да завршам трка од 1.500 метри, но сепак ќе продолжам да пливам натаму“. Таа е посветен пливач, кој тренира четири пати седмично, според нејзиниот профил на страницата на пливачкото тело FINA:
Нагаока, инаку, започнала да плива кога имала 80 години, како терапија за повреда на коленото. Потоа тоа ја фасцинирало и почнала со поставување рекорди. Така, лани во олимписки базен на возраст од 99 години забележа успех, исто така, на делницата од 1.500 метри, а истата година ја објави и книгата за своите спортски потфати.
Минатиот септември во Јапонија беа регистрирани околу 59 илјади стогодишници, од кои 87 отсто се жени, според официјалната статистика на тамошното министерство за здравство.
Меѓу нив неколкумина се изразено активни. Така, 104-годишниот Худекичи Мијазаки го држи светскиот рекорд во трчање на 100 метри во категоријата на стогодишници и повозрасни, со 29,83 секунди што му го донесеа прекарот „Голден Болт“, според активниот атлетичар и повеќекратен светски рекордер Усаин Болт./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Ева Мендес за семејството и животот во 50-тите: Вака не го замислував мојот пат
Иaкo никогаш не го замислувала својот живот на 50 години, Ева Мендес живее во свој ритам – и не може да биде посреќна. „Не подлегнувам на притисокот на општеството. Што сакам да правам, правам“, вели актерката, која ги има ќерките Есмералда Амада (9) и Амада Ли (8) со Рајан Гослинг.
“Сигурно не мислев дека ќе имам деца и ќе бидам дома. Затоа, многу сум среќна што одреден маж влезе во мојот живот и ме натера да се предомислам за сите тие работи”, рекла таа. Пред 10 години таа ја напушти актерската кариера за да се фокусира на своите деца.
Таа вели дека тоа била „најлесната одлука“ што ја донела. „Кога забременив на 40-годишна возраст, беше страшно за другите. И кога повторно забременив на 42-годишна возраст, луѓето ми велеа: „О Боже мој, ќе бидеш толку уморна“, откри таа.
„Тоа е најглупавата работа што сум ја слушнала. Патем, потребно е само малку повеќе трпение. Мислам дека не бев подготвена за тоа во моите 20-ти, пиев и пушев. Дефинитивно не можев да подигнам деца во кое било друго време од мојот живот освен сега“, додава таа.
Една од најубавите жени на светот истакна дека е „среќна што се отишло во тој правец“.
Инаку, Мендес нема снимено ништо откако стана мајка. Нејзината последна улога беше во 2014 година. Покрај нејзината актерска кариера, таа е портпарол на голема козметичка компанија, модел и креативен директор на брендот за шминка „CIRCA Beauty“.
Забава
Емили Ратајковски го привлече вниманието со фустан кој повеќе открива отколку што крие
Емили Ратајковски присуствуваше на настанот The King’s Trust Global Gala што се одржа во Casa Cipriani во Њујорк, каде што ги привлече погледите со храбар фустан.
Познатата убавица носеше свилен крем фустан со длабоко деколте, кој допираше речиси до нејзиниот папок, а кој ја истакна нејзината витка линија. Фустанот имал и гол грб и бил врзан околу вратот.
The King’s Trust Global Gala е основана од британскиот крал Чарлс III. со цел да им се помогне на младите, а свечениот настан собра многу познати фаци, како моделот Ирина Шајк, актерката Кејт Бекинсејл, славната двојка Криси Тајген и Џон Леџенд, поранешната манекенка Кејт Мос и плус сајз моделот Ешли Греам.
Забава
Мишел Фајфер се појави на црвениот тепих, обожавателите се восхитени од нејзината убавина
Актерката Мишел Фајфер не се појавува често во јавноста, но сега позираше со сопругот Дејвид Е.Кели на црвениот тепих на Американскиот филмски институт во Лос Анџелес. Обожавателите се восхитуваат на нејзиниот изглед во 67-та година и пишуваат дека изгледа како да не старее.
Иконската жена-мачка често зборува за тоа како го прифатила стареењето и се фотографира без шминка. Иако изгледа како да го должи својот фантастичен изглед на посебни скриени трикови, таа тврди дека работата е многу едноставна.
Таа претходно за Daily Mail откри дека доволно спие, вежба и се храни здраво.