Култура
Последен ден на Оф-Фест
Со настап на Родриго Леао, култен португалски композитор и изведувач и неговиот Синема ансамбл, кој ќе биде придружуван на Македонскиот филхармониски оркестар во МОБ, и со настапот на Гангбе Брас Бендот од Африка, пред платото на Музејот на Македонија вечерва завршува деветтиот Оф-Фест
Родриго Леао има исклучително забележителна и богата кариера којашто е поврзна со некои од најзначајните мигови на португалската музичка сцена од 80-тите наваму. Неговата прва група Setima Legiao донесе свеж здив во португалската музика кога се појави во 1982.Преку етикетата што ги објавуваше изданијата на оваа група, Родриго го запозна Педро Ајрес Магаљаес. Заедно влегоа во нова авантура со далекусежни интернацинални последици Madredeus. Родриго сними пет албуми со Madredeus, играјќи клучна улога во градењето на светската кариера на овој состав.Сепак, во 1993 година кога се уште членуваше во Madredeus, Родриго ја најави својата соло кариера обелоденувајќи го „Ave Mundi Luminar“, првиот израз на неговиот особено личен поглед на светот. Со ова соло деби, Родриго започна ново патување, освојувајќи некои нови звучни територии блиски до современата класика и минимализмот. Следуваа албумите „Musterium“ (1995), „Theatrum“ (1996) „Аlma Mater“ (2000) живиот „Pasion“ (2002) и „Cinema“ (2004).Соработката со луѓе како Бет Гибонс или Руичи Сакамото, и двајцата гости на албумот „Cinema“ претставуваат уште еден доказ за повеќедимензионалноста и универзалноста на неговата музика.Денес, Родриго Леао отвора ново поглавје во кариерата: албумот „A Mae“ амбициозен проект во кој учествуваат имиња како Нил Хенон од Divine Comedy, Стујарт Стејплс од Tindersticks, како и големот амбасадор на новото аргентинско танго – Мелинго.Педро Алмодовар го опиша Леао како „еден од најинспиративните композитори во светот“. Тој е навистина извонреден уметник.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Култура
Изложба: „Четирите мајстори на модернизмот“
Град Скопје и ЈУ Културно Информативен Центар ќе отпочнат со реализација на Европскиот проект CreArt 3, со активноста „Европски месец на креативноста“ на 10 мај во галеријата Империјал 1 – ЈУ Културно Информативен Центар, каде што до крајот на месец мај ќе биде отворена групната изложба насловена: „Четирите мајстори на модернизмот“
Учесници: Теодора Андоноска, Мартин Буровски, Илина Василеска, Сергеј Јордановски, Камелија Каламерникова, Манели Крстиќ, Сара Милошевска, Ивона Петрова и Никола Тренов, сите студенти од четврта година на студиската програма Сликарство на Факултетот за ликовни уметности, Универзитет „Св. Кирил и Методиј“ – Скопје, во класата на проф. Слободанка Стевческа.
Изложбата „Четирите мајстори на модернизмот“ е воспоставена во чест на основоположниците на Факултетот за ликовни уметности од Катедрата за сликарство, професорите Петар Мазев, Родољуб Анастасов, Димитар Кондовски и Душан Перчинков.
Изложбата ќе биде отворена до 20.04.2024 година.
Култура
Распишани конкурсите за државните награди „11 Oктомври“ и „22 Ноември“
Денеска се распишани конкурсите за државните награди „11 Oктомври“ и „22 Ноември“ за 2024 година.
Со државната награда „11 Октомври“ се оддава највисоко признание за животно дело во областа на науката, уметноста, стопанството и во другите дејности од јавен интерес на државата. Наградата се доделува на поединци, група творци, екипи, установи, трговски друштва и здруженија на граѓани од земјава.
Со државната награда „22 Ноември“, пак, се оддава признание на личностите од политичкиот, културниот и општествениот живот во нашата држава кои дале свој придонес во унапредување на меѓучовечкиот соживот и меѓусебно разбирање меѓу припадниците на различните заедници, култури и вери.
Конкурсите за државните награди „11 Oктомври“ и „22 Ноември“ за 2024 година траат од 1 до 31 мај 2024 година.
Конкурсите се објавени и на веб–страницата на Министерството за култура на следните линкови:
Државна награда „11 Октомври“ – https://kultura.gov.mk/wp-content/uploads/2023/10/odluka-3.pdf
Државна награда „22 Ноември“ – https://kultura.gov.mk/22-%d0%bd%d0%be%d0%b5%d0%bc%d0%b2%d1%80%d0%b8/
Култура
Мајските оперски вечери немаат никакви примеси на економски ниту политички стремеж, организаторите го најавија 52-рото издание
Мајските вечери немаат никакви економски ниту политички стремеж, еден ваков уникатен собир ќе го обележи и Скопје и Македонија, соопштија организаторите на прес-конференција.
„Оваа манифестација датира од крајот на 60-тите години. Тогаш имало криза со публика, која не била изразена само во Скопје. Во првите години мајските оперски вечери се празни, но со текот на годините заинтересираноста расте“, изјавја организаторите.
Како што велат оттаму, ова е еден од најголемите фестивали во регионот и со квалитетна програма сите овие години.
„Оваа година ќе има екслузивна програма. Очекуваме одлични резултати“, додаваат оттаму.
Реномираниот македонски режисер Иван Поповски, со успешна кариера во Русија, ја поставува операта „Трубадур“ од Џузепе Верди, со чија премиера ќе се отворат 52. Мајски оперски вечери (МОВ) на 9 мај во Националната опера и балет (НОБ). Диригент ќе биде Енрико Довико (Италија), сценографијата ја работи реномираниот Миодраг Табачки од Србија, костимите Марија Пупучевска, а кореографијата Саша Евтимова.
Во рамките на 52. Мајски оперски вечери, во фоајето на Националната опера и балет, од 9 до 31 мај ќе биде поставена и изложбата „Оперска одисеја“ – наследството на Милка Ефтимова. Изложбата ќе ја сочинуваат донирани лични предмети од движно материјално и нематеријално културно наследство, класифицирани во категоријата лични предмети како и голем број награди, признанија, уметнички портрети и фотографии кои во детали ја прикажуваат нејзината богата музичка кариера.
„Оперска одисеја“ е резултат на институционалната соработка помеѓу Музејoт на македонската борба за самостојност и Националната опера и балет. Автор на изложбата е Василија Чали, соработник за визуелни уметности, дизајн и архитектура.