Забава
Не заборавајте да ги наместите часовниците и покрај спорењата на научниците
Летното сметање на времето завршува во недела на 31-ви октомври, кога стрелките на часовниците се поместуваат еден час наназад, така што три часот по полноќ ќе се смета како два часот. Но во научните кругови се уште се спори дали станува за грешка и како тоа ќе вилаје врз здравјето
Воведувањето на летното сметање на времето го заговара Бенџамин Франклин, кој додека бил американски делегат во Франција, во 1784 г. го напишал есејот „Економичен проект“, а првпат тоа е применето во 1916 г. во северните европски земји и досега е воведено во 70 држави, претежно на северната хемисфера. На 21 мај 1916 г. Велика Британија, следејќи го примерот на Германија првпат го воведува летното сметање на времето. Прво договорот бил часовниците да се поместуваат по 20 минути во текот на четири последователни недели, односно вкупно 80 минути. Причината била, исто како и денес, повеќе да се искористи сончевата светлина во текот на иквечерината, а помалку светлина да остане неискористена во текот на утрото, но сето тоа да не биде многу драстично. Поместувањето на стрелките во западна Европа е воведено е на почетокот на 1970-те , со образложение дека со тоа се продолжува денот, се овозможува заштеда на потрошувачката на електрична енергија, се зголемува продуктивноста, се подобрува прилагодувањето на луѓето и работниот ден е поефикасен. Во Европа во 1996 г. е постигнат договор од зимско кон летно сметање на времето да се преминува во последната недела од март, точно во 01:00 часот наутро според универзално време, односно во 02:00 часот според средноевропско време. Државите членки на Европската Унија и дугите европски земји од 2002 г. одредија летното време да почнува последната недела од март и да завршува последната недела од октомври. Поместувањето на времето во повеќето случаи се врши ноќта меѓу сабота и недела, со цел да не предизвика поголеми проблеми за работното население. Исланд е единствената европска земја која не го воведе зимското и летното сметање на времето.И во САД од 2007 г. е променет начинот на кој го смета времето. Летното сметање на времето почнува на вторито викенд во март и завршува првиот викенд во ноември.На јужната хемисфера почетокот и крајот на летното време е спротивен во однос на северната. Повеќето од земјите на екваторијалниот појас воопшто не го менуваат времето, бидејќи таму и не се чувствува многу промената на должината на денот и ноќта во текот на годината.Некои астрономи меѓутоа се против поместувањето и вештачкото продолжување на денот, бидејќи сметаат дека „природата не треба да се измачува“, дури и доколку како оправдување се користат економските причини. Така, на сите би им било подобро ако часовникот не се враќа на зимско време, тврди британскиот научник Мајер Хилман, кој 25 години го испитува влијанието на светлината врз здравјето. Освен што смета дека зимското време треба да се израмни по летното, тој се залага стрелката на часовникот на лето да се помести дури два часа нанапред.Наместо да живееме во полумрак, летното сметање на времето во зима, и два часа нанапред во лето, ќе донесе многу повеќе сончеви часови и повеќе можности луѓето да се движат на отворено. Тоа многу би значело во намалување на болестите и би ја подобрило психичката состојба на луѓето во текот на зимата.Хилман, кој е професор на британскиот институт, своите тврдења ги поткрепува со британскиот експеримент кој траел од 1967 до 1971 г., кога Британија цела година имала летно пресметување на времето. Утринското изгрејсонце го зголемило бројот на несреќите на улиците, бидејќи попладневните часови имале повеќе дневна светлина.Недостигот од физички активност Хилман го смета за главен здравствен проблем, на кој продолжените зимски денови можат многу да влијаат. Многумина, особено постарите лица се повлекуваат во своите домови веднаш по заоѓањето на сонцето, а тоа значи помалку можности за шетање на отворено. За можните проблеми со здравјето предизвикани како последица на влиајнието на менувањето на сметањето на времето дебатираат и руските научници. Преминот од лето да се зимно време и обратно не влијае значително врз здравјето на луѓето, смета главниот истражувач на рускиот Институт за биомедицински проблеми, Светлана Степанова.Меѓутоа, други лекари и специјалисти од различни области сметаат дека новиот времен режим влијае врз здравјето на луѓето. Некои веруваат дека менувањето на зимно време може да доведе до егзацербација на хроничните заболувања и депресија, а други – дека лошата здравствена состојба на луѓето, наводно, како резултат на минувањето на зимскиот период се јавува како резултат на автосугестија.Од 2009 г. Русија се „префрла на зимско време“ на 25-ти октомври во 03:00 по локално времеИстражувањата покажуваат дека во текот на првите ден или два по преминот кон летно време, луѓето можат да имаат лошо расположение, бидејќи стануваат многу рано, смета Степанова.Од друга страна, заменик-директор на Институтот за географија при Руската академија на науките, Аркадиј Тишков, смета дека преминот од летно на зимско време или обратно, може да предизвика лице одреден стрес. Според него, можете да доживеете растројство на сонот во овие денови на зголемен ризик од психијатриски нарушувања, а исто така може да се зголеми бројот сообраќајни несреќи, но тој истакнува дека овие факти не се потврдени. Во секој, случај научникот не е поддржувач на менувањето на сметањето на времето.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Видео) Комичарка го исмеа Леонардо Ди Каприо на „Златните глобуси“, неговата реакција е вирална
Комичарката Ники Глејзер беше домаќинка на доделувањето на наградите „Златен глобус“ втора година по ред, а церемонијата одржана на 11 јануари беше обележана, меѓу другото, со шега за Леонардо Ди Каприо и неговите врски со многу помлади жени.
Глејзер се осврна на номинацијата на Дикаприо за неговата улога во „Една битка по друга“.
„Безброј иконски улоги, си работел со сите големи режисери. Освои три Златни глобуси и еден Оскар. И најимпресивното од сè е што успеа да го направиш сето ова пред твојата девојка да наполни 30 години. Мислам, тоа е едноставно лудо.“
51-годишниот актер, навикнат на вакви досетки, се насмеа и кимна со главата во знак на одобрување. Неговата 27-годишна девојка, Виторија Черети, со која неодамна беше на одмор во Сент Бартс, не беше со него таа вечер.
„Лео, жал ми е за шегата, ефтина е, се обидов да ја избегнам“, рече Глејзер.
„Но, не знаеме ништо друго за тебе, човече. Нема ништо друго… Направив малку истражување, најдлабинското интервју што некогаш си го дал е за Тин Бит во 1991 година. Дали твојата омилена храна сè уште е „тестенини, тестенини и уште тестенини“?“
„Да“, промрмори актерот од својата маса со палец нагоре, „секако дека е“.
фото/депозитфотос
Забава
Концерт на Слаткар на 2 август во Охрид
На 2 август, на стадионот „Билјанини Извори“ во Охрид, во организација на „Прагма продукција“, Марко Маринковиќ – Слаткар ќе го одржи својот најголем концерт досега.
Настан што ја отсликува зрелоста на една кариера и нејзиното цврсто место на домашната сцена како резултат на континуиран и јасно изграден авторски пат.
Концертот во Охрид ќе отслика една ера и едно време, преку песни што оставија значаен белег на нашата музичка сцена – сега со нова енергија, пред илјадници луѓе, на отворена сцена, во град кој е симбол на културата и уметноста.
„Овој концерт за мене е од голема важност. Тој е круна на мојата досегашна работа. Вечерта, на Илинден, сите мои блиски пријатели ќе бидат дел од сцената. Конечно македонски концерт на стадион! Дојдете најубаво да си поминеме!“, вели Слаткар.
Во повеќе од дваесет години активна работа, неговата музика се менуваше и созреваше, но никогаш не ја изгуби суштината, директноста и искреноста. Токму поради тоа, песните не се заборавија, туку се доживуваат сè посилно и продолжуваат да живеат од генерација на генерација.
Во време кога сцената брзо заборава, Слаткар успеа да се задржи цврсто, без да се повторува, и да биде препознатлив без потреба да се објаснува или докажува.
На 2 август, стадионот „Билјанини Извори“ ќе стане место каде минатото, сегашноста и иднината ќе се сретнат во ист ритам – со неговите безвременски хитови, богата програма со специјални гости и врвна продукција.
Не пропуштајте да бидете дел од овој историски концерт!
Картите се веќе во продажба и може да се купат преку: www.kupikarta.com, Розе Веро 2, ЈК Травел Бисер и ЈК Травел Дајмонд.
Линк за карти: https://kupikarta.com/event-details.nspx?eventid=5728
Забава
(Видео) Пожар избувна зад сцената на доделувањето на Златните глобуси
За време на синоќешната доделба на Златните глобуси во Лос Анџелес избувнал мал пожар зад сцената. Инцидентот се случил во прес-собата, откако член на кетеринг-службата случајно превртел сад за загревање храна, објави „Дели мејл“. Новинарот Крис Гарднер наведе дека тепихот кратко горел, се појавил чад, но пожарот брзо бил изгаснат и никој не бил повреден.
Crisis averted inside #GoldenGlobes backstage press room as catering knocked over a coffee holder and the sterno underneath was lit. For a brief moment, the carpet was on fire and smoke wafted up around the curtains. They put it out quickly fortunately. Yikes! pic.twitter.com/FTFixnZppT
— Chris Gardner (@chrissgardner) January 12, 2026
Инцидентот не бил единствениот што ја одбележал вечерта. Гледачите реагирале бурно откако наградата за најдобра филмска музика му била доделена на Лудвиг Горансон за филмот „Sinners“ за време на рекламна пауза. Снимката од моментот стана вирална, а многумина оценија дека станува збор за непочитување кон уметниците, особено затоа што за други сегменти од церемонијата имало доволно време.
Ludwig Göransson accepts the #GoldenGlobes award for for Best Score Motion Picture! 🎵 Congratulations! pic.twitter.com/IVW28K3HTb
— Golden Globes (@goldenglobes) January 12, 2026

