Култура
Доделени наградите на Фестивалот „Војдан Чернодрински“
Оценувачката комисија на 45-от Македонски театарски фестивал „Војдан Чернодрински” кој се оджа измиантиве денови во Прилеп ги подели наградите 13-те награди образложувајќи го својот избор
Годинешново жири во состав Мустафа Јашар, претседател и членовите Слободан Деспотовски и Братислав Димитров се реши да го награди Владо Ѓоревски Рафик за рекламниот материјал за претставата „Браќата Карамазови“ што ја изведе Народниот театар од Битола, оценувајќи го како „одлично графичко решение“ кое го изразува основниот концепт на претставата но истовренемо и отвора флуиден простор на асоцијации. Наградата за кореографија и сценски движења му е доделена на „домашниот“ театар „Војдан Чернодрински“ за кореографија и сценски движења во претставата „Кавкаскиот круг со креда“ во режија на Мартин Кочовски. „Сценските движења во претставата беа во функција на базичната идеја на претставата“, се вели во образложението за оваа награда.Наградата за млад актер иемнувана „Трајко Чоревски“ ја доби Осман Али за улогата на Жан во претставата „Госпоѓица Јулија“ во изведба на Турскиот театар Скопје. Иако млад актер кој ги прави првите чекори на сцената, Осман Али лежерно и убедливо донесува зрел сценски резултат, оценува жирото на Фестивалот. Од истата претстава на Турскито театар од Скопје, е наградена за женска споредна улога е и Несрин Таир која ја толкуваше улогата на Кристина, успевајќи на мал и со минимални изразни средства да изгради впечатлив лик во функција на претставатаНаграда за машка епизодна улога именувана „Димче Трајковски“ е доделена на Адриан Азири за улогата на Гробарот во претставата „Генерал на мртвата војска“ во изведба на Албанскиот театар од Скопје, кој како што нагласува жирито е „актер со природна актерска харизма кој суверено владее со ликот во секоја драмска ситуација“.Најдобра музика за претставата направила групат Фолтин. Тие ја „озвучија“ „Кавкаскиот круг со креда“ на прилепскиот театар, со музика која е комплетно во функција на претставата.Најдобра костомографија е онаа на Благој Мицевски за костимите во претставата „Генарал на мртвата војска“ што ја изведе Албанскиот театар од Скопје, презентирајќи костими кои го одредуваат духот на днешното време.Зад сценографијата која жирото на Фестивалот „Војдан Чернодрински“ реши да ја награди се потпишаа Јулија Војкова Најман и Филип Јованоски, во „Кавкаскиот круг со креда“ што ја изведе прилепскиот театар. „И покрај тоа што е доста сложена и обемна, оваа сценографија на лесен и функционален начин го поддржува и динамизира сложеното драмско дејство“, образложи жирито. Најдобра е режијата на Мартин Кочовски за претставата „Кавкаскиот круг со креда“ на театарот „Војдан Чернодрински“ од Прилеп, за која се нагласува дека остава впечаток на фасцинантна посветеност, страст и верба во својата професија, со која Кочовски жестоко и храбро влетува во најдалечните и неистражени предели на сценската уметност.Годинава најдобар драмски текст е прогласен текстот на Горан Стефановски „Баханали“ за истоимената претстава која во Прилеп ја изведе велешкиот театар „Јордан Хаџи Константинов Џинот“. „На добро познати митови и легенди, Горан Стефановски на креативен начин создал оргинален текст кој комуницира со нашата современост“, се вели во соопштението на жирито на 45-тите театарски игри во ПрилепНаградата за современа сценска драматизација му припадна на Андреј Хинг за драматизација на романот „Браќата Карамазови“ од Достоевски која беше изведена од Народниот театар од Битола, бидејќи од сложениот и слоевит свет на Достоевски, Хинг успеал да ја извлече есенцијата и да направи динамично и жестоко драмско дејство.Награда за главна машка улога е доделена на Огнен Дранговски за улогата на Аљоша во претставата „Браќата Карамазови“ на битолскиот Народен театар, бидејќи со „восхитувачка духовна смиреност, сценски магнетизам, сугестивност но истовремнено и жестока драматичност огнен дранговски успеа да изгради лик кој ни ја доловува материјалната и духовна димензија на човекот, метефора на есенцијалните човечки дилеми стремежи и надежи“.За најдобра главна женска улога наградена е Биљана Драгичевиќ Пројковска која ја толкуваше улогата на Кејт во претставата „Жената како воено поле“ во изведба на Драмски театар од Скопје. „Под наизглед студениот и човечки и професионален оклоп чука обично топло човечко срце . тоа срце во клучниот момент се соочува со својата лична драма. лик кој е растргнат помеѓу сигурниот и конфорен дом и хаосот на суровата војна“м ја образложи оваа нгадата прилепското жири.И на крајот за најдобра претстава како уметничко остварување во целина е проглесена претставата „Кавкаскиот круг со креда“ во режија на Мартин Кочовски во изведба на театарот „Војдан Чернодрински“ од Прилеп. Жирото вели дека станува збор за редок пример на колективна игра и тотален театар со бескрајна страст и верба во театарот, живот на конкретност и прецизност, но истовремено и храбро истражување во сите сегменти на изразот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Култура
Театар Куманово настапи на фестивалот „MOST“ во Германија
Претставата на Кумановскиот театар „Прво лице еднина“ вчера вечер настапи на Интернационалниот камерен театарски фестивал во Германија, „MOST“ кој од први до шести октомври се одржува во Хановер.
На огромно задоволство на германската публика актерката Владанка Крстевски потполно ги освои нивните срца со емоцијата која ја прикажа преку монодрамата – Прво лице еднина, во која на маестрален начин прикажа дванаесет женски ликови со своите проблеми, лични ставови и карактери.
Режијата на претставата е на Драгана Гунин.
Актерката доби признание за исклучително моќно и емотивно прикажување на карактерите во претставата.
-Околу нас има многу жени кои секојдневно се борат и работат по 12 часа дневно. Тие жени жртвуваат се за своите семејства, за своите деца, за да обезбедат подобар живот, а никој не зборува за нив. Ова е претстава во која зборуваме токму за тие жени. Ние денеска сме ќерки, а утре ќе бидеме мајки и сакаме да имаме поддршка, бидејќи не знаеме кај ќе не однесе животот. Инспирацијата за мојот текст е од книгата „Добра ноќ за бунтовни девојчиња“, во која се зборува за жени кои направиле многу за сите нас, но останале на маргините на општеството, – раскажува младата актерка Владанка Крстевски, пренесува Кумановски театар.
Култура
Премиера на комедијата „Жени во црвено“ во Македонија
Премиерата на комедијата „Жени во црвено“ во Македонија ќе се одржи на 9 октомври во 19 часот на сцената на Националната опера и балет во Скопје. Претставата, која ја носи JEС Продукција од Скопје, ги обединува на сцената неповторливите актерки Олга Одановиќ, Дубравка Мијатовиќ, Анастасија Мандиќ и Сена Ѓоровиќ, под режија на Бојана Лазовиќ.
Претставата раскажува за четири жени кои се наоѓаат во комична, но истовремено и сериозна ситуација. Поранешната стјуардеса Тамара и нејзината сестра Нора, која е невработена, се соочуваат со финансиски тешкотии и неможност да го платат својот станбен кредит. Динка, службеничка од банката, доаѓа со намера да го конфискува имотот, но се соочува со неочекуван отпор од сестрите. За да го задржат својот дом, тие преземаат драстични чекори, додека надвор од нивната зграда полицијата и специјалните единици го заоструваат конфликтот. Во меѓувреме, на местото на настанот пристигнува полицајката Анѓа, со свој личен проблем.
Комедијата „Жени во црвено“ на комичен начин ги обработува темите на долгови, финансиски кризи и животните предизвици, истовремено потсетувајќи на важноста од солидарноста, пријателството и заедничкото справување со проблемите.
Текстот е на Давор Шпишиќ, режијата на Бојана Лазовиќ, сценографија и костимографија на Јелена Стокуќа, а музиката на Ирена Поповиќ Драговиќ.
Култура
Изложба „Мотиви од полошкото поднебје“ на Илирјан Беќири и Агрон Абдули
Во галеријата на Културно-информативниот центар во Софија, на 3 октомври (четврток) 2024 ќе биде отворена изложбата „Мотиви од полошко поднебје“ на ликовните уметници Илирјан Беќири и Агрон Абдули.
Двајцата уметници од Тетово ќе изложат околу дваесетина дела од нивниот најнов сликарски опус. На изложбата ќе можат да се видат сликите на Илирјан Беќири, изработени во техниката маслени бои на платно и сликите на Агрон Абдули, изработени во техниката акрилни бои на платно.
На отворањето на изложбата во КИЦ во Софија ќе присуствуваат двајцата ликовни уметници – педагози, кои ќе ја запознаат публиката со нивната уметност, творештво и дејност.
Илирјан Беќири е роден во 1968 година во Тетово. Дипломирал 1998 година на Универзитетот во Тетово, отсек сликарство, во класата на проф. Тахир Емра, каде завршил и постдипломски студии. Живее и работи во Тетово како професор на Факултетот за ликовни уметности на Универзитетот во Тетово.
Самостојни изложби: 2019 – Prima Center Berlin – Berlin , 2017 – Културно информативен центар на РСМ во Софија, 2009 – MC Galery, New York, 2014 – Културно информативен центар – Скопје, 2008 – Национална галерија на С.Р. Македонија – Чифте амам, Скопје, 2008 – Ателје “Cite Internationale des arts”, Париз, 2004 – Галерија на Министерство за култура, Приштина, 2003 – Дом на култура, Тетово, 1998 – “Europe Galery”, Гостивар
Излагал на многу групни изложби во земјава (Тетово; Скопје, Куманово, Гостивар др.) и странство (Тирана, Приштина, Париз, Берат, Призрен, Истанбул).
Од 2007 год. е член на и активен учесник на изложбите на ДЛУМ .Во 2008 година имал студиски престој во “Cite Internationale des arts” Во Париз. Од 2019 година е претседател на ЗЛУТ – Тетово.
Агрон Абдули е роден 1971 година во Џепчиште, Тетово, РСМ. Основното образование го заврши во Џепчиште, средното во 1993 год. во гимназијата во Тетово. Дипломирал во 1999 година на Факултетот за Ликовна Уметност, сликарство, на Универзитетот во Тетово, во класата на познатиот педагог проф. Тахир Емра. Постдипломските студии, сликарство, ги заврши во 2002 година кај истиот професор во Факултетот за Уметност во Приштина.
Работи како професор на Факултетот на Уметности, Ликовна Уметност, на Универзитетот во Тетово
Самостојни изложби: 2023-Културен Информативен Центар, MC Gallery, Њујорк, 2022-Културен Информативен Центар, Скопје, 2021-Центар за Култура, Гостивар, 2016-Галерија на Министерство за Култура на Р. Косово ,,Ќафа” Приштина, 2015-Национална галерија на Република Македонија ,,Чифте амам”, Скопје, 2015-Градска галерија, Бихач, 2015-Галерија ,,Роман Петрович” Сарајево, 2011-Уметничка галерија, Тетово, 2008-Културен Информативен Центар, Скопје, 2008-Сите Интернатионале дес Артс, Париз, 2006-Уметничка галерија, Гилане, 2004-Музичко училиште, Тетово.
Учествувал во голем број на колективни изложби и ликовни колонии во Република Северна Македонија и во странство. Активен член е на Здружението на Ликовните Уметници на град Тетово и Друштво на Ликовни Уметници на Македонија.