Забава
Секоја трета операција на рак на дојките – непотребна?
Секоја трета жена, на која и е дијагностициран рак на дојките, непотребно оди на операција и хемотерапија, покажа најновото истражување објавено
Секоја трета жена, на која и е дијагностициран рак на дојките, непотребно оди на операција и хемотерапија, покажа најновото истражување објавено во угледното британско списание Бритиш Медикал Журнал.
Кога лекарите ќе откријат тумор, тие неселективно ги испраќаат жените на операција и зрачење, што е исклучително стресно и за пациентката и за нејзиното семејство.
Некои видови на тумори, едноставно не се опасни и доаѓа до излекување и без лекарски третмани.
Секогаш имало проблеми со прекумерното дијагностицирање, но со мамографијата тоа доби епидемиски размери.
Истражувањето за прекумерно дијагностицирање е спроведено во Данска, но стручњаците се убедени дека непотребни операции има и во другите земји каде мамографијата е достапна.
“Не е прашање дали има премногу дијагнози на рак на дојките, туку е прашање колку често тоа се прави“, вели професорот Гилберт Велч, додавајќи дека здравствените власти кои ги повикуваат жените на мамографија би требало да ги предупредат пациентките дека се можни и погрешни дијагнози. Велч предупредува дека некои видови рак на дојките растат толку бавно што жените на крајот ќе умрат од некоја друга болест.
“Бидејќи докторите не знаат кој рак е опасен, а кој не, тие од претпазливост ги третираат сите“, вели Велч и додава дека тој проблем во иднина би можел да биде уште поголем.
“Мамографијата е деликатна бидејќи е тенка линијата меѓу штетата и користа. Таа, без сомневање, им помага на многу жени, но исто така, и им штети на многу. Нема вистински одговор, туку секоја жена сепак, треба да одлучи сама“, заклучува доктор Велч.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Никола Роквиќ Велигден го помина во Македонија, се огласи на 14. ден од подвигот
Српскиот пејач Никола Роквиќ веќе 14 дена патува пеш до Грција. Крајната дестинација на пејачот е манастирот Нектариј Егински, каде пејачот ќе се поклони и ќе го заврши подвигот кој го почна за хуманитарни цели.
Никола Велигден го помина во Македонија. Пејачот веќе објави фотографии и видеа на кои покажа како е пречекан во Куманово и Свети Николе.
„Стигнав на денешната дестинација. Голема радост е со мене, на местото Свети Николе, во храмот Свети Никола. Нашите драги домаќини ми кажаа дека ова место е токму местото каде што св. Никола му го вратил видот на Стефан Дечански. Вечерва овде ќе го славиме Велигден, многу сум среќен“, рече Никола.
Забава
Марко Новески објави прва фотка со близначињата: „Мојата дупла среќичка“
Водителот Марко Новески на својот Инстаграм профил објави прва фотографија со новородените близначиња Веда и Вања.
Новески, на 23 април 2024 откри дека заедно со сопругата станале родители и тогаш на неа и се заблагодари на сопругата што му го остварила најголемиот сон.
View this post on Instagram
10-тина дена по раѓањето, Марко објави фотографија, а во прегратка му се двете дечиња.
„Мојата дупла среќичка“, напиша тој,
Забава
Ева Мендес за семејството и животот во 50-тите: Вака не го замислував мојот пат
Иaкo никогаш не го замислувала својот живот на 50 години, Ева Мендес живее во свој ритам – и не може да биде посреќна. „Не подлегнувам на притисокот на општеството. Што сакам да правам, правам“, вели актерката, која ги има ќерките Есмералда Амада (9) и Амада Ли (8) со Рајан Гослинг.
“Сигурно не мислев дека ќе имам деца и ќе бидам дома. Затоа, многу сум среќна што одреден маж влезе во мојот живот и ме натера да се предомислам за сите тие работи”, рекла таа. Пред 10 години таа ја напушти актерската кариера за да се фокусира на своите деца.
Таа вели дека тоа била „најлесната одлука“ што ја донела. „Кога забременив на 40-годишна возраст, беше страшно за другите. И кога повторно забременив на 42-годишна возраст, луѓето ми велеа: „О Боже мој, ќе бидеш толку уморна“, откри таа.
„Тоа е најглупавата работа што сум ја слушнала. Патем, потребно е само малку повеќе трпение. Мислам дека не бев подготвена за тоа во моите 20-ти, пиев и пушев. Дефинитивно не можев да подигнам деца во кое било друго време од мојот живот освен сега“, додава таа.
Една од најубавите жени на светот истакна дека е „среќна што се отишло во тој правец“.
Инаку, Мендес нема снимено ништо откако стана мајка. Нејзината последна улога беше во 2014 година. Покрај нејзината актерска кариера, таа е портпарол на голема козметичка компанија, модел и креативен директор на брендот за шминка „CIRCA Beauty“.