Култура
Охридско лето, Двеилјади десетто
Понижувачки анонимен настап на балетски уметници од шест земји, потценувачки и понижувачки однос кон присутната публика се случи на Охридко лето, по спектакуларниот почеток на јубилејното издане
И таман помисливме дека по утрото денот ќе се познае, што ќе рече дека според спектакуларното отворањето на 50-иот фестивал Охридско лето организаторот барем ќе се обиде да го задржи нивото, значи само два дена потоа, најавената балетска премиера замислена како интернационален проект под наслов „Европа сега, Европа без граници“ доживеја потполно фијаско.Прво, претставата беше закажана за среда, 14 јули во 21 часот на сцената на Долни Сарај. Датумот (за среќа) остана ист, но без никакво образложение ниту видлива известување претставата беше преместена во Античкиот театар. Така, претпоставуваме дека барем половината публика најпрвин се прошетала до Долни Сарај за таму да разберат дека треба да пропешачат до Антички. Се разбира, претставата мораше да почека повеќе од половина час поради преселбата на луѓето што платиле билети. А наша проценка е дека се собраа едвај двесте луѓе.Втората утка беше програмата, односно она парче хартија кое вообичаено треба да го добиете при влегувањето, за да знаете што и по кој редослед ќе гледате. Или барем да има најава во живо од водител. Ниту тоа!Вака, на сцената (патем ужасно осветлена) излегоа прво двајца во бело, одиграа некаков танц на музика од виолончело и си заминаа. Добија аплауз, но никој не знаеше од каде се уметнициве и на која музика танцуваа. Потоа излегоа петмина балетски играчи во урбана гардероба, се разбира и тие беа добри и добија аплауз ама кои се и одкаде се остана тајна. И така, на сцената се сменија шест групи танчери, повеќето играа модерни кореографии, но кои беа Украинците, кои беа Грци, кои Французи, или Италијанци, Португалци, а кои нашите, за публиката остана неодгатлива тајна. Само на крајот се чини разбравме или нагаѓавме дека беа нашите, според музиката на Драган Даутовски?Понижувачки анонимен настап на балетски уметници од шест земји, потценувачки и понижувачки однос кон присутната публика.И воопшто не е безобразно ако би сакале навистина да знаеме колку пари го чини фестивалот оваа ,,претстава“, колку е потрошено за доаѓањето и престојот на уметниците (околу триесетмина) во Охрид.Тотален организационен аматеризамИ, насловот на овој проект „Европа сега…“, е како самите да си врзуваме шлаканица. Зарем вака во Европа? Сега, тешко! Понатаму…?“
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Култура
Музеите се огледало на минатото и на нашето културно наследство, порача министерката Костадиновска Стојчевска
Министерката за култура Бисера Костадиновска Стојчевска на сите музејски работници им го честита Меѓународниот ден на музеите – 18 Maj за кои вели дека се огледало на минатото и на нашето културно наследство.
„На 18 Mај, Меѓународниот ден на музеите ја нагласуваме нивната заштитничка улога на историјата, културата и македонскиот идентитет. Музеите се инспирација за креативност, истражување и критика, уникатни локации за интерпретација на уметноста, археологијата и науката. Со честитката до сите музејски работници ја нагласувам нивната посветеност во заштита на дејноста и придонесот за едукација на младите генерации во справувањето со комплексните општествени предизвици“, се вели во честитката.
Министерката за култура посочува дека денеска ја подигаме свеста и го насочуваме вниманието кон важноста на музејските институции со отворање на нивните врати за граѓаните.
Таа потенцира дека Министерството за култура поддржува голем број проекти на музеите во остварување на заедничката цел за достојно почитување и вреднување на културата и културното наследство.
„Музеи за едукација и истражување“ е мотото под кое денеска се одбележува Меѓународниот ден на музеите – 18 Мај, датум кој музејските институции низ светот со разновидни активности го одбележуваат од 1977 година.
На овој ден, музеите во земјава традиционално ги отворат своите врати и овозможуваат бесплатен влез за посетителите кои можат да ги видат актуелните изложби и да се запознаат со движното културно богатство.
Меѓународниот ден на музеите традиционално се одбележува секоја година на 18 мај со цел промоција на значењето на музејските институции во современото општество.
Култура
Лозано, Пајак, Сашко Коцев… денес во Градски парк како дел од кампањата „Крени глас против врсничко насилство“
Во рамки на кампањата на „Макпетрол“ за спречување на врсничкото насилство, во Градски парк денеска ќе се одржи отворен настан наменет за деца, млади, родители, баби, дедовци…
Диџеј Боно, Сашко Коцев, „Биби и Боби“, Лозано, Пајак, Весна Петрушевска со децата од нејзината актерска школа, како и други гости, ќе бидат дел од програмата на оваа забавна дружба што е дел од кампањата „Крени глас против врсничко насилство“, а за најмладите ќе има интерактивни содржини и популарни игри.
Марија Јосифовска-Спасовска, член на Управниот одбор и директор во „Макпетрол“, вели дека се пресреќни што во текот на нивната општествено одговорна активност добиле многу поддржувачи.
Почнувајќи од децата и младите, од кои добивме впечаток дека им е навистина мило што, конечно, така отворено и толку гласно, се зборува за проблем со којшто тие секојдневно се соочуваат. Секако, тука се и општините, кои ја препознаа вредноста на нашата идеја и активно се вклучија во обезбедувањето услови за учениците да се здобијат со знаења за булингот. Наставниците, стручните служби, како и родителите, исто така, застанаа зад кампањата и помогнаа фокусот на јавноста да се сврти кон врсничкото насилство. За да се реши проблемот со булингот потребна е уште работа и посветеност, но веруваме дека и со позитивната енергија од нашиот настан, ќе придонесеме да се придвижиме во вистинска насока, истакнува Јосифовска-Спасовска.
Како што информира организаторот, на кампањата „Крени глас против врсничко насилство“ досега се приклучиле 24 општини и за сите нив „Макпетрол“ обезбеди едукативни материјали и работилници предводени од психолог со долгогодишно искуство за проблемот со булингот.
Култура
Утре, бесплатен влез во музеите
„Музеи за едукација и истражување“ е мотото со кое утре ќе се одбележи Меѓународниот ден на музеите, 18 Мај, датум кој музејските институции во светот со разновидни активности го одбележуваат од 1977 година.
На овој ден музеите во земјата традиционално ги отворат своите врати и овозможуваат бесплатен влез за посетителите, кои може да ги видат актуелните изложби и да се запознаат со движното културно богатство.
Музеите, освен својот придонес како платформа за размена на идеи и знаења, имаат значајна улога во образованието и се афирматори на темите што денес силно го засегаат светот, а кои чекаат да бидат истражени и споделени.
Музејските институции ги поттикнуваат идните генерации на креативен, динамичен и интересен начин да се осврнат на комплексните општествени предизвици на денешницата, да се информираат за причините и последиците од човековото влијание врз природата и да развијат критичко размислување и лична одговорност неопходна за градење одржливо општество.
Меѓународниот ден на музеите традиционално се одбележува секоја година на 18 мај со цел промоција на значењето на музејските институции во современото општество. Денот посветен на музеите е урврден од Меѓународниот совет на музеите – ИКОМ, со седиште во Париз.