Британскиот весник The Telegraph истражувал каква музика слушаат тамошните политичари, но биле вдахновени да истражат и каква музика обожуваат светските диктатори

Британскиот премиер Гордон Браун се релаксирал додека ја слушал музијката на Arctic Monkeys, лидерот на британските конзервативци, Дејвид Камерон, пак, ги слуша Killers, а поранешниот премиер Тони Блер во една прилика пред ученици изјавил дека ужива да ги слуша Dаrkness.Новинарите заклучиле дека демократските лидери слушаат актуелна музика, додека најозлогласените светски политичари уживаат во старите хитови и евергрини.Така, на пример, „ископана“ е изјавата на претседателот на Зимбабве, Роберт Мугабе, кој во 1980 г. кога слушнал дека на прославата на независноста на неговата земја во 1980 г. ќе пее Боб Марли, изјавил дека тој лично повеќе би сакал да го слушне Клиф Ричард. Суданската поетеса Кола Бооф, која тврди дека лидерот на терористичката Ал Каеда, Осама бин Ладен ја држел како сексуална робинка во 1996 г. откри пред медиумите дека најбараниот терорист на светот не останувал рамнодушен на музиката на Van Halen, B-52s…, но пред се’ на пеењето на Витни Хјустон. Бооф тврди дека бин Ладен сонувал да ја запознае американската пејачка, да и’ купи куќа во Судан и да го убие нејзиниот тогашен сопруг Бобу Браун.Либискиот диктатор, полковникот Моамер ел Гадафи го преферирал Лајонел Ричи, и замолил за негов автограм по неговиот настап на „Концертот за мир“ во Либија во 2006 г. Со овој концерт била одбележана 20-годишнината од американскиот напад врз Триполи во кој загинала усвоената ќерка на полковникот, Хана. Во врска со ова истражувње, Ричи изјавил дека ноќта кога американските тенкови го напаѓаа Багдат, ирачките радиостаници го емитувале еден од неговите најголеми хотови – All Night Long.Вождот на нашите северни соседи, Слободан Милошевиќ, кој почина додека му се судеште во Хаг за воени злосторства и геноцид, многу често во затворската самица го слушал евергринот на Френк Синатра, My Way. Според неговите искажувања, тој почнал да го слуша Синатра додека работел како банкарски службеник во претставништвото на Беобанка во Њујорк во 1970-тите.Севернокорејскиот комунистички водач Ким Јонг-Ил, кој постојано го предизвикува светот ѕвецкајќи со нуклеарно оружје, го обожува Ерик Клептон. Но пејачот ја одби можноста да биде првиот музичар од западот кој настапил во Пјонгјанг, кога минатата година беше поканет од страна на самиот Јонг-Ил. Се зборува и дека еден од синовите на севернокорејскиот претседател, Ким Јонг-Чу, додека студирал во Швајцарија, дури четирипати престојувал во Германија на концертите на Клептон.Списокот на темните личности од светската политика и нивните афинитети во популарната музика, завршува со иранскиот претседател Махмуд Ахмадинеџад против чија власт веќе половина годиан иранската опозција организра гоелми протести на кои има многу загинати и повредени. Личноста која можеби многу повеќе од Јонг-Ил го плаши западот со нуклеарно оружје, го обожува ирскиот поп-пејач Крис де Бар. Тој требаше минатото лето да настапи на концерти во Иран, за што му беше издадена дозвола за јавни настапи, но гостувањето беше откажано заради безредијата кои избувнаа по јунските претседателски избори. Така пропадна можноста авторот и исполнувачот на големиот хит Lady in Red да стане првиот западен поп-уметник кој настапувал во Техеран по 1979 г.