Култура
Изложба и предавање за графички дизајн
Гете-институтот Канцеларија за врски Скопје и Музејот на град Скопје организираат изложба под нсалов „Димензија на површината“ каде ќе изложуваат 41 графичко студио со околу 150 примероци
Отворањето на изложбата е утре (среда), а воведно обраќање ќе има меѓународно познатиот графички дизајнер Александер Бранчик. Тој, следниот ден, ќе одржи и предавање за студенти по графички дизајн и графички дизајнери на тема Креирање фонтови за клиенти и кампањи за кое може да се пријавите на [email protected].Изложбата ги илустрира петте основни области на дизјанот: типографија, графички дизајн, дигитални медиуми, корпоративен дизајн како и ориентациони и упатувачки системи. Поимот “комуникациски дизајн“ генерално се користи за креирачките процеси во дводимензионалниот дизајн; тоа на пример го опфаќа класичното креирање на фонтови, логоа, плакати, но и осмислувањето на комплетниот корпоративен дизајн на претпријатија или создавањето дигитални интерфејси.Графичкото студио од Дизелдорф „nowakteufelknyrim“ разви сопствен концепт за оваа изложба. Тој се состои од специјални транспортни кутии, таканаречени Flight Cases, кои истовремено служат како флексибилен мебел за изложбата и се интегрирани и директно во збирката: на тој начин најактуелниот пример за комуникациски дизајн од Германија и самиот претставува дел од изложбата. Александер Бранчик студирал визуелна комуникација на Факултетот за дизајн во Офенбах. По 7 години работа во MetaDesign кај Ерик Шпикерман, Александер Бранчик со партнерите Томас Нагел и Уве Ото го основа xplicit Друштво за визуелна комуникација со седиште во Франкурт на Мајна и Берлин. Бранчик има создадено бројни фонтови и има добиено многу национални и меѓународни награди. Бранчик во 1990 г. заедно со Михаел Етер и карикатуристот Детлеф Суреј ја креираше првата изборна кампања за партијата на Зелените по обединувањето на Германија. Тој е познат и како уметнички директор на музичкото списание „Frontpage“ за кое ги креаирал и фонтовите, а автор е и на корпоративниот дизај на „Love Parade“. Има извршено силно влијание врз експресивно-емоционалниот стил на германската техно-сцена.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Култура
Денес е Ден на македонскиот јазик
Петти мај е прогласен за „Ден на македонскиот јазик“. На овој ден во 1945 година, со решение на Народната влада на Федерална Македонија е усвоена азбуката на македонскиот јазик врз принципот еден глас – една буква, а набргу потоа, на 7 јуни 1945, е усвоен и Правописот на македонскиот јазик.
Кодификацијата на современиот македонски стандарден јазик се заокружува со делата на Блаже Конески – Граматиката на македонскиот литературен јазик, Речникот на македонскиот јазик и Историјата на македонскиот јазик.
Култура
Инспиративен настап на SIN PUSTINJE во Битола за Меѓународниот ден на џезот 2024
МКЦ-Битола по јубилеен 10-ти пат го одбележа Меѓународниот ден на џезот во Битола 2024. Во прекрасниот амбиент на кафе барот Порта Џез, Ахмед Буриќ, Дамир Имамовиќ, Тони Китановски и Иван Михајловиќ приредија несекојдневно музичко поетско доживување.
Во проектот станува збор за искуството и интерпретацијата на музиката и поезијата која ги сумира различните интереси и вештини на уметниците кои досега ги познававме од другите жанрови. На концертот Буриќ, Имамовиќ, Китановски и Михајловиќ изведоа дванаесеттина песни од нивниот прв албум, како и некои други делови кои на изведбата во живо му дадоа комплетна форма и магична атмосфера.
Овој концерт по десетти пат ја стави Битола на глобалната мапа на градови кои го одбележуваат Меѓународниот ден на џезот и ги слават вредностите кои тој ги промовира. Битола ја ставаме на иста линија со светските метрополи кои имаат почит кон уметноста како начин на живот и извор на енергија не само за уметниците туку и за обичните граѓани.
Концертот се организира со финансиска поддршка на Министерството за култура и Општина Битола.
Култура
Вердиевата спектакуларна опера „Трубадур“ на 11 мај на „Мајските оперски вечери“
На 11 мај со почеток во 20.00 часот ќе се изведе спектакуларната опера „Трубадур“ од Џузепе Верди, во рамките на 52. издание на меѓународниот фестивал „Мајски оперски вечери“. Билетите за премиерната изведба на „Трубадур“ на 9 мај се распродадени.
Диригент е Иван Еминовиќ, режијата е на реномираниот македонски режисер, Иван Поповски кој живее и работи во Москва повеќе од две децении и за своите врвни уметнички достигнувања е добитник на највисоки признанија во Русија и низ светот и за првпат поставува опера на македонската сцена. Сценографијата е на Миодраг Табачки од Србија, костимографијата е на Марија Пупучевска, а кореографијата на Саша Евтимова.
Во улогата на Манрико ќе настапи гостинот од Чиле, Филипе Рохас, тенор кој настапувал на повеќе светски сцени, во улогата на Гроф Луна ќе настапи нашиот баритон Ристе Велков, во улогата на Леонора ќе настапи гостинката од Канада Криста де Силва, драмски сопран препознатлива по нејзините темни мистични бои. Во улогата на Ацучена ќе настапи, Сања Анастасиа, мецосопран, првенка на операта во Народниот театар во Белград. Во улогата на Ферандо ќе настапи нашиот бас, Владимир Саздовски кој е чест гостин на светските оперски сцени. Во останатите улоги ќе настапат: Јане Дунимаглоски, Ана Ројдева, Тихомир Јакимовски и Дејан Стоев во придружба на хорот и оркестарот на Националната опера и балет.
Романтична љубов, смртна љубомора и oдмазда се движечките драмски елементи на операта „Трубадур“ од италијанскиот музички мајстор Џузепе Верди. Операта се одликува со прекрасна музика и спектакуларно предводени вокални делови кои пренесуваат силни емоции, додека исклучително сложената приказна изобилува со огнена страст.