Храната има големо влијание врз здравјето, соодветниот начин на исхрана може да го одржува здравјето во одлична форма, па дури и да штити од некои болести. Ако храната се конзумира правилно, може да биде поволна за мозокот и мисловните активности

За да функционираат нормално, клетките на телото им се потребни добро избалансирана храна, доволно време за одмор и позитивни емоции. Ова важи во полна сила и за мозочните клетки, кои се многу важен дел за функционирање на целиот организам. Прехранбените адитиви за јакнење на мозочната активност погрешно се сметаат дека се лек за  добрата меморија. Тие навистина можат да ви помогнат, но ефектот им е скоро незабележлив и при сите случаи привремен. Големите попречувачи на добрата меморија се алкохолот, дрогата, стресот, уморот, недостатокот на сон, депресијата и др. Менталното состојба е исклучително важна за нормалното функционирање на секој дел од човековиот организам, вклучувајќи го и мозокот. Кога сте во премногу напната и нервирзна состојба, брзо заборавате и ви е отежнето помнењето, исто така тешко ги запомнување и задачите кои ви се зададени на работното место. Токму затоа, нормалното функционирање на мозокот е директно поврзан со емоционалната, психичката и физичката состојба на човекот. Здравата и правилно комбинираната храна е од голема важност кога станува збор одржувањето на добрата состојба на меморијата и мозочната активност. Не е важно што јадеме, колку што е важно на кој начин ја комбинираме храната. Пред се во организмот треба да има баланс – масти, јаглени хидрати, протеини, витамини … Мозокот има потреба од скоро сите, за да врши нормалната активности. Сепак, има некои прехранбени производи, чија што консумација треба да се зголеми, кога станува збор за побрзо помнење. Намирниците, кои шт дејствуваат како антиоксиданти, се особено корисни за функционирањето на мозокот. Веќе е познато дека антиоксидансите ги неутрализираат слободните радикали, кои се виновниците за штетата и неправилното функционирање и стареењето на клетките. Меѓу најдобрите храна-антиоксиданси се: масло, соја, јајца, спанаќ, брокули, боровинките, зелката, репка, цитрусното овошје. Рибата и морските Деликатеси имаат исто така одлично дејство врз мозочните активности. Ако сте под стрес, се подготвувате за испит или се изложени на некоја друг вид на ментална активност, јадете по 2-3 пати неделно риба и други морски плодови. Железото и протеините исто така многу му се потребни на мозокот, за да може да функционира правилно, затоа, јадете редовно месо, сирење, кашкавал и сите производи кои ги содржат. Јагленохидратите помагаат за полесно помнење и ја поттикнуваат активната работа на мозочната активност, но најдобро е да ги набавиме главно од оризот и црниот леб. Други намирници, кои помагаат ја помагаат мисловната дејност се: соја, мед, лен, алги, јаткасти овошја (особено ореви). Кафето, заради состојките кои што се содржат во него, како што е кофеинот  исто така помага при засилената мисловна дејност. За да се радувате на остар ум и долготрајна меморија, следете го златното правило – урамнотежена исхрана. Тоа ќе ви помогне да се радувате не само на добра меморија, но и на добро здравје.