Македонија
Одложено формирањето на Анкетната комисија за прислушувањето
Собраниската Комисија за прашања на изборите и именувањата денеска го одложи утврдувањето на предлог одлуката за избор на членови на Анкетната комисија за прислушувањето.
Претседателот на комисијата, Зоран Илиоски информираше дека прашањето ќе биде поставено на дневен ред кога до него ќе стасаат предлозите на пратеничките групи на ВМРО-ДПМНЕ и ДПА. До Илиоски предлози доставиле само пратеничките групи на ДУИ и на СДСМ и опозицијата, како што било договорено во четвртокот.Формирањето на оваа комисијата беше договорено во Пржино, а таа овој месец требаше да подготви првичен извештај, но се уште не почнала да работи.„Ова е уште еден обид на ВМРО-ДПМНЕ да купи време, некоја саат или некој ден. Знаеме дека се плашат од снимките и сакаат да ги закопаат, но тоа не е возможно, Анкетната на крајот мора да се формира, а тие да се соочат со политичката одговорност за тоа што го правеле, а за кое јавноста се информираше од прислушуваните разговори“, вели пратеникот на НСДП, Горан Мисовски, кој треба да биде заменик претседател на оваа комисија.Комисијата, според договорот, треба да ја води Петре Шилегов од СДСМ, а опозицијата во ова тело ќе има вкупно четири членови. ВМРО-ДПМНЕ треба да има осум члена, по два ДУИ и ДПА и едно место е резервирано за независните пратенички.
Сега се чека ВМРО-ДПМНЕ и ДПА да предложат членови за Комисијата а избор и и именување повторно да закаже седница./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Времето денеска сончево и потопло
Времето денеска во земјава ќе биде претежно сончево и потопло, попладне во планинските подрачја со услови за краткотраен пороен дожд и ретки грмежи. Ќе дува слаб ветер од јужен правец. Минималната температура ќе биде во интервал од 3 до 10, а максималната ќе достигне од 18 до 25 степени.
Во Скопје претежно сончево и тивко. Минималната температура ќе се спушти до 7, а максималната ќе достигне до 24 степен.
Утре времето ќе биде претежно сончево и топло, попладне во планинските подрачја со услови за краткотраен пороен дожд и ретки грмежи. Во вторник попладне ќе има локална појава на нестабилност, а во среда и четврток под влијание на нов влажен бран во поголем дел од земјава ќе има пороен дожд и грмежи, локално во форма на невреме со пообилни врнежи и засилен ветер.
Македонија
Православните верници го слават Велигден
Православните верници денеска го слават најголемиот христијански празник Велигден – Христовото воскресение, ден кога Исус Христос ја докажал својата божествена моќ и воскреснал од мртвите. Воскресението Христово на полноќ беше објавено во сите храмови на Македонската православна црква, а денеска се одржуваат воскресенски литургии.
Поглаварот на МПЦ-ОА г.г. Стефан богослужеше во Соборниот храм „Свети Климент Охридски“ во Скопје од каде го објави Христовото Воскресение и упати Велигденски пораки.
Македонија
Посебен сообраќаен режим утре и задутре во Тетово поради предизборни митинзи
СВР Тетово информира дека поради одржување на митинзи на политичките партии во рамки на предизборната кампања во следните два дена (недела и понеделник) ќе има посебен сообраќаен режим во центарот на градот.
– Ќе се воведе посебен режим на сообраќајот и тоа по булевар „Илирија“од влезот на Тетово сè до плоштадот, односно кружниот тек со булевар „Илинденска”, при што нема да се дозволува паркирање на возилата низ булеварот. Исто така, за време на митинзите сообраќајот ќе биде пренасочен по другите улици, и тоа по улиците „ЈНА“, „Тодор Ципоски-Мерџан”, „Јане Сандански“ и улица „Никола Тесла“, се вели во соопштението на СВР Тетово.
Отттаму со апел возачите да бидат трпеливи и да ги почитуваат наредбите што ќе ги издаваат полициските службеници.