Македонија
Изаири: Прекуграничниот Биосферен резерват Охрид-Преспа е една од вредностите која ја додаваме на светот
Претставници од Националните комисии на УНЕСКО им го предадоа во албанскиот град Корча вторникот Сертификатот за прогласување на Прекуграничниот прекуграничниот биосферен резерват Охрид-Преспа, на претставниците на Билатералниот комитет и секретаријат, кои беа носители на активноста, односно на македонскиот министер за животна средина и просторно планирање Нурхан Изаири ина неговиот албански колега Албанија Лефтер Кока.
На настанот присуствуваа албанскиот вицепремиер Нико Пелеши, и претставници на мисиите на Обединетите нации, УНЕСКО и УНДП градоначалници и директори на Националните паркови.
„Ова го направивме заради посветеноста кон овој редок регион, за неговата промоција и развој и секако, за неговата одржливост. Денешнава инаугурација е посебен чин чија вредност ќе се види во иднината, од некоја историска дистанца. И токму поради тој историски аспект сакам да порачам дека културните и природните реткости што ги споделуваме се нашата алка на поврзување, нашиот мотив да бидеме подобри и нашата обврска на регионот да му обезбедиме одржлив развој и бенефит за сите негови граѓани“, рече министерот Изаири истакнувајќи дека Министерството за животна средина и просторно планирање на Република Македонија уште од самиот почеток стои зад процесот за прогласување на Прекуграничен биосферен резерват Охрид-Преспа:
„Во таа насока, екологијата може да биде клучниот поврзувачки фактор и таа шанса мора да ја искористиме. Прекуграничниот Биосферен резерват Охрид Преспа е една од вредностите која денес му ја додаваме на светот од еколошки, социјален и од економско- туристички аспект“, додаде Изаири.
Номинацијата на прекуграничниот биосферен резерват Охрид-Преспа, рече уште министерот за екологија, покрај заштитата на природните вредности и туристичката промоција, ќе придонесе и за промоција на производите кои се произведуваат во регионот. Тие во иднина ќе бидат брендирани и ќе го имаат печатот на резерватот.
Самата номинација беше одобрена од Меѓународниот совет на УНЕСКО за програмата „Човек и биосфера“ (МАБ), на 26-тиот состанок одржан во Јончепинг во Шведска, во јуни годинава, кога беше прогласен за 14-от по ред Прекуграничен Биосферен резерват во светот./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Паркингот во Центар денеска е бесплатен
По повод Македонските претседателски и парламентарни избори, од ЈП Паркинзи на општина Центар известуваат дека денеска паркиралиштата со кои стопанисува јавното претпријатие ќе бидат без наплата за сите граѓани.
Дирекцијата на ЈП Паркинзи на Општина Центар во катната гаража „Судска палата“ нема да работи, а сите услуги можат да се користат електронски на www.poc.mk.
Редовната наплата за паркирање на паркиралиштата и работењето на дирекцијата ќе продолжат од утре со вообичаено работно време.
Македонија
Изборниот ден е неработен за сите граѓани
Поради одржување на парламентарните и вториот круг од претседателските избори, денешниот ден е неработен за сите граѓани во Република Македонија.
Работодавачите не треба да извршуваат дејност со исклучок на оние каде работните процесите заради својата природа не можат да се прекинат.
Поради првиот круг од претседателските избори, неработен беше и 24 април. Според одлуката на техниката Влада, двата неработни дена нема да се одработуваат.
Македонија
Започна вториот круг од претседателските и парламентарните избори
Во Македонија утрово започна вториот круг од претседателските и парламентарните избори.
Избирачките места, од кои вкупно 3.480, беа отворени во седум часот, а ќе бидат затворени во 19 часот.
Во вториот круг од претседателските избори граѓаните ќе одлучуваат меѓу Гордана Силјановска Давкова и актуелниот претседател Стeвo Пандеровски.
На парламентарните избори, граѓаните ќе можат да избираат помеѓу 17-те изборни листи, меѓу кои коалицијата „За европска иднина“ предводена од СДСМ, коалицијата „Твоја Македонија“ предводена од ВМРО-ДПМНЕ, коалицијата „Храбро за Македонија“ предводена од ГРОМ, партијата Левица, коалицијата „Европски Фронт“ предводена од ДУИ, коалицијата „Вреди“, движењето ЗНАМ, партиите Родина, Македонска Ера Трета, Демократи, Единствена Македонија, Нова Алтернатива, Аваја, Твоја, Десна, Работничката партија, како и за групата избирачи Џула Челику.