Економија
Парите вложени во енергетска ефикасност ќе се вратат за 6,5 години
Преку Проектот за одржлива енергија, со кој се изградија јавни згради во повеќе општини, се обезбеди заштеда, а проектот поддржан Глобалниот еколошки фонд се покажа како добар, порача министерот за економија Ваљон Сараќини на работилницата за енергетска ефикасност.
Имено, со Проектот за одржлива енергија, кој претставува грант во износ од 5,5 милиони долари добиени од Глобалниот еколошки фонд (ГЕФ), а се имплементираше од страна на Министерството за економија во соработка со Светската банка, се спроведоа мерки за енергетска ефикасност во јавни згради т.е. училишта и градинки.
Основната цел е создавање на пазар за услуги за енергетска ефикасност и обновлива енергија, поддржувајќи го развојот на соодветно опкружување, институционален капацитет и непходни механизми за финансирање.
„Преку ГЕФ проектот кој се одвиваше во две фази, вкупните заштеди од првата фаза на Проектот изнесуваат околу 209.000 долари (9,8 милиони денари) односно во просек 35.000 долари (1,6 милиони денари) по општина. Тоа значи дека инвестираните средства за мерките за енергетска ефикасност ќе се вратат во просек за шест и пол години. Ова покажува дека енергетската ефикасност е добра инвестиција, и дека не претставува прост еднократен трошок“, информираше министерот Ваљон Сараќини.
Во првата фаза, каде изведбените работи започнаа во октомври 2011 година и во најголем дел од општините завршија на почетокот на април 2012 година, се спроведоа мерки за подобрување на енергетската ефикасност на училишта и градинки во општините, Боговиње, Гази Баба, Зајас, Чешиново-Облешево, Кисела Вода и Кавадарци во вкупен износ од 1,4 милиони долари. Беа реконструирани 18 згради и тоа пет градинки и 13 училишта.
„Во август минатата година започна втората фаза од спроведувањето на мерки за енергетска ефикасност врз основа на кофинансирање со општините. Општините беа избрани врз основа на објективни и транспарентни критериуми, кои беа договорени со Светската банка. Во втората фаза највисоко беа рангирани оние општини кои понудија највисок износ за кофинансирање и тоа како апсолутен износ и како релативен износ од нивниот буџет за 2010 година“, објасни министерот, потсетувајќи дека мерки се спроведуваат во општина Чаир, Валандово, Конче, Желино, Петровец, Кавадарци и Пехчево каде ќе бидат опфатени 23 општински згради (училишта и градинки) за вкупен износ од 2,5 милиони долари.
Придобивките кои произлегуваат од проектите за енергетска ефикасност, додаде министерот, се создавање на нови работни места, заштеда на енергија и поголема сигурност за снабдување со енергија, а конкретно за Република Македонија, која што е нето увозник на енергија, енергетската ефикасност значи помала потреба за увоз на енергија, а со тоа и помала емисија на стакленички гасови.
Денис Бошковски, претставникот на Светска банка во Македонија, рече дека инвестициите во енергетската ефикасност значат и одговорност во трошење на јавните финансии, обид за заштита на животната средина и едукација на граѓаните.
„На глобално ниво подобрувањето на енергетската ефикасност во јавниот сектор е чекор кон намалување на емисијата на стакленички гасови. Со овој проект Македонија активно учествува во обидите за намалување на штетните влијанија врз животната околина предизвикани од климатските промени“, додаде Бошковски.
На работилницата исто така се дискутираше за придобивките и практичните аспекти на проектите за енергетска ефикасност, како и за перспективите и модалитетите за идните активности на Министерството за економија и Светската банка во областа на енергетска ефикасност.
„Општина Чаир аплицираше со максималниот дозволен износ за софинансирање на мерки за енергетска ефикасност во износ од 250.000 долари т.е. 11.250.000 денари, поради што беше највисоко рангирана за учество во втората фаза на ГЕФ Проектот, истакна Меџити,додавајќи дека се реализира и проектот за Модернизација на системот за јавно осветлување, преку проектирање, инвестиции, оддржување и развој во Општина Чаир
„Нашите следни активности се Гасификација на општина Чаир (дистрибутивен систем за природен гас), воведување на топлификациони системи на биомаса за загревање на училшта, детски градинки и спортски сали, преку моделот на ЕСКО Компании,како и автоматско управување и контрола на системите на загревање во јавните објекти“, информираше Меџити.
Имено, Министерството за економија во соработка со Светската банка развива Национална програма за енергетска ефиканост во јавни згради којашто ќе биде доставена за разгледување и усвојување од страна на Владата во наредниот месец./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Microbalkans 2025: Никола Јошевски за усогласувањето на правните рамки со директивите на ЕУ
Никола Јошевски, генерален менаџер и сопственик на Mint Fintech Group и претседател на Групацијата на финансиски друштва при Стопанската комора на Македонија, учествуваше на престижната регионална конференција Microbalkans 2025, што се одржа во Дубровник, Хрватска, од 5 до 7 ноември 2025 година.
Како панелист на високопрофилната дискусија „Усогласување на правните рамки со директивите на ЕУ“, Јошевски се приклучи на водечки европски партнери и институции кои активно придонесуваат за развојот на социјалните финансии во регионот на Западен Балкан.
Панелот се фокусираше на регулаторната хармонизација, финансиската инклузија, платните системи и усогласувањето со процесот на пристапување кон ЕУ, со посебен акцент на улогата на микрофинансиските институции и финтек решенијата во одржливиот развој и регионалната соработка.
Во своето обраќање, Јошевски ја нагласи потребата од создавање на стабилен и интегриран финансиски систем што ги надминува класичните регулаторни рамки, посочувајќи:
„Главниот предизвик не е само во пренесувањето на директивите на ЕУ во националното законодавство, туку во создавањето на целосен екосистем – таков што нè прави конкурентни, инклузивни и силни дома.“
Панелот поттикна значајна дискусија за иднината на финансиската регулатива во регионот и улогата на микрофинансиските институции во зајакнување на финансиската стабилност, транспарентност и дигитална трансформација.
Конференцијата Microbalkans 2025, поддржана во рамките на соработката со Европската унија, го обедини врвот на експертизата од Европа и Западен Балкан, создавајќи дијалог за унапредување на социјалните финансии, микрокредитирањето и финтек иновациите.
Присуството на Mint Fintech Group на овој настан уште еднаш ја потврди посветеноста на компанијата кон модернизација на финансискиот сектор во Македонија, создавање инклузивна економија и промовирање европски вредности во финансиските услуги.
Со своето учество, Јошевски ја зацврсти позицијата на Македонија како активен партнер во градењето на современ, конкурентен и одржлив финансиски екосистем, кој ја поврзува регионалната соработка со европските стандарди и отвора нови можности за раст и развој.
(ПР)
Економија
СДСМ: Инфлацијата зголемена на 4.5%, граѓаните скапо ги чинат промашените економски политики на власта
Инфлацијата повторно расте и во октомври достигна 4,5 проценти, спротивно на владините уверувања дека ќе се намали и под 3%, велат од СДСМ.
„Овој пораст е јасен показател дека економските политики на владата на ВМРО-ДПМНЕ се целосно промашени и без никаков резултат. Инфлацијата го јаде стандардот на граѓаните, ги јаде платите кои не се покачуваат туку стагнираат, цените на храната и основните производи растат, сметките се повисоки, граѓаните имаат се помалку пари во џебовите. Платите и пензиите заостануваат далеку зад растот на цените, граѓаните секојдневно плаќаат повисоки цени за леб, млеко, масло, лекови, за сметки а платите не мрдааат. За само година и половина ДПМНЕ донесе економска стагнација, раст на инфлацијата и пад на животниот стандард“, се наведува во соопштението.
Економија
Електродистрибуција го имплементира најновиот систем SIEMENS SCADA за дигитално управување со мрежа – Скопје
Во финална фаза на имплементација е најновиот SIEMENS SCADA систем за дигитално управување со среднонапонска и високонапонска мрежа, со што значително ќе се унапреди дигиталната трансформација и системите за далечинско управување и мониторинг, соопштија од компанијата.
Со помош на најновиот SCADA систем, како што е појаснето, ќе се оствари меѓусебно поврзување на диспечерските центри на ЕВН и МЕПСО со цел поквалитетно водење на целата електроенергетска мрежа во државата.
„Со инвестиција од еден милион евра, најсовремениот SCADA систем овозможува повисоко ниво на автоматизација, сигурност и оперативна контрола, што претставува клучен предуслов за ефикасна енергетска транзиција и поголема диверзификација на изворите на електрична енергија во земјата. Системот има особено значење во периоди кога сѐ поголем број фотонапонски централи се приклучуваат на дистрибутивната мрежа. Досега се регистрирани 2.963 нови приклучоци од обновливи извори, со вкупна инсталирана моќност од 860 MW, што во одредени ситуации може да претставува предизвик за стабилноста на енергетскиот систем. Со ваквите инвестиции во дигитализација на клучните процеси, Електродистрибуција обезбедува поквалитетни, доверливи и поефикасни услуги за своите корисници и ја зацврстува сигурноста и ефикасноста на мрежата, потврдувајќи ја својата заложба за модерна, транспарентна и дигитална енергетска инфраструктура“.
За подарок од 50.000 евра, директорот на Платежната агенција му доделил на апликант финансиска помош од ИПАРД-програмата
Полицијата уапси пет лица, меѓу кои и директорот на Агенцијата за финансиска поддршка во земјоделството и рурален развој во најновиот коруптивен...
Скопјанец репетирал пиштол во угостителски објект во Центар, кај него била пронајдена дрога
Скопјанец извадил пиштол и го репетирал во угостителски објект во Центар, а полицијата кај него пронајде и дрога. Според информациите...
За најмногу шест месеци, од Зелениково до Центар за 25 минути ќе се патува со градскиот воз, сосе застанувања
Од Зелениково до централната железничка станица во Скопје со градскиот воз ќе се патува за 25 минути. Возот, кој ќе...
Ѓорѓиевски за акцијата за чистење: Ова што вчера го почнавме не е маркетинг
Ова што вчера го почнавме не е маркетинг, туку да покажеме дека кога се сака – сè се може, вели...
Турчин фатен со злато вредно половина милион денари на аеродром, Македонец од Лондон шверцувал уреди „епл“
Царински службеници и мобилни царински тимови запленија 92 грама златни плочки и монети, „Епл“ уреди, 37.500 евра, цигари, парфеми и...
Откриен еден од убијците во Чашка, по вториот се трага – жртвата намамена, застрелана во главата и оставена покрај патот
Велешкото Обвинителство донесе Наредба за истражна постапка против едно лице за кое постои основано сомнение дека бил соизвршител за убиство....
(Видео) Заплови „Фуџијан“, најновиот и најмоќен кинески носач на авиони
Најновиот кинески носач на авиони „Фуџијан“ официјално е пуштен во служба, што претставува значаен чекор во напорите на Пекинг да...
„Влен“: Почна вистинското чистење на Скопје од ѓубрето и старата политика
По месеци на давење на градот во лоша миризба, ѓубре, запуштеност и пропаганда, од коалицијата „Влен“ велат дека почнало вистинското...
Албанија усвои закон за родова рамноправност по бурна расправа
Албанскиот парламент доцна синоќа го усвои Законот за родова рамноправност, по повеќечасовна и остра дебата. Законот беше изгласан со 77...
Сенатот ја блокира резолуцијата што ќе го спречеше Трамп да ја нападне Венецуела
Републиканците во американскиот Сенат ја блокираа резолуцијата што ќе му забранеше на претседателот Доналд Трамп да ја нападне Венецуела без...
Променливо облачно време со повремени локални врнежи од дожд
Времето денес ќе биде променливо облачно со повремени локални врнежи од дожд, особено во северозападните и северните делови. Ќе дува...
Мицкоски: Македонија останува посветена на европскиот пат, но без двојни стандарди и политички притисоци
Македонија останува посветена на европскиот пат, но без двојни стандарди и политички притисоци, изјави премиерот, Христијан Мицкоски. Тој вели дека...
Со букет цвеќе Ѓорѓиевски ја испрати Арсовска и ја презема градоначалничката функција
Со куса средба и букет свежо цвеќе заврши примопредавањето на должноста градоначалник на Град Скопје меѓу досегашната градоначалничка Данела Арсовска...
Јаневска ќе ја почитува одлуката на Мицкоски доколку реши да ја смени
Министерката за образование и наука Весна Јаневска одговарајќи на новинарско прашање, дали доколку има реконструкција на владата таа ќе остане...
(Видео) Мицкоски ќе ја реконструира партијата, па потоа Владата: Фокусирани сме на партискиот конгрес на 6 декември
Реконструкција на Владата нема да има пред партискиот конгрес на владејачката партија ВМРО-ДПМНЕ, кој е закажан за 6 декември. Премиерот...
Бомба најдена во автомобил во гаража во Скопје, сопственикот на возилото добил заканувачка порака, МВР влегло во објектот
Ноќеска, околу 1 часот по полноќ, непознато лице влегло во гаража од семејна куќа во скопската населба Бит-пазар, во сопственост...
„Скопје го менуваме од корен“: Ѓорѓиевски го презеде раководењето со Градот
Новиот градоначалник на Скопје, Орце Ѓорѓиевски, денеска го прими уверението и најави дека од вечерва почнува акцијата за чистење на...
(Видео) Николоски: Го потпишавме договорот за изградба на заедничкиот пограничен тунел со Бугарија, железничкиот Коридор 8 има стратешко, економско и безбедносно значење за Балканот и Европа
Железничкиот Коридор 8 е еден од најважните трансевропски транспортни коридори, кој има стратешко, економско и геополитичко значење за целиот Балкан...
(Видео) ДИК ги објави конечните резултати од вториот круг на локалните избори
Државната изборна комисија (ДИК) на денешната седница ги објави конечните резултати од вториот круг на локалните избори 2025 година за...
АХВ заплени небезбедна храна со непознато потекло по спроведен вонреден инспекциски надзор
По добиена пријава, со интервенција од Единицата за економски и компјутерски криминал при СВР Скопје, Агенцијата за храна и ветеринарство...
