Забава
Алцхајмер е дијабетис на мозокот?
Најчестиот вид на деменција веројатно е поврзан со втората вообичаена старечка болест – дијабетис од типот 2, тврдат научниците.
Најчестиот вид на деменција веројатно е поврзан со втората вообичаена старечка болест – дијабетис од типот 2, тврдат научниците.
Според извештајот претставен во новиот број на списанието Proceedings of the National Academy of Sciences, Алцхајмеровата болест би можела да се лекува со инсулин или лекови што го зголемуваат неговото делување.
Стручњаците сметаат дека инсулинот ги штити клетките на мозокот од оштетување.
Поврзаноста на инсулинот и болестите на мозокот се испитува од кога научниците откриле докази дека овој хормон во нив е активен. Познато е, исто така, дека дијабетичарите почесто заболуваат од Алцхајмер.
Во последното истражување, американските и бразилските научници го испитувале делувањето на инсулинот на АДДЛ протеините што се таложат во мозокот и предизвикуваат оштетувања.
Тие ги третирале клетките на хипокампусот, дел од мозокот кој има клучна улога во помнењето, со инсулин и росифлитазон. Со нив го засилиле делувањето на хормоните во клетките. Потоа клетките ги изложиле на делување на протеинот АДДЛ.
Резултатите покажале дека третираните клетки биле значително помалку оштетени со нивното делување, што значи дека инсулинот ги блокирал.
Професорот Вилијам Клеин од Нортвестерн универзитетот во САД изјавил дека лековите што го засилуваат делувањето на инсулинот би можеле да станат ново оружје во борбата против Алцхајмеровата болест.
“Препознавањето на Алцхајмеровата болест како дијабетис на мозокот укажува на нови откритија што конечно би можеле да резултираат со промени во методите на лекување на оваа разорна болест“, вели Сергио Фереира од универзитетот во Рио де Жанеиро.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Кејт Мидлтон направи нова фотографија, има добра причина за тоа
Кенсингтонската палата објави нова слика од принцезата Шарлот за да го прослави нејзиниот деветти роденден.
„Среќен 9-ти роденден принцеза Шарлот! Ви благодариме за сите љубезни пораки денес“, пишува во описот покрај фотографијата објавена на социјалните мрежи.
Happy 9th Birthday, Princess Charlotte! 🎂
Thank you for all of the kind messages today.
📸 The Princess of Wales pic.twitter.com/2DSDiuO93c
— The Prince and Princess of Wales (@KensingtonRoyal) May 2, 2024
Како што е наведено, фотографијата ја направила принцезата од Велс.
Пред нешто повеќе од една недела на социјалните мрежи беше објавена нова фотографија и од нејзиниот помлад брат, принцот Луис.
Фотографијата, исто така направена од принцезата Кејт, беше споделена на 23 април за да го одбележи шестиот роденден на младиот член на кралското семејство.
Најстарото дете на Вилијам и Кејт, принцот Џорџ, ќе наполни 11 години на 22 јули.
Забава
Празнично ретро шоу на автомобили-олдтајмери на Градскиот плоштад во Крива Паланка
Градскиот плоштад во Крива Паланка, во сабота (4 мај), ќе биде возбудливо место на празнично Меѓународно ретро шоу на автомобили-олтајмери од Македонија и соседството, кои ќе бидат изложени за јавноста од 11,00 – 13,30 часот.
Љубителите на старите атрактивни автомобили ќе можат да уживаат во овој ретро авто-собир и ревијата на околу 30-тина автомобили, стари и по 40 години, од моделите на Мерцедес, Опел , Шевролет и други.
Ретро шоуто на олдтајмери го организира Општина Крива Паланка, во соработка со Клубот “Олдтајмер Витези” од Куманово, а учесници се повеќе олдтајмер клубови од нашата држава и од Србија.
Старата класа возила од минатиот век ќе тргне од собирното место во Куманово и ќе пристигне во 10,30 часот на паркингот кај ресторан „Облаче“ каде сите автомобили ќе бидат нумерирани и обележани со симболите на „Крива Паланка-Град на културата“. Возилата ќе продефилираат низ централното градско подрачје до Градскиот плоштад каде ќе бидат изложени и поставени нивните обележја.
Настанот ќе биде збогатен со настап на ДЏ Буѓо, а сите граѓани ќе можат одблиску да се запознаат со ретките примероци на олдтајмери, нивната приказна и историја, па дури и да си обезбедат специјално возење со овие стилски антиквитети на четири тркала.
Во 13,30 часот, олтајмерите ќе се упатат кон манастирот „Св. Јоаким Осоговски“ каде ќе бидат изложени на паркингот над црквата.
Ретро шоуто на олтајмери за првпат се организира во нашата општина , а е дел од манифестацијата „Крива Паланка- Град на културата 2024“.
Забава
Принцезата Шарлот денеска полни девет години, обожавателите со нетрпение очекуваат фотографија
Принцот и принцезата од Велс, имаат уште една причина за славење оваа недела – роденденот на принцезата Шарлот.
Принцезата Шарлот денеска наполни девет години и обожавателите со нетрпение ја очекуваа годишната роденденска фотографија што семејството ќе ја објави на нивниот посебен ден, објави Мирор.
Сепак, тие ја прекинаа традицијата минатата недела кога принцот Луис наполни шест години, а се чини дека планираат да го сторат истото и овој пат.