Црна хроника
За местење натпревари десет уапсени во Неапол
Италијанската полиција уапсила десет луѓе поради сомневање дека како припадници на мафијата учествувале во местењето на резултати на фудбалски натпревари, објави полицијата во Неапол.
Апсењата следеле во понеделникот откако истрагата нашла два натпревара од втората италијанска фудбалска лига Серија Б, одиграни во 2014 година, за кои иследниците се сомневаат дека биле наместени.
Во текот на истрагата полицијата открила мрежа поврзана со локалната криминална организација која првенствено се занимавала со трговија со дроги, но на најмалку еден наместен фудбалски меч заработила 100.000 евра, соопштија иследниците на прес-конференција.
„Можеме со сигурност да кажеме дека некои фудбалски клубови имаат луѓе кои не шутираат само топка во недела, туку имаат и силни врски преку коишто својата професија може да ја претворат во криминал“, изјави државниот обвинител Филипо Беатрисе.
За седум лица и одреден истражен притвор, а тројца се ставени во куќен притвор. Во истиот случај цел на истрагата бил и еден играч од врвната италијанска лига Серија А, чие име не е откриено, а за него не бил издадени налог за апсење.
Манипулациите со фудбалските натпревари доведоа до големи истраги минатите години во Италија, вклучително и истрагата од 2011 година по којашто беа поведени постапки против десетици тренери и фудбалери./крај/мф/сн
Извор: Reuters
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Маж насилно изваден од својот дом и со убодни рани оставен кај Транспортниот центар во Скопје
Вчера во 07.40 часот во Полициската станица Аеродром, 34-годишниот К.Б. од Скопје пријавил дека на 24/25.04.2024 околу 01.30 часот, А.„Н“ со употреба на сила го извадил од неговиот дом и го внел во патничко возило кое го управувал К.„Н“, со уште едно лице совозач, извести МВР.
„Како што е пријавено, во возилото А.„Н“ му нанел неколку убодни рани со остар предмет и го однеле кај Транспортен центар во Скопје, каде што повторно му нанел повреда со остар предмет, по што физички го нападнале и го оставиле. Исто така, според пријавеното, тој не бил на преглед и не пријавил во полициска станица затоа што лицата му се заканиле“, соопшти МВР.
Се преземаат мерки за расчистување на случајот.
Црна хроника
Кривична против двајца штипјани, истепале полицаец
СВР Штип поднесе кривична пријава против 53-годишниот Д.Д. и 54-годишниот П.Д., двајцата од Штип, поради постоење основи на сомнение за сторено кривично дело „напад на службено лице при вршење работи на безбедноста“, извести МВР.
„На 22.02.2024, по претходна расправија околу сообраќајот, пријавените физички нападнале полициски службеник“, соопшти МВР.
Црна хроника
Тело на починат маж извадено од Вардар во Велес
Полициски службеници од СВР Велес, вчера во 8.30 часот, во водите на реката Вардар блиску до местото наречено „Јаниташ“, пронашле тело на починато машко лице.
Телото на починатиот било извадено од реката од полициски службеници од Одделот за специјални полициски операции при МВР, известуваат од СВР Велес.
Увид извршила увидна екипа од СВР Велес. По наредба на јавен обвинител, телото е дадено на обдукција.