Црна хроника
Скопјанка убиена во нејзиниот дом, љубоморен сопруг прободел љубовници на сопругата
Една жена е убиена со убод од нож во градите во нејзиниот дом во Скопје, додека двајца мажи од Скудриње и Тетово се прободени во тепачки, соопштија од Министерството за внатрешни работи
Една жена е убиена со убод од нож во градите во нејзиниот дом во Скопје, додека двајца мажи од Скудриње и Тетово се прободени во тепачки, соопштија од Министерството за внатрешни работи
Во понеделникот, околу 12.45 часот во Скопје во својот дом на ул „Саса“, пронајдена е почината П.Ш. (46). Нејзиниот сопруг Д.Ш. (69) изјавил дека истиот ден околу 11.30 часот кога се вратил од пазар ја пронашол во ходникот легната на стомак. Помислил дека и се слошило, ја завртел на грб да и помогне, но забележал дека во пределот на левата града има нож и убодна рана, по што повикал Итна медицинска помош, кои констатирале смрт. Увид извршил Јавен обвинител и екипа од СВР-Скопје. Во 16.30 часот телото на починатата е предадено во Институтот за судска медицина за обдукција.Истиот ден, а во периодот од 7.30 до 8.30 часот во село Скудриње, гостиварско, А.Ш. (41) од село Скудриње со нож му нанел убодна рана во пределот на вратот на А.А. (46), а на Е.И. (26), двајцата од истото село, мала исекотина на левата рака. А.А. со возило на брзата помош бил пренесен во Здравствен дом-Ростуше од каде е препратен и задржан во Ургентен центар на КАРИЛ-Скопје. А.Ш. во 08.40 часот е приведен во полицијата во Ростуше. Како причина за нападот А.Ш. ја навел наводно повеќегодишната љубовна врска на повредените со неговата сопруга. По овластување на Јавен обвинител увид извршила екипа од Гостивар, а судија на претходна постапка му одредил мерка притвор во траење од 48 часа.Во понеделникот, во 23.00 часот од Клиничката болница Тетово во СВР Тетово било пријавено дека кај нив бил донесен И.С. (26) од село Чифлик, кој бил повреден со нож во пределот на градниот кош. Тој бил повреден околу 22.30 часот во селската кафеана во село Чифлик. Повреденото лице како итен случај е пренесен во Ургентен центар Скопје за понатамошно лекување. Во врска со настанот во 5.35 часот приведен е седумнаесетгодишник од село Чифлик./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Маж насилно изваден од својот дом и со убодни рани оставен кај Транспортниот центар во Скопје
Вчера во 07.40 часот во Полициската станица Аеродром, 34-годишниот К.Б. од Скопје пријавил дека на 24/25.04.2024 околу 01.30 часот, А.„Н“ со употреба на сила го извадил од неговиот дом и го внел во патничко возило кое го управувал К.„Н“, со уште едно лице совозач, извести МВР.
„Како што е пријавено, во возилото А.„Н“ му нанел неколку убодни рани со остар предмет и го однеле кај Транспортен центар во Скопје, каде што повторно му нанел повреда со остар предмет, по што физички го нападнале и го оставиле. Исто така, според пријавеното, тој не бил на преглед и не пријавил во полициска станица затоа што лицата му се заканиле“, соопшти МВР.
Се преземаат мерки за расчистување на случајот.
Црна хроника
Кривична против двајца штипјани, истепале полицаец
СВР Штип поднесе кривична пријава против 53-годишниот Д.Д. и 54-годишниот П.Д., двајцата од Штип, поради постоење основи на сомнение за сторено кривично дело „напад на службено лице при вршење работи на безбедноста“, извести МВР.
„На 22.02.2024, по претходна расправија околу сообраќајот, пријавените физички нападнале полициски службеник“, соопшти МВР.
Црна хроника
Тело на починат маж извадено од Вардар во Велес
Полициски службеници од СВР Велес, вчера во 8.30 часот, во водите на реката Вардар блиску до местото наречено „Јаниташ“, пронашле тело на починато машко лице.
Телото на починатиот било извадено од реката од полициски службеници од Одделот за специјални полициски операции при МВР, известуваат од СВР Велес.
Увид извршила увидна екипа од СВР Велес. По наредба на јавен обвинител, телото е дадено на обдукција.