Култура
Утре на Биенале – музика низ седумте порти
И во последните денови на Биеналето музиката и литературата продолжуваат да бидат протагоности во прекрасната рамка на применетите и визуелните уметности. Утре, 10 септември, на Биеналето на малди уметници од Европа и Медитеранот следуваат неколку музички и литературни настани
Повеќето концерти ќе се одржат покрај Кејот на реката Вардар. Помеѓу многуте музичари и бендови што во наредните денови ќе ја забавуваат публиката е и ирскиот бенд „Fidil“ кој ќе настапува во 18:30 часот. Тие брзо добиваат добра репутација со нивната воодушевувачка музика од нивниот регион богат со културно наследство – означен со интригирачки и интелегентен пристап кој го задржува елементот на огнено изобилство, заштитен знак на традиционалната музика на Donegal. Ова е традиционална музика на 21-от век, која не ги заборава своите корени, а во исто време Ви го одзема здивот со своето претставување. Во 20 часот, во Даут пашин амам, група на писатели ќе имаат мултијазично читање на своите дела, но нивната поезија и талент може да се почувствуваат надвор од сите граници. Така, не гушкаат стиховите на Tiago Patricio, од Португалија очајни пишувања за човек кој ја изгубил меморијата. Ова не е очајно пишување на човек кој се соочил со смртта, туку човек кој го придружуваат штурци низ ветровитите делови на градот. Што се однесува до применетата уметност, Томислав Ѓурѓевиќ од Хрватска, во форма на колекција на мажи како модели, ја истражува областа на т.н. секојдневна мода, со делови од воена облека. Неговите ликови потсетуваат на урбани воини, но во сето ова има и малку иронија, во однос на вратоврските што обично бизнисмените ги носат. Томислав Ѓорѓевиќ го користи јазикот на стереотипните форми на уличната мода, која ја обработува максимално, со што овие модели ги прави сложена урбана машина за преживување. Од 19:30 до 20:30 ќе се одржи дебата за „Eurollywood“ во ЕУ Инфо Центарот, финансиран од Делегацијата на Европската комисија во Македонија, чија што цел е да го зголеми протокот на информации за ЕУ во јавноста. „Eurollywood“, издадена од ARCI Nazionale (ITA), е книга за трансформацијата на европската култура во изминатите 50 години, додека новата технологија го нарушува патот на создавање и ја впива културата. Luciana Castellina, писателка, новинар и поранешен ЕУ-пратеник ќе ја претстави својата книга. Во 20 часот на главната сцена, на плоштадот Македонија ќе се одржи доделувањето на наградите Res Artists. За време на одржувањето на Биеналето Res Artists мрежата соработуваше со BJCEM и ќе додели 9 награди на уметници, учесници на Биеналето, со цел да им даде шанса да работат и творат во странство. Жирито избра 9 уметници од учесниците на Биеналето, кои што ќе добијат награда – целосно финансиран престој во ателје во странство. Добитниците ќе бидат објавени вечерта.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Култура
„Младите доаѓаат“ – концерт на новите музички таленти
Овој четврток (6 јуни) со почеток во 20 часот, Македонската филхармонија ќе го одржи традиционалниот концерт насловен „Младите доаѓаат“, посветен на новите музички таленти од земјава. Под диригентство на маестро Ангел Спироски, на концертот ќе настапат ученици од музичките училишта од Скопје, Струга, Охрид и Битола.
На програмата се инспиративни и комплексни дела од Ј. С. Бах (Двоен виолински концерт во d-moll), К. Дитерсдорф (Концерт за контрабас и оркестар бр. 2), С. Меркаданте (Концерт за флејта и оркестар бр. 2), К. Сен-Санс (Концерт за виолончело и оркестар бр.1), Д. Кабалевски (Концерт за виолина и оркестар во C-dur), К. М фон Вебер (Кончертино за кларинет и оркестар во Es-dur), Ф. Шуберт (Erlkönig), В.А. Моцарт (Концерт за пијано и оркестар во d-moll), Џ. Верди („Saper Vorreste“ – aрија на Оскар од операта „Бал под маски“) и Д. Шостакович (Концерт за пијано и оркестар бр. 2).
Ќе настапат учениците: Марија Џуклеска и Андреј Наумоски, виолини (проф. Милена Крстевска), Летиција Кондратенко, контрабас (проф. м-р Благој Маротов), Ана Матеска, флејта (проф. Александар Стефановски), Ева Малиновска, виолончело (проф. Маре Видевска), Виктор Србиноски, виолина (проф. Елица Рашкова), Александар Ристовски, кларинет (проф. Благојче Трајковски), Матеа Стојаноска, соло пеење (проф. Маја Митровска), Анастасија Петреска, пијано (проф. Татјана Божиновска), Анастасија Милеусниќ, соло пеење (проф. Александра Коцевска) и Џеврие Туле, пијано (проф. Весна Ангелова Христов).
Овие концерти се мошне интересни и секогаш оставаат силен впечаток, затоа што носат нова енергија, елан, ентузијазам, младешки дух, и ја најавуваат новата генерација македонски музички уметници.
Култура
Се одржа третото издние на фестивалот на јапонска култура Сакура
Во сабота 1 jуни во младинскиот културен центар се одржа третото издние на фестивалот на јапонска култура Сакура.
Фестивалот се одвиваше на повеќе сцени и вклучуваше изложби, боречки вештини, балетски перформанс, пијано концерт, гејминг натпревари, мода, штандови за продажба и храна, презентации и панел дискусии.
Поголем дел од учесниците беа Македонци инспирирани од јапонската култура, а во панел дискусии, презентации и работилници беа вклучени и јапонски граѓани кои живеат во Скопје.
Од организацијата нагласија дека целта на овој настан е да се покаже дека со желба и ентузијазам може се да се оствари преку граѓанско здружување и многу работа. Јапонската култура е инспирација за нив да го зголемат значењето на општествената одговорност – која е на многу високо ниво во Јапонија.
Работа за унапредување на општеството преку личен пример во областа на културата е она што ги мотивира да организираат вакви настани.
Организацијата Јапан.нет.мк е граѓанско здружение кое има за цел унапредување на културата во земјава преку организирање настани од сите области на културата инспирирани од јапонското чувство за одговорност, почитување на природата и посебна почит кон естетиката.
Култура
Кратките филмови и спотови на Милчо Манчевски в четврток во Кинотека
На 6 јуни, четврток, со почеток во 20.15 часот во Кинотека, македонската публика ќе има можност да види селекција од кратките филмски дела на Милчо Манчевски.
Станува збор за разновидна селекција составена од дваесетина аудиовизуелни дела. Покрај наградуваните кратки филмови ЧЕТВРТОК /Thursday (2013) и КРАЈОТ НА ВРЕМЕТО/The End of Time (2017), ќе имаме можност да ги погледнеме музичките спотови кои се работени за најголемите издавачки куќи: Атлантик, Ворнер брадерс, Сони, Еми, РЦА, Крисалис, Валјд Пич… Би го споменале спотот Тенеси/Tennesse на легендарниот хип хоп состав Arested development од 1992 година, за кој Манчевски ја има добиено наградата на МТВ за најдобар музички рап спот и е прогласен за најдобар спот за 1992 година, според магазинот Билборд. Спотот исто така е влезен во листата на стоте најдобри спотови на сите времиња на магазинот Ролинг Стоун. Во селекцијата ќе можеме да ги видиме и рекламите од рекламните кампањи за Скопско и Macedonia Timeless…
„Милчо Манчевски ја користи својата режисерска вештина и во музичките спотови, создавајќи визуелно и емоционално богати минијатури кои оставија длабок впечаток на македонската и светската музичка сцена. Неговите спотови се карактеризираат со иновативни визуелни решенија, длабока симболика и умешно раскажување приказни, правејќи го секој спот уникатно аудиовизуелно искуство. Манчевски е познат по својата визуелна естетика, што се пренесува и во неговите музички спотови. Неговата употреба на светлина, сенки и кадрирање создава специфична атмосфера која го подобрува искуството на слушање музика. Секој спот е внимателно конструиран со цел да го пренесе чувството и пораката на песната, користејќи богат спектар на визуелни техники. Манчевски честопати користи природни пејзажи и урбани сцени како позадина, што му придава дополнителна димензија на наративот“, велат од Кинотеката.
Како што додаваат, музичките спотови на Манчевски не се само визуелно импресивни, туку и симболично богати. Тој успева да раскаже сложени приказни во краток временски формат, користејќи симболи и метафори кои ги прошируваат значењата на песните. Неговите спотови често ги истражуваат темите на љубовта, загубата, надежта и човечката природа, нудејќи длабоки емоционални искуства за гледачите. Способноста на Манчевски да спои визуелна поезија со музиката го прави секој спот своевидно уметничко дело, се вели во најавата за настанот.