Забава
Храна што ја засилува желбата за секс
Научниците и нутриционистите ги истражиле својствата на многу намирници за кои се верува дека го зголемуваат либидото, и направиле попис на прехранбените производи што се покажале заслужни да го носат името афродизијак
Остриги, чоколадо, кофеин, вино и лути пиперчиња – ова се само некои од хранливите продукти што влијаат поттикнувачки на желбата за секс. Оние што веруваат во моќта на афродизијаците тврдат дека некои видови храна, пијалаци, лекови, треви и ароми можат значително да ја зголемат сексуалната возбуда и самата желба, но, некои сметаат дека тие верувања се само митови или погрешни сфаќања.Во морето од производи што носат ознака афродизијак тешко е да се разграничи кои навистина помагаат, а кои предизвикуваат само пласибо-ефект. Научниците и нутриционистите ги истражиле својствата на многу намирници за кои се верува дека го зголемуваат либидото, и направиле попис на прехранбените производи што се покажале заслужни да го носат името афродизијак.КофеинБез разлика дали е во кафе, чај, газиран пијалак или во чоколадо, кофеинот до одредена граница помага во одржувањето на вашиот „мотор“. Американските научници дошле до заклучок дека двојките што имаат 60 или повеќе години и кои секојдневно пијат кафе се сексуално поактивни од оне што го избегнуваат. Дека не станува збор само за нијанси зборуваат бројките – луѓето што пијат кафе биле 62 отсто поактивни.
ЧоколадоОсвен што содржи кофеин, во чоколадото има и состојки за кои се верува дека ги подобруваат „перформансите“ во креветот. Популарниот десерт, меѓу другото, содржи и теобромин, состојка што го зголемува лачењето ендорфин, хормонот што прави да се чувствуваме ведро.
МедПознато е дека медот брзо го подига нивото на енергија, а шеќерот во форма на мед не само што ја зголемува енергијата, туку и ги храни станиците на сперма.
Лековити билкиЛековитите растенија помагаат да се опуштите и ја ослободуваат мачнината, а некои од нив имаат и други, интересни својства. Во прв ред, ја зголемуваат сексуалната желба и го зголемуваат дотокот на крв во гениталиите. Некои од нив, како маточината, вид нане што се користи како чај, помага за опуштање на нервниот систем, и во исто време ве поттикнува на „акција“.ЗачиниНекои зачини, како лут пипер или чили, можат да ве запалат на повеќе начини, зашто, не само што го забрзуваат отчукувањето на срцето, туку ја зголемуваат и телесната температура. Дел од луѓето што го користеле овој огнен зачин забележале знаци на сексуална возбуденост, црвенило на лицето и телото, потење или распукување на усните. Поради непријатностите што можат да ги создадат, се препорачува овие зачини да се примаат во вид на капсули или концентрат-капки, околу половина час пред сексуалниот однос, за да ја подобрат циркулацијата.
ЛукЛукот содржи една активна компонента – природниот антибиотик алицин, кој го забрзува движењето на крвта кон сексуалните органи, што, секако придонесува за подобра „изведба“ во креветот.
Азиски жен-шенЖен-шенот обично се користи за лекување нарушувања на сексуалните функции и има директно влијание на централниот нервен систем и гениталното ткиво. Доказите упатуваат на тоа дека ова кинеско растение ја засилува ерекцијата со зголемување на дотокот на крв во пенисот. Исто така, ја засилува и активноста на невротрансмитерите и хормоните што се вклучени во сексуалната активност. Кинезите и Корејците дури и ќе ви се заколнат дека жен-шенот ги зголемува издржливоста и страста. За жал, има и несакани дејства, како дијареја и висок крвен притисок.АлкохолПознато е дека чашка-две алкохол делуваат опуштачки и се од помош кога сакаме да ја подигнеме атмосферата. Едно американско истражување покажало дека алкохолот навистина ја зголемува желбата за секс кај луѓето што цврсто веруваат дека „чашката“ има такво дејство, а познато е и дека под влијание на алкохолот другите луѓе ни изгледаат попривлечни.Особено интересни се разните видови бело вино, кои имаат ствојства на афродизијак, но само кога е мирисот во прашање. Се верува дека некои шампањски вина, некои видови сув ризлинг и шардоне се копија на женските хормони од типот феромон. Сепак, што и да пиете, треба да ја знаете границата. Се’ што е повеќе од две чаши може само да ви наштети.
Морски плодови
Остригата со својот изглед потсетува на женски гениталии, а многумина ја сметаат за моќен афродизијак. Дури и самиот збор ’афродизијак’ доаѓа од Афродита, грчката божица на убавината и љубовта, која и самата доаѓа од морето. Во борбата за небескиот трон Хронос го убил и го кастрирал својот татко Уран, а неговите гениталии ги фрлил во морето. Океаните тогаш се запениле и се родила Афродита, а се верува дека токму поради таа приказна и денес поголемиот дел од храната што доаѓа од морето има дејство како сексуален стимуланс. Остригите се најпопуларни меѓу луѓето што добро ги познаваат морските плодови. Содржат големо количество јод и фосфор, кои го поттикнуваат создавањето на вагиналниот секрет, што ги прави добитна комбинација за двата пола.
Есенцијални масни киселиниГи има во семчестите плодови, оревите, лосос и во маргаринот од кикиритки. Го помагаат работењето на сексуалните органи и половите жлезди. Исто така, го помагаат создавањето на сексуалните хормони и адреналинот и го зголемуваат дотокот на крв во гениталиите.ВитаминиВитамиот Е е познат како витамин на сексот затоа што се смета за голем извор на енергија, а особено се препорачува кога треба да ја зголемите вашата сексуална издржливост. Важен е и за производството на спермата и создавањето на хормоните на сексот. Најприсутен е во јајцата, оревите и интегралните житарки.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Ева Мендес за семејството и животот во 50-тите: Вака не го замислував мојот пат
Иaкo никогаш не го замислувала својот живот на 50 години, Ева Мендес живее во свој ритам – и не може да биде посреќна. „Не подлегнувам на притисокот на општеството. Што сакам да правам, правам“, вели актерката, која ги има ќерките Есмералда Амада (9) и Амада Ли (8) со Рајан Гослинг.
“Сигурно не мислев дека ќе имам деца и ќе бидам дома. Затоа, многу сум среќна што одреден маж влезе во мојот живот и ме натера да се предомислам за сите тие работи”, рекла таа. Пред 10 години таа ја напушти актерската кариера за да се фокусира на своите деца.
Таа вели дека тоа била „најлесната одлука“ што ја донела. „Кога забременив на 40-годишна возраст, беше страшно за другите. И кога повторно забременив на 42-годишна возраст, луѓето ми велеа: „О Боже мој, ќе бидеш толку уморна“, откри таа.
„Тоа е најглупавата работа што сум ја слушнала. Патем, потребно е само малку повеќе трпение. Мислам дека не бев подготвена за тоа во моите 20-ти, пиев и пушев. Дефинитивно не можев да подигнам деца во кое било друго време од мојот живот освен сега“, додава таа.
Една од најубавите жени на светот истакна дека е „среќна што се отишло во тој правец“.
Инаку, Мендес нема снимено ништо откако стана мајка. Нејзината последна улога беше во 2014 година. Покрај нејзината актерска кариера, таа е портпарол на голема козметичка компанија, модел и креативен директор на брендот за шминка „CIRCA Beauty“.
Забава
Емили Ратајковски го привлече вниманието со фустан кој повеќе открива отколку што крие
Емили Ратајковски присуствуваше на настанот The King’s Trust Global Gala што се одржа во Casa Cipriani во Њујорк, каде што ги привлече погледите со храбар фустан.
Познатата убавица носеше свилен крем фустан со длабоко деколте, кој допираше речиси до нејзиниот папок, а кој ја истакна нејзината витка линија. Фустанот имал и гол грб и бил врзан околу вратот.
The King’s Trust Global Gala е основана од британскиот крал Чарлс III. со цел да им се помогне на младите, а свечениот настан собра многу познати фаци, како моделот Ирина Шајк, актерката Кејт Бекинсејл, славната двојка Криси Тајген и Џон Леџенд, поранешната манекенка Кејт Мос и плус сајз моделот Ешли Греам.
Забава
Мишел Фајфер се појави на црвениот тепих, обожавателите се восхитени од нејзината убавина
Актерката Мишел Фајфер не се појавува често во јавноста, но сега позираше со сопругот Дејвид Е.Кели на црвениот тепих на Американскиот филмски институт во Лос Анџелес. Обожавателите се восхитуваат на нејзиниот изглед во 67-та година и пишуваат дека изгледа како да не старее.
Иконската жена-мачка често зборува за тоа како го прифатила стареењето и се фотографира без шминка. Иако изгледа како да го должи својот фантастичен изглед на посебни скриени трикови, таа тврди дека работата е многу едноставна.
Таа претходно за Daily Mail откри дека доволно спие, вежба и се храни здраво.