Култура
„Мајки“ во конкуренција за Ем-Ти-Ви филмските награди
Филмот „Мајки“ на режисерот Милчо Манчевски е во конкуренција меѓу петте номинарани филмови за годинешните први регионални Ем-Ти-Ви филмски награди (MTV Movie Awards), објави Ем-Ти-Ви на денешната прес -конференција која истовреме се одржа во Белград, Загреб и Љубљана.
Филмот „Мајки“ на режисерот Милчо Манчевски е во конкуренција меѓу петте номинарани филмови за годинешните први регионални Ем-Ти-Ви филмски награди (MTV Movie Awards), објави Ем-Ти-Ви на денешната прес -конференција која истовреме се одржа во Белград, Загреб и Љубљана. Ем-Ти-Ви филмските награди се едни од најреномираните во светот, а Манчевски е единствениот македонски режисер чиј филм е номиниран за овие награди. Годинава за првпат ќе може да се гласа и за најдобар филм во регионот, а наградата се вика „Горки лист“ MTV Movie Awards . Мајки е во конкуренција со словенечкиот „Гремо ми по своје“ и српските „Тилва Рош“ и „Монтевидео, бог те видео“ и хрватскиот „Сума сумарум“.Гласањето ќе биде отворено на 3 јуни на веб-страницата www.mtv.rs, а наградите ќе се доделат на 6 јуни во Белград. Манчевски е добитник на Ем-Ти-Ви награда во Њујорк. Имено, во 1992 година тој го режираше музичкото видео за песната „Тенеси“ на групата „Арестед Девелопмент“, кој беше прогласен за најдобар спот во хип-хоп категоријата. Стручното музичко списание „Билборд“ тогаш го прогласи спотот на Манчевски за најдобар во поп/рок категорија, додека култното списание “Ролинг Стоун“ го вброи во 100-те најдобри спотови на сите времиња. Mинатиот месец филмот „Мајки“ беше прикажан на фестивалите во Истанбул, Лас Палмес де Гран Канариа, Вилнис, Литванија и Кливленд. крај/сж
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Култура
Вердиевата спектакуларна опера „Трубадур“ на 11 мај на „Мајските оперски вечери“
На 11 мај со почеток во 20.00 часот ќе се изведе спектакуларната опера „Трубадур“ од Џузепе Верди, во рамките на 52. издание на меѓународниот фестивал „Мајски оперски вечери“. Билетите за премиерната изведба на „Трубадур“ на 9 мај се распродадени.
Диригент е Иван Еминовиќ, режијата е на реномираниот македонски режисер, Иван Поповски кој живее и работи во Москва повеќе од две децении и за своите врвни уметнички достигнувања е добитник на највисоки признанија во Русија и низ светот и за првпат поставува опера на македонската сцена. Сценографијата е на Миодраг Табачки од Србија, костимографијата е на Марија Пупучевска, а кореографијата на Саша Евтимова.
Во улогата на Манрико ќе настапи гостинот од Чиле, Филипе Рохас, тенор кој настапувал на повеќе светски сцени, во улогата на Гроф Луна ќе настапи нашиот баритон Ристе Велков, во улогата на Леонора ќе настапи гостинката од Канада Криста де Силва, драмски сопран препознатлива по нејзините темни мистични бои. Во улогата на Ацучена ќе настапи, Сања Анастасиа, мецосопран, првенка на операта во Народниот театар во Белград. Во улогата на Ферандо ќе настапи нашиот бас, Владимир Саздовски кој е чест гостин на светските оперски сцени. Во останатите улоги ќе настапат: Јане Дунимаглоски, Ана Ројдева, Тихомир Јакимовски и Дејан Стоев во придружба на хорот и оркестарот на Националната опера и балет.
Романтична љубов, смртна љубомора и oдмазда се движечките драмски елементи на операта „Трубадур“ од италијанскиот музички мајстор Џузепе Верди. Операта се одликува со прекрасна музика и спектакуларно предводени вокални делови кои пренесуваат силни емоции, додека исклучително сложената приказна изобилува со огнена страст.
Култура
Изложба: „Четирите мајстори на модернизмот“
Град Скопје и ЈУ Културно Информативен Центар ќе отпочнат со реализација на Европскиот проект CreArt 3, со активноста „Европски месец на креативноста“ на 10 мај во галеријата Империјал 1 – ЈУ Културно Информативен Центар, каде што до крајот на месец мај ќе биде отворена групната изложба насловена: „Четирите мајстори на модернизмот“
Учесници: Теодора Андоноска, Мартин Буровски, Илина Василеска, Сергеј Јордановски, Камелија Каламерникова, Манели Крстиќ, Сара Милошевска, Ивона Петрова и Никола Тренов, сите студенти од четврта година на студиската програма Сликарство на Факултетот за ликовни уметности, Универзитет „Св. Кирил и Методиј“ – Скопје, во класата на проф. Слободанка Стевческа.
Изложбата „Четирите мајстори на модернизмот“ е воспоставена во чест на основоположниците на Факултетот за ликовни уметности од Катедрата за сликарство, професорите Петар Мазев, Родољуб Анастасов, Димитар Кондовски и Душан Перчинков.
Изложбата ќе биде отворена до 20.04.2024 година.
Култура
Распишани конкурсите за државните награди „11 Oктомври“ и „22 Ноември“
Денеска се распишани конкурсите за државните награди „11 Oктомври“ и „22 Ноември“ за 2024 година.
Со државната награда „11 Октомври“ се оддава највисоко признание за животно дело во областа на науката, уметноста, стопанството и во другите дејности од јавен интерес на државата. Наградата се доделува на поединци, група творци, екипи, установи, трговски друштва и здруженија на граѓани од земјава.
Со државната награда „22 Ноември“, пак, се оддава признание на личностите од политичкиот, културниот и општествениот живот во нашата држава кои дале свој придонес во унапредување на меѓучовечкиот соживот и меѓусебно разбирање меѓу припадниците на различните заедници, култури и вери.
Конкурсите за државните награди „11 Oктомври“ и „22 Ноември“ за 2024 година траат од 1 до 31 мај 2024 година.
Конкурсите се објавени и на веб–страницата на Министерството за култура на следните линкови:
Државна награда „11 Октомври“ – https://kultura.gov.mk/wp-content/uploads/2023/10/odluka-3.pdf
Државна награда „22 Ноември“ – https://kultura.gov.mk/22-%d0%bd%d0%be%d0%b5%d0%bc%d0%b2%d1%80%d0%b8/