Убавината и гламурот вчера вечер беа уште еднаш собрани на едно мести и во исто време на спектакуларната Fashion TV забава која ја организираше клубот Colloseum.

Убавината и гламурот вчера вечер беа уште еднаш собрани на едно мести и во исто време на спектакуларната Fashion TV забава која ја организираше клубот Colloseum.

Црвениот тепих, убавите хостеси, големиот број на фоторепортери беше дел од големата организација на овој нaстан.

Дел од гостите се сложија дека македонските фаци уште еднаш покажаа дека сакаат да се забавуваат и дека ваков тип на забави треба да се случуваат и организираат почесто.

Мики Црнокрак, сопственик на модното студио „Црнокрак“ на вчерашната забава истакна дека со начинот на кој е организирана забавата не заостануваме со ништо од оние Fashion TV забави во странство.

„Самиот факт дека забавата уште не почнала, а дискотеката е преполна покажува дека македонците се желни за вакви забави кој треба да се организираат многу почесто“ рече Црнокрак.

На самиот влез во дискотеката гостите беа пречекувани од три хостеси кои со шампањ им посакуваа добредојде на гостите.

За доброто расположение и забава на гостите беа задолжени High Hills.

Мејк-ап артистот Александар Билјановски-Дадар, за забавата истакна дека е убаво што постои ваков тип на забави.

„Убаво е, иако луѓето не се дотерани доволно за еден ваков тип на забава, бидејки ќе ги има Fashion TV требаше да бидат малку повеќе дотерани.

Од македонските познати фаци многу малку можат да си го дозволат моментот кој се нарекува red carpet.

Пред се треба да се работи многу на имиџот и на стајлингот па потоа на однесувањето и на манирите во јавност, посебно за јавните личности“ рече Дадар.

Според него, во секој случај одиме напред.

Дејан Ѓорѓиевски, претставник од „Порше“ изјави дека ваквиот тип на забави во Македонија е потребен поради тоа што модата дефинитивно застанува од она што е тренд во светот.

„Преку ваквите забави се трудиме да ги внесеме луѓето поблиску во светот на модата.

Мислам дека на ваквите настани треба да земат учество и луѓето од средната класа а не само од повисоката класа, за да се прифати фактот дека во Македонија се живее нормален живот“ додаде Ѓорѓиевски.

Според него, со ова што го прави Fashion TV, сите други земји од страна треба да видат дека и Македонија и македонскиот народ знае да се забавува.

Сопственичката на Студио и академија „Леонтич“, Васка Леонтич истакна дека организацијата на забавата е многу добра и треба се почесто да се прават вакви забави, со што треба да се стави поголем акцент во програмскиот дел.

„На тој начин луѓето ќе имаат повеќе простор да се зближат и да критикуваат затоа што реално сите ја изгубивме навиката за дружење“ додаде Леонтич.

Според неа, јавните личности не знаат да се носат со ваквиот тип на забави и дека треба уште многу да учат.

„Мислам дека треба многу повеќе да се удри акцент во поглед на гламурот кој што фалеше оваа вечер“, рече Леонтич.

Инаку од познатите јавни личности на синоќешната забава беа присутни Маја Вукичевиќ, Јован Јованов, Влатко Илиевски, Мики и Светлана Црнокрак, Сергеј Варошлија, Ношпал, Александар Билјановски-Дадар, голем дел од фото моделите.

Поддржувачи на оваа спектакуларна забава беа Т- Mobile и T-Home, ТТС, Порше, Тиквеш и Гемак../крај/ир/