Режисерот Френсис Форд Копола е хоспитализиран во Италија.

Според извештаите, режисерот бил примен во болница во Рим утрово за планирана операција на срце, но по пристигнувањето наводно доживеал блага срцева аритмија, поради што бил ставен на набљудување пред операцијата.

Режисерот на „Кум“, кој има 86 години, бил во земјата за фестивалот Магна Греција во Калабрија, каде што го претстави својот контроверзен филм „Мегалополис“, во кој глумат Адам Драјвер, Обри Плаза, Шаја Лабаф и Џанкарло Еспозито, пишува „Мирор“.

За време на фестивалот, тој и рече на публиката: „Младите ми велат дека светот е во хаос, но јас им одговарам дека нема проблем што човештвото не може да го реши. Мораме да изградиме нова голема иднина и да го направиме тоа заедно – заради нашите деца. И вечерва, правиме чекор во иднината.“

Легендарниот режисер има блиски врски со Италија, бидејќи неговиот дедо Агостино емигрирал од Берналда на почетокот на 1900-тите. Во 1989 година, Франсис станал почесен граѓанин на градот, каде што често престојува.

Според ANSA, тој го поминал поголемиот дел од летото во Италија барајќи локации за нов филм, чие снимање треба да започне на есен.

Порано овој месец, Копола учествуваше на настан во Сан Франциско, каде што одржа прашања и одговори со публиката по проекцијата на „Мегалополис“.

Тимот на Френсис Форд Копола сè уште не одговори на барањето за коментар откако беше контактиран од „Мирор“.

Фото: Скриншот

Легендарниот рок пејач и фронтмен на групата Блек Сабат, Ози Озборн, почина на 22 јули на 76-годишна возраст, опкружен со своето семејство. Сега вистинската причина за смртта е официјално откриена.

Според официјалниот извештај, причина за смртта била акутен миокарден инфаркт и срцев застој, пишува „Дејли Мејл“.

Ози, кој во 2019 година откри дека боледува од Паркинсонова болест, беше погребан минатата недела на имотот на неговото семејство, за време на приватна церемонија на која присуствуваа членови на семејството и бројни претставници на рок сцената, вклучувајќи ги Мерилин Менсон и гитаристот на Ози, Зак Вајлд.

Фото: ЕПА

Актерката Денис Ричардс е видена како разговара со полицијата откога неочекувано влегла во куќата на поранешниот сопруг Арон Фајперс и покрај тоа што има изречена забрана за приближување.

Според медиумски извештаи, Ричардс во неделата попладне упаднала во куќата во Калабасас, Калифорнија, каде што моментно живее Фајперс со неговите родители и со братот наводно за да го земе својот милениче – кучето. Извор близок до настанот за ТМЗ изјавил дека таа тропала на задната врата по што родителите на Фајперс ѝ отвориле. Потоа, според истиот извор, таа почнала да им вика да ја напуштат куќата.

Се тврди и дека 54-годишната актерка им покажувала со прст на родителите на поранешниот сопруг, се обидела да го удри брат му, а наводно фрлала и пошта кон зетот.

По интервенцијата, полицијата заклучила дека нема основано сомнение за кривично дело и не презела дополнителни мерки.

Адвокатот на Ричардс, Брет Берман, негира каква било вина на својата клиентка. За магазинот „Пипл“ изјави дека Ричардс не ја прекршила забраната за приближување бидејќи претходно се уверила дека Фајперс „не бил присутен во нејзината куќа“.

„Госпоѓа Ричардс влезе во куќата за да си го земе кучето откога дозна дека господинот Фајперс, без нејзино знаење и дозвола, успеал да однесе едно од нејзините миленичиња“, рече Берман.

Од друга страна, извор близок до Фајперс ги нарече овие тврдења 100 отсто лажни.

Ова е само последниот развој во контроверзната врска меѓу Ричардс и Фајперс. Минатиот месец актерката доби привремена забрана за приближување до Фајперс откога тој поднесе барање за развод по шест години брак.

Ричардс го обвини Фајперс за психичко и физичко насилство тврдејќи дека ја удирал, ја давел и ѝ се заканувал со убиство.

Претставниците на Денис Ричардс сè уште не дале официјална изјава за медиумите.