Забава
На плажа без или со дискретна шминка!

На плажа би требало да се оди без шминка, но ако така се чувствувате попријатно и ако сметате дека ви е потребна, потрудете се да користите дискретни бои
За усните користете црвено-розов сјај без седеф. Тешките кармини или моливи за уста не доаѓаат предвид.Руменилото ќе се избрише веднаш штом ќе влезете во вода, но ако сепак сакате да го имате, ставете руменило со боја на кајсија, или бронза откако ќе потемнеете. Сенките за очи се непотребни, а што се однесува до маскарата, користете само водоотпорна. Или уште подобро, обојте ги вашите трепки во некој козметички салон. Така ќе бидете мирни две недели, а маскара воопшто нема да ви биде потребна. Телото мачкајте го со креми со заштитен фактор, а подоцна кога ќе потемнеете прејдете на лосиони со бронзен сјај. Но, со сјајни креми не ги мачкајте колковите и задникот, доколку сметате дека се малку поголеми. Затоа, намачкајте го деколтето, на пример, за да постигнете впечаток на поголеми гради.Заборавете на парфемите и дезодорансите. На сонце бргу ќе испарат, а можете да добиете и дамки по телото. Мирисот од кремата за сончање е сосема доволен.Ноктите на нозете и рацете намачкајте ги со иста боја, а за лакот да ви стои подолго време, премачкајте го со провиден сјај. Се препорачува лакот да ви биде соодветен со костимот за капење или во некој природна бја која не е многу впечатлива.Водете сметка ако се бањате во базен, хлорот може да го оштети лакот, поради што е подобро да не користите јаки бои. Во спротивно ќе морате секоја вечер да ги поправате и домачкувате ноктите.Со оглед на тоа дека сте на одмор, опуштете се и заборавете на шминката барем тие неколку дена. Уживајте во сонцето, морето, свежиот воздух… и секако, во својата природна убавина, а бронзениот тен кој од ден-на ден ќе ви биде поизразен, ќе ве направи уште поубави.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Паста диета: можете да изгубите 3 килограми за само 5 дена

Диетата со шпагети трае само пет дена и ви овозможува да изгубите до три килограми. Кога избирате тестенини, обидете се да ги изберете оние од цело зрно, кои се особено богати со хранливи материи и витамини.
Ден 1.
Појадок: парче леб намачкано со крем сирење, украсено со киви одозгора.
Ручек: варени шпагети (70 г), за сосот користете половина кромид, 2 домати и 150 грама печурки на пареа и зачинете сè со лута пиперка.
Вечера: тестенини (70 г), пиперка (3 парчиња), 2 домати и малку рендано сирење.
Ден 2.
Појадок: чаша јогурт (1,5% масленост) со две лажици овесни снегулки и половина јаболко.
Ручек: сварете 70 грама тестенини, со 1 лажица доматен сос и тиквички.
Вечера: топли тестенини (40 г), 1 домат, маслинки, 3 млади кромиди и 40 г сирење. Зачинете со маслиново масло и сок од лимон.
Ден 3.
Појадок: овошна салата од мандарина, 1/2 јаболко, киви и 1/4 банана.
Ручек: шпагети (70 г), сос од 3-4 домати, грашок и 1 морков.
Вечера: 70 г сварени тестенини со сос (2 лажици доматно пире и малку кромид).
Ден 4.
Појадок: тост со сирење и парче киви.
Ручек: сварете 70 грама тестенини, послужете со 150 г варен зеленчук (грав, моркови, грашок, карфиол). Посипете со рендано сирење.
Вечера: шпагети (70 г), 1 краставица, портокал за десерт.
Ден 5.
Појадок: јогурт и јаболко.
Ручек: Сварете тестенини (70 г), додадете малку брокула (150 г), додадете рендано сирење, лук и пипер.
Вечера: 40 г тестенини со сирење, 4 маслинки и домати. Зачинете со 1 лажичка маслиново масло, сок од лимон и пипер.
Забава
(Фото) Се соблече гола за својот 60-ти роденден: „Вљубена сум“

Актерката и модел Елизабет Харли го прослави својот 60-ти роденден на 10 јуни и ги воодушеви своите обожаватели со неочекувана фотографија од неа – целосно гола.
Британската заводничка, која на 59 години беше прогласена за најсекси жена на светот, а воедно ја носи и титулата кралица на бикини, објави фотографија во топлес на својот роденден, заедно со тоа што му кажа на светот дека е вљубена.
„Среќен роденден! Оваа година веќе беше лудо возење. И… јас сум вљубена. Се чувствувам толку благословена и благодарна што ги имам најдобрите пријатели и семејство на светот. Фотографијата е направена денес попладне… во мојата роденденска облека“, напиша Елизабет Харли.
На фотографијата што го направи машкиот пол најсреќен, а воедно предизвика и возбуда на Инстаграм, таа позира седејќи на тревата со скрстени нозе, така што иако е целосно гола – ништо не се гледа. Широката насмевка на нејзиното лице кажува колку е среќна, а објавата ја коментираше и нејзиниот нов партнер Били Реј Сајрус, кој кратко напиша: „Те сакам“.
Тој објави нивна заедничка фотографија на својот профил со пораката: „Среќен роденден на љубовта на мојот живот“.
Забава
Едноставно, евтино и ефикасно решение за намалување на салото на стомакот – една намирница што сите ја сакаме

Летото речиси започна, иако можеби не според календарот, но сме сведоци на жештините, па затоа е крајно време да се подготвиме за морето и новата сезона на бикини. Сепак, тие фрустрирачки наслаги околу стомакот едноставно не ве напуштаат? Не очајувајте, постои едноставно решение за тоа.
Нутриционистката Роксана Ехсани ја откри тајната за витка фигура: обичен, обезмастен грчки јогурт.
Висцералните масти, кои се акумулираат длабоко во стомакот, можеби се невидливи однадвор, но имаат сериозни здравствени последици. Го зголемуваат ризикот од срцеви заболувања, дијабетес и други сериозни состојби. Но, и за тоа постои решение – променете ја исхраната.
Додадете обичен, обезмастен грчки јогурт во вашата исхрана. Студиите покажаа дека исхраната богата со протеини, калциум и витамин Д може да ги намали висцералните масти.
Грчкиот јогурт е богат со протеини, што ви помага да се чувствувате сити и спречува прејадување. Исто така, содржи пробиотици кои го поддржуваат здравјето на цревата.
Едноставно, евтино и ефикасно решение за намалување на салото на стомакот.