Македонија
Македонците бараат албанскиот претседател да не го декретира законот за територијална поделба
Македонците во Албанија побараа од претседателот на државата Бујар Нишани да го врати повторно во Собрание новиот закон за административна територијална поделба кој беше усвоен со мнозинство гласови во албанското Собрание и покрај несогласувањето на малцинствата.
Друштвото на Македонците „Илинден“ упати писмо до Нишани во кое се наведува дека верува дека претседателот во согласност со Уставот нема да го потпише законот и така ќе ја заштити декомратијата во земјата.
Македонското малцинство во Албанија смета дека со соединување на општините во Голо Брдо и Гора се прави чекор назад за правата на малцинствата во Албанија.
„Областите Голо Брдо и Гора и со админстративната поделба во 1913 година се како посебни административни единици“, се нагласува во писмото и притоа се додава дека со оваа нова поделба се газат сите демографски, географски, економски и културни критериуми во областите на Голо Брдо и Гора.
„Соединувањњето на општините во Голо Брдо и Гора како планински области го отежнува животот на населението така што за еден извод тие треба да патуваат повеке од два часа“, се истакнува во писмото на здружението на Македонците „Илинден“, потпишано од страна на претседателот на друштвото Никола Ѓурѓај.
Инаку Ѓурѓај за Макфакс изјави дека Македонците во Албанија на овој закон ќе се спротистават со сите демократски средства. Претходно несогласувањето со овој закон Македонците го искажаа и со писма упатени и до меѓународниот фактор со цел да ги изнесат аргументите зошто овој нов закон е директно против правата на малцинствата во Албанија.крај/мф/мн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Уапсен врховен судија поради сомненија за примање поткуп
Врховниот судија Наке Георгиев е уапсен поради сомнеж за примање поткуп.
„Денеска 20 мај, лишен од слобода е судија од Врховниот суд поради сомневања за сторено кривично дело Примање награда за противзаконито влијание. Судијата е лишен од слобода на лице место при извршување на кривичното дело. Се чекаат натамошни насоки од надлежен јавен обвинител“, велат од МВР.
Засега не е позната локацијата каде што е приведен судијата, ниту пак, за колкава сума станува збор.
Македонија
Сиљановска доби честитка од кралот Чарлс
Претседателката Гордана Сиљановска Давкова денеска го прими амбасадорот на Обединетото Кралство на Велика Британија и Северна Ирска, Метју Лосон.
На средбата беа разменети мислења за севкупните билатерални односи меѓу двете држави, при што претседателката Сиљановска Давкова истакна дека нашата држава придава особено значење на развојот на пријателските односи и соработката со Обединетото Кралство, вклучувајќи го сојузништвото во НАТО алијансата. Претседателката Сиљановска Давкова посочи на нејзината подготвеност за натамошно унапредување на билатералната соработка со Обединетото Кралство во сите сфери од заемен интерес.
Претседателката Сиљановска Давкова истакна дека како држава особено ја цениме британската поддршка во исполнувањето на стратешката цел – членство во Европската Унија, која продолжи и по Брегзит.
Амбасадорот Лосон на претседателката Сиљановска Давкова и предаде честитка од Кралот Чарлс Трети по повод нејзиното стапување на функцијата, во која упатува најискрени честитки за нејзиниот избор.
„Уверен сум дека ќе го вложите целиот Ваш капацитет за време на Вашиот мандат како Претседател за справување со големите предизвици на нашето време, почнувајќи од справувањето со климатските промени до продлабочувањето на евроатлантската интеграција на Северна Македонија. Многу сум задоволен што нашите две земји имаат воспоставено цврсти трговски и безбедносни односи. Оттука, се надевам дека за време на Вашиот мандат како Претседател односите, кои се веќе толку блиски, уште повеќе ќе се продлабочат“, се вели во честитката од Кралот Чарлс Трети.
Македонија
Сиљановска Давкова се сретна со украинската амбасадорка Дир
Претседателката Гордана Сиљановска Давкова денеска ја прими амбасадорката на Украина, Лариса Дир.
На средбата, беше изразено задоволство од традиционалните пријателски односи, засновани на заемна почит и меѓусебно разбирање. Претседателката Сиљановска Давкова ја нагласи нејзината заложба за продлабочување на соработката во сите области од заеднички интерес, реафирмирајќи ја поддршката за Украина против руската агресија, со која се поткопува европската глобална безбедност и стабилност.
Двете соговорнички разменија мислења и за стратешките определби и перспективите на двете земји, истакнувајќи ја потребата од натамошна заемна помош, споделување искуства и експертиза. Претседателката Сиљановска Давкова ја нагласи македонската поддршка за Украина на нејзиниот пат кон Европската Унија и НАТО.
Амбасадорката Дир, упатувајќи честитки за изборот на претседателката Сиљановска Давкова ѝ посака успешно извршување на функцијата.