Министрите за финанси и 17-те земји членки на еврозоната и Меѓународниот монетарен фонд по повеќе од 13-часови преговори ноќта кон вторникот постигнаа договор за исплата на следната транша помош за Грција.

Исто така, договорени беа и низа мерки со коишто ќе се овозможи во следните десет години значително намалување на јавниот долг на Грција.

„Постигнавме политички договор. Не станува само збор за пари, туку и за подобра иднина за Грција и еврозоната во целина“, изјави шефот на Еврогрупата (советот на 17-те министри за финансии на земјите членки на еврозоната), Жан-Клод Јанкер по завршувањето на состанокот.

Сега останува земјите членки нa еврозоната да ги донесат потребните одлуки на национално ниво за одобрување на следната транша до вториот пакет голема странска финансиска помош од привремениот кризен фонд EFSF во висина од 43,7 милијарди евра. Првите 34,4 милијарди евра, од кои 10,6 милијарди евра се наменети за финансирање на грчкиот буџет а 23,8 милијарди евра за докапитализација на банките, треба да бидат исплатени на 13-ти декември. Преостанатиот дел ќе биде исплатен во три рати во текот на првиот квартал од идната 2013 година.

Членките на еврозната се согласија и околу мерките коишто би требало да овозможат намалување на грчкиот долг до 2016 година на 175 отсто од бруто домашниот производ (БДП) , 2020 година на 124 отсто, а во 2022 година значително под 110 отсто до БДП-то. Тие мерки вклучуваат намалување на каматите на веќе одобрените кредити од EFSF, продолжување за 15 години рокот на отплаќање на кредитите, одложување за 10 години за плаќање на каматите на позајмиците од EFSF, како и отстапување на делот од заработката на националните централни банки на грчките обврзници.

Само десетгодишниот мораториум на плаќањето камати на зајмувањата од EFSF го олеснува должничкиот товар за 44 милијарди евра.

Грција, исто рака, може да собере дел до својот долг, но деталите на оваа операција не се објавени за да се избегне растот на цените на грчките обврзници поради шпекулациите. „Колку помалку зборуваме за тоа, толку подобро“, изјави извршната директорка на ММФ, Кристин Лагард.

Сите наведени мерки го намалуваат долгот со кастрење на трошоците на задолжувањето, но не и главнината. Сé почесто се споменува можноста и јавните доверители да отпишат дел од своите побарувања, откако приватните претходно пролетта 2012 година банки беа принудени да отпишат 107 милијарди евра грчки долг.

Германскиот весник Welt am Sontag, претходно во неделата пишуваше дека минатата седмица во Париз бил одржан состанок на кој се зборувало за отпишувањето ан грчкиот долг до 2015 година, да во 2020 година тој да се намали на 70 отсто од БДП-то. На тој состанок биле министрите за финансии на Франција, Германија, Италија и Шпанија, претставници на Европската комисија, на Европскиот совет, на Европската централна банка и на Меѓународниот монетарен фонд.

На отпишување на долгот најмногу инсистира челничката на ММФ, Кристин Лагард, која истакнува дека земјите доверители ќе мора да отпишат дел од своите побарувања од Грција, бидејќи „поинаку нема да оди“.

На ова најмногу се спротиставува Германија. Магазинот Der Spiegel наведува дека простувањето на дел од долгот на Грција би значело и дека Германија мора да отпише милијарди евра од своите заеми, кои се пари на германските даночни обврзници, а тоа канцеларката Ангела Меркел и министерот за финансии Волфганг Шојбле сакаат да го избегнат пред парламентарните избори коишто ќе се одржат во септември идната година./крај/мф/сн