Забава
Лажни вести што ги измамиле и најсериозните весници
Дека бившиот американски претседател Џорџ Буш има коефициент на интелигенција понизок од 100 и не звучи толку неверојатно, но од новинарите, пред да
Дека бившиот американски претседател Џорџ Буш има коефициент на интелигенција понизок од 100 и не звучи толку неверојатно, но од новинарите, пред да објават таква информација, би се очекувало и да ја проверат.
Истото важи и за веста дека лав во Камбоџа нападнал и повредил 42 џуџиња!
Секако, би било логично таквите информации да се проверат, но понекогаш звучат толку добро, што е штета да не се објават, а подоцна да се проверат.
Иако корисниците на интернетот го осудуваат овој млад медиум за ширење на невистини и лажни вести и жалат во “вистинското“ новинарство какво што денес повеќе не постои, сатирите и грешките во новинарството се стари колку и самата професија.
Понекогаш намерни, понекогаш случајни, редовно ги мамат читателите и самите новинари, кои понекогаш не се трудат доволно околу проверката на информациите, па едни од други пренесуваат секакви глупости.
Една од најпознатите и првите измами е печатена во 1835 година во њујоршкото издание на Сан, каде од 25 август до 16-ти септември е објавена низа репортажи за новите сознанија за живот на Месечината.
Новите сознанија вклучувале и детален опис на вонземските суштества, кои живеат на Месечината, опишани како луѓе кои наликувале на лилјак, чекорат исправени, но имаат крилја направени од тенки мембрани.
Во описите имало и невообичаени растенија и конструкции какви што човекот не може ниту да замисли.
Новинарите се повикувале на научното списание Единбург Журнал оф Сајенс, кој престанал да излегува неколку месеци порано.
Дека во 19. век измислувањето на приказни и репортажи во недостиг на вистински вести не било непознато, сведочи и примерот на Марк Твен, кој во младоста измислувал сатирични приказни за разни американски весници.
Меѓутоа, неговите приказни читателите ги сфаќале премногу сериозни и, како и многумина денес, не ја препознале сатирата во нив.
Но, така тоа оди… ако нешто е доволно интересно или соодветно, нема врска што е малку искривено. Секако, ако приказната е доволно добра, медиумите главно ќе ја пренесат, колку и да е очигледно дека е сулуда, денес, како и тогаш.
Интернет страната Cracked објавила неколку интересни примери во поновата историја на кои наседнале разни медиуми, од Америка, преку Европа, до Кина, што очигледно докажува дека сите исто наседнуваме.
Минатата година во мај многу медиуми ја пренесоа веста дека 13 годишно момче ја украло кредитната картичка на својот татко и потрошило 30 илјади долари на обновување на својата колекција видеоигри, електронски апарати и две проститутки, кои ги ангажирал со него да ја играат видеоиграта Ало.
Приказната го вклучила и интересното објаснување на детето, кое на проститутките преку телефон им кажало дека тој всушност е џуџе од патувачки циркус, за да не помислат тие дека е премлад.
Подоцна се открило дека приказната ја измислил Линдон Антклиф, интернет маркетинг стручњак, со цел да привлече посетители на својата страна.
Но, веста се појавила и на Фокс Њус, поради што Антклиф на крајот морал да ја признае измамата, тврдејќи дека навистина се трудел приказната да делува доволно глупаво и неверојатно за да биде јасно дека станува збор за шега.
Новинарите на Фокс Њус веројатно не го делеле неговото мислење…
Денес веќе сите знаат дека Онион е една од најголемите светски сатирични новински агенции, која се занимава исклучиво со лажни вести и дека на нивните вести може единствено да се насмееме.
Но, пред шест години тоа не било случај, барем не во Кина. Можеби затоа и не чуди што весникот Бејџинг Ивнинг Њус ја пренел веста од оваа агенција за тоа дека американскиот Конгрес се заканил дека ќе го напушти своето седиште во Вашингтон, доколку не му изградат нова зграда.
Приказната да биде уште поинтересна, главниот уредник на кинескиот весник во интервју за ЛА Тајмс се бранел со против прашања: “Како знаете дека не сме ги провериле своите извори пред да ја објавиме приказната? Можете ли вие да докажете дека приказната не е вистинска?“, на што новинарот на Тајмс му отворил неколку статии на Онион и го убедил дека оваа агенција не е најдобар извор на сериозни информации.
Фокс Њус и пекингшкиот весник не се ништо во однос на измамата на која во 1934 година наседнале скоро сите американски весници, пренесувајќи ја првоаприлската шега на едно германско списание.
Иако Фотошопот се уште не бил ниту замислен, новинарите со помош на малку попримитивен програм со фотографија ја проследиле веста за германскиот пилот Ерих Кохер, кој наводно патентирал летало што го придвижуваат белите дробови на “пилотот“:
Весникот тврдел дека вградениот мотор го претвара јаглерод диоксидот што пилотот го издишува во погонско гориво. Многу реално…:-)
Бушизмите последниве години беа омилен предмет за мајтапење на медиумите. Но, во 2001 година, почнал да кружи мејл кој се повикувал на истражувањето на Институтот Ловенштајн во Скрантон, а според кое, тогашниот претседател Џорџ Буш имал најнизок коефициент на интелигенција од сите американски претседатели во последните 50 години.
Станувало збор за бројката 91, поради која Буш наводно не го владеел добро ниту англискиот јазик, ниту имал завиден вокабулар.
Иако урнебесното откритие го пренел дури и угледниот Гардијан, веста е измислена на сатиричната страна Linkydinky.com.
Една од неверојатните лажни вести пренесени на “сериозни“ њус портали вклучува и 42 џуџиња и борба со лав.
Веројатно би требало да стане новинарско правило барем три пати да се провери секоја вест што вклучува 40 и повеќе џуџиња на едно место. Имено, приказната за тоа дека во Камбоџа лав повредил џуџиња ја пренеле Њујорк Пост и ББЦ, а почетокот на приказната е кај две момчиња, кои се расправале за тоа дали еден лав би бил посилен од 40 џуџиња, при што нивната расправа толку многу ескалирала, што едниот од нив, кој бил на страната на лавот, отворил интернет страна со разработени аргументи, поради што и многумина наседнале на оваа приказна.
Несомнено е дека грешки се прават и дека ќе се прават, но барем научивме дека 13 годишни момчиња не ги трошат парите на тато на проститутки, дека претседателскиот коефициент на интелигенција не мора да биде толку низок и уште еднаш да ја провериме секоја вест која вклучува 40 џуџиња.
За сето останато, новинарството совршено добро функционира.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Шест клучни совети што да преземете ако изгорите на сонце
Колку и да сме внимателни, можно е да изгориме на сонце за време на престој на отворено, бидејќи многумина често забораваат да нанесат крема за сончање или прескокнуваат одредени делови од телото.
Затоа, доколку добиете изгореници од сонце, важно е да знаете како правилно да постапите во таа ситуација.
Основачот и директор на „Dr Medispa“, Мунир Сомџи, наведува дека, доколку дојдете до ваква состојба, најверојатно не сте ги следеле советите на дерматолозите. Во таа насока, тој споделува шест совети што мора да ги почитувате:
1. Користете ладна памучна крпа
Ставајте ладни памучни ткаенини или крпи врз изгорените делови од кожата за да ја смирите. Треба да биде чиста памучна крпа со пријатна, ладна температура, за да се намали површинската температура на кожата. Доктор Сомџи истакнува дека оваа метода помага кожата да се смири.
2. Избегнувајте активни состојки
Сомџи објаснува зошто не треба да се нанесуваат активни состојки на кожата по сериозни изгореници од сонце.
„Многу луѓе сакаат да користат производи со алое вера, дури и свежа алое вера, но тоа може да ја зголеми веројатноста за инфекција“, вели тој. Наместо тоа, препорачува производи базирани на церамиди кои содржат емолиенси, бидејќи помагаат кожата да омекне и да се смири.
Изберете состојки како глицерин, кои помагаат во хидратација и зајакнување на кожната бариера. Креми и лосиони со церамиди се одлични бидејќи создаваат заштитен слој што го спречува губењето на влага и видливи оштетувања.
3. Земете антихистаминици
Изгорениците од сонце често предизвикуваат оток, па земањето антихистаминици може да помогне да се смири воспалението и отокот на кожата.
4. Избегнувајте пилинг и лупење
Ако се обидувате да ги отстраните изгорениците со пилинг, тоа нема да помогне – напротив, може да ја иритира веќе оштетената кожа и да доведе до лузни или инфекции. Не ја допирајте ниту лупете кожата, бидејќи тоа само ќе ја влоши состојбата.
5. Држете се подалеку од сонце
Откако ќе добиете изгореници, важно е да му дадете време на телото да се опорави. Доктор Сомџи нагласува дека треба да го избегнувате сонцето во тој период.
„Дозволете ѝ на кожата да се опорави. Ѝ треба време за повторно да се врати во нормална состојба“, вели тој.
6. Користете крема со SPF
Во иднина, обидете се да се заштитите подобро. Националната здравствена служба (NHS) препорачува употреба на крема за сончање со заштитен фактор од најмалку SPF 30.
За најдобри резултати, кремата се нанесува на секои два часа, особено поради сушењето што го предизвикува сонцето. Изберете формула што е отпорна на вода ако се потите или влегувате во вода.
Забава
(Фото) Се вратија од минатото и повторно станаа хит: панталони што мора да ги имате летово
Пред повеќе од една година се зборуваше за неочекуваното враќање на панталоните „капри“, тренд што изненади многумина, но се покажа дека е далеку од краткотраен тренд на враќање.
Летово, јасно е дека овие панталони не се само носталгија, туку вистински класик кој си го зазеде своето место во модерната гардероба.
Панталоните „капри“, кои се еден вид почит кон елеганцијата и удобноста, не престануваат да ги освојуваат модните писти и улиците низ целиот свет. Во последните недели светот на модата е полн со примери, меѓу кои се Хејли Бибер и Кендал Џенер, кои вешто ги вклопија во своите летни изгледи.
Да се потсетиме, минатата година ги сретнавме како едно од најважните парчиња на сезоната, а потоа врвни брендови како Jacquemus и Ferragamo ги релансираа на модната сцена.
Но сега, гледајќи ја денешната мода и уличен стил, јасно е дека капри панталоните станаа задолжително парче кое комбинира ретро шарм со модерен израз. Всушност, тие повеќе не се само парче носталгија кон модата, туку секојдневен избор за жените кои бараат стил, но и удобност во потоплите месеци.
Хејли Бибер неодамна беше видена како носи капри панталони со точки, во комбинација со едноставен црн топ и црни апостолки, што совршено илустрираше како овој стил може да биде и забавен и софистициран во исто време.
Нејзиниот стил не беше премногу „револуционерен“, но едноставноста и смелиот дезен донесоа освежителен пресврт и докажаа дека капри панталоните лесно можат да станат централна точка на секоја облека.
Од друга страна, Кендал Џенер избра класични, црни капри панталони кои ги искомбинираше со тенка бела кошула со копчиња и елегантни сандали, докажувајќи дека овој крој може да се носи и во поформални пригоди.
Иако често ги поврзуваме капри панталоните со лежерен и летен изглед, нивниот потенцијал е далеку поголем. Денес, ги гледаме во различни материјали и кроеви – од лелеави ленени модели до структурирани памучни или дури и кожни верзии, што ги прави многу прилагодливи и погодни за различни пригоди.
Капри панталоните совршено се комбинираат со сандали со ниска или висока потпетица, салонки, балетанки, па дури и бели патики, што ги прави идеален избор за градски прошетки или дружење на терасите на вашите омилени летни кафулиња.
Забава
Тажна приказна за два знака: се сакаат, но никогаш не се разбираатж
Два хороскопски знаци кои магнетски се привлекуваат еден кон друг, но ретко остануваат заедно – еве зошто.
На прв поглед, Ракот и Водолијата немаат ништо заедничко. Едниот хороскопски знак живее во минатото, другиот во иднината. Едниот бара сигурност, другиот слобода. И сепак, нешто постојано ги привлекува еден кон друг. Тоа е една од оние комбинации што се случуваат често, но ретко траат.
Рак, чувар на емоциите и домот
Ракот е знак управуван од Месечината. Чувствителен, грижлив, често носталгичен. Луѓето родени под овој знак длабоко го чувствуваат светот околу нив и инстинктивно сакаат да го заштитат она што го сакаат. Пријателствата и врските им значат многу, но тие исто така очекуваат возвратено внимание, посветеност и емоционална достапност.
Водолија, вечниот визионер
Водолија е знак кој не признава правила. Со знакот владеат Уран и Сатурн, комбинација од експлозивна оригиналност и студена дистанца. Ги сака луѓето, идеите, слободата. Но, кога станува збор за емоции, Водолијата често ја одржува својата дистанца. Не затоа што не чувствува, туку затоа што не знае секогаш што да прави со тие емоции.
Каде се заглавува?
Ракот бара присуство, нежност, јасни емоции. Водолијата пред сè сака независност, пријателство и не го сака чувството на врзување. Ракот се повлекува кога се чувствува запоставен. Водолијата бега кога се чувствува притисната. И така се создава маѓепсан круг на тишина, повлекување и студенило.
Можат ли сепак да успеат?
Да, но само ако двајцата се спремни да излезат од своите зони на удобност. Ракот мора да научи дека љубовта не мора секогаш да биде онаква каква што ја замислувале. А Водолијата дека емоционалната блискост не мора да значи губење на слободата. Кога ќе го сторат тоа, нивната врска, без разлика дали е пријателство или љубов, може да биде една од најнеобичните и најинспиративните.
39-годишен Македонец е загинатиот во несреќата во Србија
Во сообраќајна несреќа што се случи рано утрово на автопатот Нови Сад – Суботица загина македонски државјанин, додека друг се...
Се преврте возило со македонски регистарски таблички, загина сопатникот: тешка сообраќајна незгода во Србија
Едно лице загина, а едно е тешко повредено во сообраќајна несреќа што се случи утрово. Како што објави српски „Блиц“,...
Најголем интересот за студии по медицина и социјална заштита, порасна бројот на запишани студенти за една година
Во академската 2024/2025 година се запишале 53.535 студенти, што претставува зголемување за 2,3 проценти во однос на претходната година. Според...
(Видео) Студенти уапсени на ливада пред Факултетот за драмски уметности во Белград
Белград, Нови Сад и Ниш денес ќе бидат целосно блокирани, најавија студентите на големите собири синоќа. Žandarmerija u Cvijićevoj. pic.twitter.com/IEpLk4p9d8...
(Видео) Трамп: Не постигнав никаков напредок во разговорот со Путин
Американскиот претседател Доналд Трамп вчера им изјави на новинарите дека не постигнал никаков напредок во врска со завршувањето на војната...
(Видео) Брутален руски напад врз Киев по разговорите Путин – Трамп
Руските сили започнаа повеќечасовен ракетен и беспилотен напад врз украинскиот главен град Киев во текот на ноќта, насочен кон станбени...
(Видео) Студентите: Тотална блокада на Србија наутро; Вучиќ: Ве молам, вразумете се
Белград, Нови Сад и Ниш денес ќе бидат целосно блокирани. Студентите го најавија ова на големите собири синоќа. Тие најавија...
Приближно половина час се чека на Богородица и на Табановце
Сообраќајот на државните патишта се одвива непречено, по суви коловози, извести АМСМ. Интензитетот на сообраќај на патните правци надвор од...
Сончево и многу топло, температурата денеска до 40 степени
Времето денеска ќе биде претежно сончево и многу топло со слаб до умерен ветер од јужен правец. Минималната температура ќе...
Уапсен мотоциклистот кој усмрти пешак на кејот во Скопје
Полицијата го уапси мотоциклистот кој завчера усмрти пешак на кејот во Скопје, на пешачка патека во близина на Паркот на...
(Видео) Платата на пилотите во ДЗС покачена за 100 отсто како дополнителен мотив, кажа Ангелов
Платата на десетте вработени во Одделението за специјализирани воздухоплови во ДЗС им е покачена за 100% и им е даден...
(Видео) Јакимовски: Унапредувањето на судијката Димовска е награда за мојата затворска казна
Начинот на кој е избрана судијката Даниела Димовска за вд претседател на Основниот кривичен суд Скопје ми дава за право...
Можно е Костадинов да се кандидира за градоначалник на Струмица како независен кандидат
Актуелниот градоначалник на Струмица, Костадин Костадинов, ја отвори можноста да се кандидира како независен кандидат за нов мандат, oткако СДСМ...
Ковачев: За темите за идентитетот и за јазикот нема место во извештајот, се отвора Пандорината кутија
Трите најголеми политички групи во Европскиот парламент го поддржаа предлогот да се отстранат термините „македонски идентитет“ и „македонски јазик“ од...
Бришењето на македонскиот јазик и на идентитетот од извештајот е еднакво лошо за нас како да стоеше модерен, вели Мицкоски
По објавите на бугарските медиуми дека трите најголеми политички сили во Европскиот парламент (ЕП) се согласиле од извештајот за напредокот...
Вршеле обљуба врз малолетнички и снимале со мобилен: уапсени 18-годишник и малолетник од Тетово
Вчера во 15.30 и во 22.55 часот полициски службеници од СВР Тетово и ПО Камењане во с.Горно Седларце и во...
Затаила над 50 милиони денари, ниту пријавувала ниту плаќала данок: кривична за сопственичка од Кавадарци
Управата за финансиска полиција до Основното јавно обвинителство Кавадарци поднесе кривична пријава против С.Т во својство на сопственик, управител и...
(Фото) Масовна евакуација на туристи поради пожар на Крит
Голем пожар во Грција продолжува да беснее во источниот дел од островот Крит, откако избувна вчера попладне во тешко пристапна...
Украински функционер: Европа прави сè што може, но ќе биде тешко без американско оружје
Украина ги повика САД да продолжат со „континуираната“ воена помош, по изненадувачката најава дека некои испораки на оружје за Киев...
(Видео) Украинците уништија руско складиште за муниција, се шири снимка од огромна експлозија
Украина очигледно извршила напад врз руско складиште за муниција во градот Карцизк во окупираниот дел од Донецката област на 2...
