Економија
Грција бележи рекордни туристичи резултати, но и рекордни затајувања данок

Грција годинава не бележи само одлични туристички резултати, туку и рекордни стапки на затајување данок на своите светски познати острови и друите популарни туристички дестинации, покажуваат податоците од грчкото од министерство за финансии што во петокот ги објави аганцијата АНА/МПА.
Од 1.465 контроли коишто грчките даночни инспектори ги извршиле во периодот од 25-ти до 5-ти август, откриени се 3.904 прекршоци кои ги сториле 731 субјект, а главно се работи за неиздавање сметки за продадената стока или за дадената услуга.
Кршење на даночните прописи се регистрани во вкупно 49,89 отсто од компаниите, а особено ваквите прекршители се забележани меѓу локалното население и работниците во туристичките места.
Така, на островите Евиа и Скирос стапката на даночно затајување изнесува 85,13 отсто, на Милос 81,81 отсто, на Миконос 63,73, на Крит 59,63 и на Санторини 56,36 отсто.
Опоравувањето на грчкиот туризам, во што несомнено добар удел имаат и македонските туристи, би можел годинава сериозно да им се закани на другите медитерански дестинации, како Турција и Хрватска.
Според здружението на грчките туристички компании, приходите од туризмот би можеле во 2013 година да пораснат за 10 отсто и да достигнат 11 милијарди евра, а се очекуваат рекордни 17 милиони гости, најмногу од 2009 година кога започна грчката должничка криза.
Според истите податоци, резервациите за грчките туристички дестинации во Германија се зголемени за 15 отсто, во Велика Британија за 20, додека од Русија се очекуваат дури 30 отсто повеќе туристи./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија
Исплатени 177.533.000 денари кон 1.636 лица за предадени јагне и јаре

Денеска се исплатија 177.533.000 денари кон 1.636 лица, соопшти Министерството за земјоделство, шумарство и водостопанство за развојот на сточарството во Македонија.
Реализирана е исплата на дополнителни директни плаќања од подмерки 2.8 и 2.10 за предадено јагне и/или јаре од Програмата за финансиска поддршка во земјоделството за 2024 година.
Корисници на оваа подмерка се земјоделски стопанства одгледувачи на овци и кози и се корисници од подмерка 2.8 и 2.10 кои имаат предадено јагне и/или јаре во регистриран кланичен капацитет во период од 26 декември 2023 година до 25 декември 2024 година.
Економија
Николоски потпиша договор за грант-средства со Европската банка за обнова во висина од 350 илјaди евра

Вицепремиерот и министер за транспорт, Александар Николоски го потпиша Договорот за грант средства со Европската банка за обнова и развој во висина од 350 илјaди евра наменети за техничка помош за изработка на Национална стратегија за полнење електрични возила и инфраструктура, извести Министерството за транспорт.
„Националната стратегија за полнење на електрични возила и инфраструктура, прва од овој вид во Македонија, ќе овозможи стратешки пристап кон развојот на патната инфраструктура за поддршка на воведувањето на електрични возила во патната мрежа.
Во овој момент во тек е постапката за избор на Консултант (се очекува крај на јули, почеток на август да се избере) кој ќе има задача во две фази да креира:
Подготовка на Стратегија за електрични возила; Акциски план со приоритетни активности и рокови кои треба да бидат одобрени од Владата, преку Министерството за транспорт и Европската банка за обнова и развој.
Покрај Консултанот, во изработката на Статегијата и Акцискиот план ќе бидат вклучени домашни и меѓународни експерти од области на експертиза за електрични возила, енергетската ефикасност, транспортот и екологијата“, се додава во соопштението.
Економија
Позначајни движења кај каматните стапки на банките и штедилниците

Годишен раст на просечната каматна стапка на вкупните депозити од 0,35 п.п., при што во мај таа изнесува 2,21%, извести Народната банка.
Просечната каматна стапка на вкупните кредити бележи годишен пад од 0,43 п.п. и изнесува 5,06%.
Најновото соопштение за позначајните движења кај каматните стапки на банките и штедилниците е достапно на следната врска.