Забава
Високиот пулс поврзан со ризик од срцев удар
Со мерење на бројот на срцевите отчукувања лекарите можат да предвидат колкава е можноста жената во постменопаузата да доживее срцев удар, тврдат нау
Со мерење на бројот на срцевите отчукувања лекарите можат да предвидат колкава е можноста жената во постменопаузата да доживее срцев удар, тврдат научниците.
Американските научници испитале 129 илјади жени во постменопауза, кои претходно немале срцеви проблеми.
Тие откриле дека кај жените кои имале поголем број на отчукувања на срцето постоела и поголема шанса да претрпат срцев удар, отколку жените со побавни отчукувања.
Научниците седум години ги следеле жените постари од 50 години и забележале дека 2.281 жени претрпеле срцев удар, а 1.877 жени имале мозочен удар.
Жените кај кои бројот на отчукувањата бил поголем од 76 во минута, имале за 1,6 пати поголеми шанси да доживеат удар, отколку што било тоа случај кај жените кај кои бројот на отчукувањата бил најнизок, помалку од 62 отчукувања во минута./
Шансите за срцев удар се поголеми кај младите жени во постменопауза.
Тежината, зголемен крвен притисок, зголемено ниво на холестерол и внесување на заситени маснотии во организмот, сите овие појави се поприсутни кај жените со највисок број на срцеви отчукувања, подеднакво како и дијабетисот, пушењето и депресијата, велат научниците.
Откриената поврзаност на бројот на срцевите отчукувања во минута со шансите за срцев удар е доволно голема за да биде клинички релевантна, велат научниците. Тие, сепак, признале дека таа поврзаност е помала отколку што е поврзаноста на пушењето и дијабетисот со срцевиот удар.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Видео) По 34 години Тајчи го облече фустанот што го носеше на Евровизија и воодушеви со својот изглед
Татјана Матејаш Камерон, попозната како Тајчи, го облече фустанот што го носеше во 1990 година на Изборот за песна на Евровизија во Загреб.
Натпреварот се одржа во концертната сала „Ватрослав Лисински“. Тајчи го освои седмото место со песната „Хајде да лудујемо“. Покрај заразната мелодија, публиката беше импресионирана од нејзината розова креација и фризура, благодарение на кои наликуваше на Мерлин Монро.
„Истиот фустан 34 години подоцна. Издржа одлично“, рече таа во описот на фотографијата.
Тајчи деновиве е во Малме, каде што се одржува годинашното издание на Евровизија.
„Настапив во Шведска во клуб за обожаватели и всушност е одлично што песната „Хајде да лудујемо“ оживеа, живееше и ќе живее“, изјави таа.
Забава
(Видео) Модно издание што го одзема здивот: Џенифер Лопез на Мет гала во фустан со 2,5 милиона перли
Џенифер Лопез се појави на Мет гала, најважниот моден настан на годината, во сребрен фустан што го одзема здивот, а интересно е што ова рачно изработено парче имаше 2,5 милиона рачно шиени перли.
#MetGala co-chair Jennifer Lopez sparkles on the steps pic.twitter.com/R3PtKAx13I
— The Hollywood Reporter (@THR) May 6, 2024
Пејачката и актерка ги воодушеви модните критичари во проѕирен фустан на Schiaparelli по нарачка. За рачното везење на ова парче облека биле потребни повеќе од 800 часа, а содржи повеќе од 2,5 милиона сребрени перли.
Креацијата ја спои со чевли на платформа и клач-чанта во соодветни тонови.
Ѓерданот на Лопез, со речиси 100 карати дијаманти, го обезбеди Tiffany&Co., како и обетки, белезица и два прстена.
Забава
Николас Кејџ доби една од главните улоги за поинаква приказна за Исус
Николас Кејџ е еден од актерите што добија улога во претстојниот хорор-филм The Carpenter’s Son. Хорор-филмот го режира Лоти Нејтан, кој го напиша и сценариото.
Според „Дедлајн“, The Carpenter’s Son го истражува животот на младиот Исус Христос и неговото семејство. Станува збор за мрачна приказна за семејство што се крие во Египет.
Николас Кејџ ќе го игра Карпентер (Џозеф од Библијата), а Ноа Јуп ќе го игра момчето (Исус), пренесува „Дедлајн“. Режисерот Нејтан најде инспирација за хорор-филмот во Евангелието на Тома од детството, кое датира од 2 век од нашата ера.
Не е познато кога ќе почне снимањето на филмот, ниту кога гледачите ќе може да го гледаат во кината или на стриминг-сервисите.