Македонија
Врховниот суд ќе одлучува за доживотната казна затвор во „Детонатор“
Врховниот суд треба да донесе одлука и да одлучи дали ќе му ја намали казната доживотен затвор на првообвинетиот во случајот „Детонатор“, Сашо Стојчов кој сé уште е во бегство.
Во средата во Врховниот суд се одржа јавна седница по жалба на бранителот на Стојчов против пресудата донесена од Апелациониот суд во Скопје со која е потврдена првостепената пресуда на Основниот суд Скопје 1 Скопје со која на обвинетиот во конкретниот предмет му е изречена казна доживотен затвор.Осудените на доживотна казна имаат право да поднесат жалба и до Врховниот суд и да ја обжалат одлуката на Апелациониот суд.Адвокатката на Стојчов, Марина Георгиевска, побара да му биде намалена казната затвор, а обвинителот побара да бидат отфрлени жалбите како неосновани.„Со тоа што Врховниот суд закажа седница за овој случај ми дава надеж дека овој случај ќе биде преиспитан. Овој случај им направи хаос на десетици семејства. Секој осуден е невин додека не биде осуден, а за да биде осуден треба да има цврсти докази. Дказите за овој случај мене не ме убедија дека обвинетиот е виновен“ рече адвокатката.Според неа, обвинетиот не може да биде припадник на злосторничко здружување и тоа да се докаже со четири телефонски разговори кои биле прислушувани со посебни истражни мерки. Од друга страна обвинителот изјави дека обвинетите знаеле дека биле прислушувани и дека на лични средби договарале убиство на клучниот сведок во овој случај Драган Стоименов – Дацот од Кочани. Обвинетите се по потекло од Кочани и Виница, а „војната“ меѓу оваа група и Стоименов започнала во зимата во 2008/2009 година. Стоименов сведочеше дека дел од обвинетите трипати се обиделе да го убијат и дека имал сознанија дека бил прв на ткн „црната листа за ликвидација“ што ја имале обвинетите.Во судскиот процес „Детонатор“ им се судеше на вкупно 16 лица од Виница, Кочани и Штип, двајца од обвинетите се во бегство.Обвинителството ги гонеше за обид за убиство, злосторничко здружување, перење пари, затајување на данок, лихварство, насилство и измама.Во овој случај доживотен затвор за обид за убиство, злосторничко здружување и насилство добија Сашко Стојчов и Симеон Михаилов, и двајцата во бегство.Игор Горански е казнет со 13 ипол години. Година повеќе има Жан Железарски. А 12 ипол му се одредени на Горан Божиновски, а 13 ипол на Јорданчо Михајлов. Стојан Паликрушев е казнет со 9 ипол години, а Тони Лесански со 8. Одговорни се за обид за убиство, злсоторничко здружување, насилство, лихва, измама.Останатите беа казнети со помали казни. Далибор Алексовски со 5 ипол, а Горан Кузмановски со 4 ипол. Останатите од година до две ипол. Двајца беа ослободени од обвинение./крај/ффс
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Заев: По 30 години станавме членка на НАТО и дадовме придонес кон безбедноста на Балканот
„После 30 години ги исполнивме двете најголеми стратешки цели. Станавме членка на НАТО, за нас тоа значи безбедност и стабилност на овој мултиетнички Балкан, а втората цел беше почеток на преговори со ЕУ. Тоа за нас значи повеќе демократија, повеќе слобода, повеќе вредности што го очекуваа нашите граѓани, а ние продолжуваме во оваа насока, дека работиме добро во следните 3 години од 1-ви јуни 2017 година до 15 јули 2020 година каде што заврши мандатот за новата влада што ја водев јас, победивме и на следните избори во 2020 година, а јас подготвувам нова влада од 1 септември 2020 година“,рече поранешниот премиер Зоран Заев во своето обраќање на конференцијата „People Power Academy“ во организација на невладината организација Канвас.
Тој додаде дека со СДСМ, се менува земјата целосно.
„По поразот на локалните избори во 2021 година дадов оставка затоа што тоа е демократски начин, некој треба да преземе одговорност и да испрати порака дека политичарите мора да бидат одговорни“, заклучи Заев.
Македонија
(Видео) Силјановска-Давкова: СДСМ и ДУИ никогаш нема да бидат тоа што сме ние
Денеска кандидатката за претседателка на Македонија, професор д-р Гордана Силјановска-Давкова, одржа митинг во Могила.
Меѓудругото, Силјановска-Давкова рече: Се срамам кога гледам дека она што е гаранција за просперитетот на било која држава, ние го имаме но тие го крадат. Мислам на енергијата, мислам на водата, мислам на земјата, на земјоделието.
„Далеку од тоа дека тие мислат за иднината на оваа земја. Како ште гледате се силеа, се силеа, се палеа. Биле европски претседатели, биле наши претседали. Ама сега во агонијата се силат на бојкот! Се разбира дека јас не се плашам од дебата, ќе видиме што ќе дебатираат. Но мислам дека, не само што се плашат од соочувањето туку и веќе немаат што да кажат. Нема пострашна работа од власт на заминување. Тие раскарани меѓу себе, секој ден се обвинуваат кој бил повиновен за состојбата во која што се наоѓаме. Па дури и смешни изјави даваат, дека грешеле, грешеле, ама им треба уште една можност. Демек да докажат дека не се тоа што се односно дека се тоа што сме ние. Ама тие никогаш нема да бидат тоа што сме ние! Јас мислам дека на 8 мај ќе ни дозволите, со ваша помош, со ваш благослов, со божји благослов, да покажеме дека оваа земја има иднина! Дека оваа земја има капацитет да биде пристојна европска држава! Дека овој народ заслужува да биде горд на своите претставници! Дека оваа држава заслужува повторно да биде горда и ваша!“, рече професорката.
Македонија
Мицкоски: Се обврзуваме на брзи резултати и исполнување на она кое што го ветуваме за да ја трансформираме Македонија напред и да ја вратиме државата на граѓаните
Вие сте нашиот мотиви и сила. Без вас ниту ВМРО-ДПМНЕ, ниту Македонија, ниту коалицијата Твоја Македонија нема да биде тоа што сме денеска. А што сме денеска? Денеска после првиот круг на претседателските избори можам гордо да кажам дека народот и коалицијата Твоја Македонија предводена од ВМРО-ДПМНЕ направија историски најголема коалиција и како резултат на таа коалиција професорката Гордана Силјановска Давкова има повеќе од два пати гласови од нејзиниот против кандидат Стево Пендаровски, вели претседателот на ВМРО-ДПМНЕ Христијан Мицкоски на денешниот митинг во Могила во рамки на кампањата за претседателските и парламентарни избори.
Мицкоски истакна дека коалицијата што ја предводи ВМРО-ДПМНЕ во континуитет заедно со народот испишува историја, посочувајќи дека после локалните избори, очекува и на овие избори заедно со народот да победат и испишат историја.
Ова е континуитет да коалицијата која што ја предводи ВМРО-ДПМНЕ на последните изборни циклуси заедно со народот испишува историја. Така беше на локалните избори во 2021 година,
Мицкоски нагласи дека победата значи одговорност и брзи резултати, додавајќи дека имаат план, енергија, мотив за да реализираат се што ќе ветат.
Ова е одговорност. Свесни сме дека ова е одговорност и народот бара брзи резултати. Имаме план, енергија, мотив. Вие сте нашиот мотив да веднаш после формирањето на новата влада сето она кое што го зборуваме ширум Македонија го реализираме и веднаш се да се почувствуваат брзите резултати. Тоа е нашата цел, рече Мицкоски и додаде:
И тоа ќе биде одговор на многумина кои се обидуваат да бидат аналитичари и да го демотивираат народот во Македонија со тоа што велат дека сите политичари се исти. Јас сакам да кажам дека не само што не сме сите исти, туку ние сме многу поразлични. Не можам јас да бидам ист со Димитар Ковачевски, бидејќи стојам позади Гордана Силјановска. Не може да биде Гордана Силјановска иста со Стево Пендаровски, бидејќи позади Стево Пендаровски стои Али Ахмети. Не сме сите исти. Многу сме различни и затоа овие историски моменти кои се случуваат, оваа масовно обединување кое се случува во Македонија помеѓу ВМРО-ДПМНЕ, коалицијата Твоја Македонија и народот ќе остане забележано и јас сум убеден дека на 8 мај ќе ставиме точка. Точка на една нова голема историска победа со 61 пратеник во македонскиот парламент.