Основниот суд Скопје 1 во соопштение до јавноста негира дека го одолговлекува предметот „Пуч“, во којшто еден од обвинетите е лидерот на СДСM Зоран Заев, како што обвини спедијалната јавна обвинителка која реагираше бурно откако судијката Љубинка Башеска денеска по 11-ти пат го одложи судењето.

„По конкретниот предме беа одржани 10 главни расправи од кои 6 беа одложени бидејќи обвинетите постојано беа на службени патувања, потоа 3 расправи беа одложени по барање на Јавното обвинителство за гонење кривични дела поврзани и кои произлегуваат од незаконското следење на комуникациите ( СЈО ), од кои една расправа заради приватна прослава на обвинителката Јанева, а само минатата расправа беше одложена заради болест на еден од судиите – поротници, нешто што неможе да се предвиди. Од таму нејасно е како судот го одолговлекува предметот повеќе од една година, како што обвинуваат странките“, се вели во соопштението од Судот.Судењето беше одложено откако претседателот на судечкиот совет, Башевска констаираше дека еден од судиите – поротници, по неговото лично барање бил разрешен од советот, а со одлука на претседателот на судот, по барање на претседателот на советот, назначен е нов судија – поротник, како и дополнителен судија – поротник. „И покрај барањатa и ургнециите за итност, испратени од претседателот на судот,  се уште не се доставени безбедносни сертификати за постапување и увид во класифицирани информации и податоци, кои се неопходни за новоназначените судии – поротници да постапуваат по конкретниот предмет“, соопштуваат од Судот.Јанева и обвинетите ја обвинија судијката дека намерно го одолговлекува судскиот процес и дека ја спроведува политичката агенда на лидерот на ВМРО-ДПМНЕ, Никола Груевски а Јанева обвини ја обвини дека ги малтретира странките и јавноста повеќе од една година./крај/мф/ффс