Црна хроника
Еден скопјанец нападнат и ограбен во центарот на Скопје, друг нападнат во Карпош
Двајца млади скопјани во понеделникот биле нападнати во Скопје во два одделни инцидента.
Првиот инцидент се случил во понеделникот вечерта околу 20 часот на улицата „Филип Втори Македонски“, во центарот на Скопје. Напаѓачот му пришол од зад грб и почнал да го влече за капата од дуксерот. Сторителот притоа му се заканувал, му побарал пари и почнал да му пребарува по џебовите од каде му го одзел мобилниот телефон и побегнал во непознат правец. Се преземаат мерки за пронаоѓање на сторителот и за целосно расчистување на случајот.Другиот инцидент се случил истата вечер во 22.25 часот ви в скопската населба Карпош. Додека деветнаесетгодишно момче управувал со автомобил „форд ескорд“ забележал како зад него се движи автомобил „форд ескорд“ со тетовски регистерски таблици кое му давало светлосни сигнали. Со него во автомобилот, на задното седиште била осумнаесетгодишна девојка од населбата Нерези.Кога пристигнал во близина на трговскиот цента „Сити Мол“, бил престигнат од наведеното автомобилот којшто му го блокирало патот. Од возилото излегле неколку непознати лица. Возачот, држејќи нож во раката, се обидел да ја отвори возачката врата, додека, пак, друго лице, држејќи дрвена палка во рацете, се обидел да ги отвори останатите врати од автомобилот. Момчето успеало да избега и полицијата презема мерки за пронаоѓање на сторителите и за целосно расчистување на случајот./крај/мф/ффс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Сомнителни лица со возило се движеле низ воениот објект Криволак, во автомобилот имале алати за ископ
Полицијата поднесе кривична пријава против Б.А.(50) од с.Никуштак, општина Липково, Р.М.(50) од с.Вакуф, кратовско и Б.А.(37) од с.Орланци, скопско, поради постоење основи на сомнение за неовластено влегување во воени објекти и правење скици или цртежи на воени објекти и борбени средства.
„На 14 април 2024 пријавените биле затекнати како со патничко возило „шаран“ со скопски регистарски ознаки се движат низ воениот објект Криволак и при преглед било утврдено дека во возилото има метал – детектори и скенер за вршење археолошки истражувања, како и алат за вршење ископ за кои не поседуваат соодветна документација“, објави МВР во дневниот билтен.
Црна хроника
Државјанин на Турција најден починат на Бит Пазар
Вчера во полицијата било пријавено дека во станот во кој престојува на на подрачјето на Бит Пазар, бил пронајден починат А.К.(69) од Република Турција, со престој во Скопје.
Лекар од Итна медицинска помош констатирал смрт без видливи траги на насилство, а по наредба на јавен обвинител телото на починатиот било предадено на обдукција.
Извршен бил увид.
Црна хроника
Сопружници од Скопје меѓусебно се обвиниле за напад среде трговски центар во Центар
Педесетгодишен скопјанец пријавил во полицијата дека пред два дена бил нападнат од неговата 36-годишна сопруга во трговски центар на подрачјето на Центар.
Исто така, и сопругата пријавила дека била физички нападната од нејзиниот сопруг, кој и упатувал и закани, а потоа и го одзел мобилниот телефон и го фрлил.
Се преземаат мерки за расчистување на случајот, велат од МВР.