Црна хроника
Убиен еден од водачите на навивачите на Партизан
Александар Станковиќ (29), еден од водачите на навивачката група на фудбалскиот клуб Партизан е убиен во четвртокот вечерта во Белград.
Како што пренесоа белградските медиуми, Станковиќ викан „Сале Мутави“, бил убиен додека влегувал во својот автомобил „ауди“, на крстосницата на улиците Бачванска и Господара Вучиќа.
Во вооружениот инцидент бил ранет уште еден маж, за кого српските медиуми наведуваат дека бил чувар во Централниот затвор и дека му бил обезбедување на убиениот Станковиќ.
Станковиќ бил водач на навивачката група „Јањичари“, која по апсењето на неколкумина водачи на групата „Алкатраз“ го презела приматот на јужната трибина на стадионот на Партизан, каде се собираат најжестоките припадници на навивачката група „Гробари“.
Српските медиуми шпекулираат дека нерасчистени криминални сметки биле причина на вооружениот инцидент и дека за егзекуцијата е одговорна „црногорската мафија“.
На пошироката јавност во Србија и стана познат пред неколку месеци кога со двајца свои пријатели го нападнаа директорот на Партизан, Милош Вазура и претепаа еден член на неговото обезбедување. крај/мф/нц
Извор: b92
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Возило од Албанија излетало од патот во Струшко: повредени се повеќе лица
Утрово во 08.10 часот, на магистралниот пат Ќафасан – Подмолје, кај клучката за струшкото село Радожда, патничко возило „мерцедес“ со албански национални ознаки, управувано од Ѓ.А.(55) од Елбасан, Република Албанија, излетало надвор од коловозот.
Во несреќата, со тешки телесни повреди се здобил совозачот Б.Х.(31), а со телесни повреди се здобиле возачот Ѓ.А. и сопатниците М.Џ.(51), Ц.П.(34)и Д.Х.(24), сите од Република Албанија, констатирани во болницата „Св.Еразмо“ во Охрид.
Надлежните информираат дека увид извршиле полициски екипи.
Црна хроника
Во оптек пуштил лажни евра: уапсен маж од Кичевско
Вчера во 03.00 часот, во казино на булеварот „Туристичка“ во Охрид, од слобода бил лишен Р.Б.(28) од кичевското село Долно Страгомиште.
Тој се сомничи дека во оптек пуштил лажни евра кои сакал да ги прикажи како вистинити, со што сторил кривично дело „фалсификување пари“, според член 268 од Кривичниот законик.
Полицијата соопшти дека против него ќе биде поднесена соодветна пријава.
Црна хроника
Жена од Скопско тешко повредена: ја прегазил трактор
Вчера во 18.55 часот во СВР Скопје, било пријавено дека во с.Р`жаничино, скопско, трактор „ИМТ“ со скопски регистарски ознаки, управуван од Г.К.(50) од с.Р`жаничино, удрил во пешакот С.Л.(57) од истото село.
Во несреќата со тешки телесни повреди се здобила С.Л., констатирани во Комплекс клиники „Мајка Тереза“ Скопје.
Извршен бил увид од увидна екипа од СВР Скопје.