Рускиот претседател Владимир Путин во средата појасни од кои причини неговата земја ја блокираше нацрт резолуцијата на Франција во Советот за безбедност при Обединетите нации, обвинувајќи го Париз дека намерно ја предизвикувал Москва поради нејзината нацрт резолуција за која се гласаше истиот ден, сугерирајќи дека тоа го сторил за да им направи услуга на САД.

Русија во саботата вложи вето на нацрт резолуцијата којашто во Советот за безбедност при Обединетите нации со која се бараше создавање на зона за забранети летови над Алепо, предложена од Франција и Шпанија, оценувајќи дека не ги земала предвиде рускит предлози. Истовремено Советот за безбедност со гласовите на земјите кои исто така имаат право на вето ја одби руската иницијатива за извлекување на борците на радикалната исламистичка група Џебхат ан-Нусра од Источно Алепо, а двајцата предлагачи се повикува на запирање на борбените дејствија.

Од март 2011 година, кога избувнаа судирите во Сирија при што Западот ги поддржува опозициските сунитски групации ова е петти пат Русија со помош на Кина да блокира да резолуција во Советот за безбедност на ОН, оценувајќи дека станува збор за еднострани осуди на владата на сирискиот претседател Башар ал-Асад кој е нејзин регионален сојузник, како и дека содржат елементи за повторување на ткн Либиско сценарио кое подоцна донесе хаос во Либија. По ова Западот ја обвини Русија дека не ѝ е во интересот да ја запре војната во којашто според ОН загинале 300.000 луѓе.

„Не се нашите партнери тие коишто би требало да бидат наведени од руското вето. Ние би требало да бидеме навредени“, рече рускиот претседател Владимир Путин одговарајќи на новинарско прашање на московскиот деловен форум.

Путин прецизираше дека францускиот министер за надворешни работи Жан-Марк Ејрол пред седницата во Советот за безбедност во текот на посетата на Москва го отворил прашањето за сириската резолуција и тогаш му било кажано дека со неа премногу вина се става врз сириската влада, но дека Русија нема да ја блокира доколку Франција внесе во неа одредени промени.

„Очекувавме конструктивна соработка со Франција и другите постојани членки во Советот за безбедност. И што се случи? Ејрол одлета од Москва во Вашингтон и следниот ден излезе со американскиот државен секретар Џон Кери и на Русија ѝ ги натовари сите смртни гревови. Никој со нас не разговараше (…) резолуцијата е шутната во Советот за безбедност и очигледно се очекуваше вето“, рече Путин.

Тој, како и претходно руската дипломатија, тврди дека француската нацрт-резолуција не е составена за да мине, туку за да ја испровоцира Русија да стави вето.

„А поради што? За ситуацијата дополнително да се влоши и во медиумите под нивна контрола да се разгори антируската хистерија, за да се измамат сопствените граѓани“, рече Путин.

Нацрт резолуцијата, која ја изработија Франција и Шпанија, ги повикува сите страни на прекин на непријателствата, доставување хуманитарна помош и запирање на „сите воздушни удари и летови на борбени авион над Алепо“. Во документот се предлага „засилен надзор“ на ОН над прекинот на огнот кој подетално би требало да го разработи генералниот секретар Бан Ки-мун.

Русија претходно минатиот петок поднесе, исто така, нацрт резолуција за поддршка на планот на специјалниот пратеник на ОН за Сирија Стефан де Мистура и договорот што Москва и Вашингтон го постигнаа на 9-ти септември во Женева за прекин на огнот, којашто исто така повикува на прекин на огнот. Меѓутоа, руската иницијатива предвидуваше итно дистанцирање на опозициските бунтовници кои Западот ги смета за умерени и настојување да се извлечат од источните квартови од Алепо на џихадистите од Џебхат ан-Нусра, сириското крило на Ал Каеда, кое е на листата терористички организации на ОН./крај/мф/сн

Извор: Макфакс