Македонија
Истрагите на СЈО „Топлик“ и „Тендери“, за Музејот на ВМРО и за Сончев град

Специјалното јавно обвинителство (СЈО) покрена две истраги наречени „Топлик“ и „Тендери“, а кои се однесуваат за злоупотреба на службена должност на високи раководни лица во министерствата за култура и за транспорт и врски, со што на Буџетот на Македонија му е нанесена штета од 2.000.000 евра од двата случаи.
Случаите „Топлик“ и „Тендери“ се однесуваат на продажбата на градежно земјиште наменето за изградба на елитна населба наречена „Сончев град“, на падините на планината Водно, во близина на Скопје, и за изведување на градежни работи на Музејот за македонска борба и државност, од страна на градежното претпријатие „Бетон“, кое било фаворизирано.Инволвираните сториле кривични дела со што грубо ги повредиле јавните набавки и го оштетиле Буџетот на Мекдонија, рече јавната обвинителка Фатиме Фетаи, која ги изнесе двата нови случаи, во отсуство на специјалната јавна обвинителка Катица Јанева, која се наоѓа во просториите на Управата за безбедност и контраразузнавање од синоќа, од каде се обидува да обезбеди докази за прислушувањето.Првиот случај „Топлик“, кој се однесува за период од 2007 до 2013 година, во кој првоосомничен е високо раководно лице од Министерството за транспорт и врски и пет лица членови на комисијата од ова Министерство за спроведување јавни набавки.Комисијата при ова министерство заедно со првоосомничениот успеале да го оштетат Буџетот за 64.206.839 денари или милион и 44 илјади евра.Откако Комисијата за спроведување јавни наддавања го информирала првоосомничениот дека не се исполнети условите за јавно наддавање за продажба на земјиште за изградба на Сончев град, истиот составил нова комисија за со нив ја реализира продажбата на земјиштето, појасни Фетаи.Комисијата, по само еден ден од нивното формирање, иако знаеле дека не се исполнети условите за јавно наддавање пуштиле оглас за јавно наддавање до весниците „Дневник“, „Вечер“, „Вест“, „Financial times“. Јавното наддавање е спроведено на 14.05.2007 година. Веднаш потоа првоосомничениот иако бил свесен дека министерстово не може да ги исполни договорените работи склучил договор со „Сан сити“ ДОО .Овој договор на 20-ти јуни, по само шест дена бил раскинат, бидејќи правното лице „Сан сити“ токму поради недостатоците на кои укажала првата комисија увидело дека не може да ги изведе договорените работи. Затоа Министерството го вратила првичниот влог на претпријатието во износ од 223.970.000 денари главен долг, и одлучило да исплати затезна камата од 64.206.839 или 1.440.000 за кој износ е оштена Македонија.Вториот случај наречен „Тендери“ се однесува за период од 14.6 2011 година до 31.12.2013 во Скопје, во кој првоосомничена е раководно лице од Министерство за култура и членовите на Комисија за јавни набавки од министерството, кои на правното лице ГТД „Бетон“ Штип им овозможиле незаконско повластување, за изведување градежни работи во Музеј за македонската борба за државност.Пред да се објави оглас за услуги спротивно на принципите на конкуренција, пред да се донесе одлука за тоа првоосомичнената донела одлука кој да ја добие и да ја заврши работата.Сведок за овој случај е тогашен генерален директор на „Бетон“ Штип и вели дека добил можност да ги продолжи работите каде веќе работеле на други изведби, а да не се чека 20 дена за да се објави новиот оглас за новите градежни работи. Отпосле биле објавувани огласи, бил потпишуван договор, а „Бетон“ веќе ги изведувал работите. Договорено било во огласот да се предвидат услови што може само Бетон да ги исполни.Биле исплатени близу еден милион евра на сметка на „Бетон“, за изведба на овие градежни зафати, или 54.501.336 денари.Од СЈО најавија дека за лицата инволвирани во овој случај ќе бараат од судот посебни мерки за обезбедување присуство, но не мерк притвор./крај/мф/ффс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
(Видео) ВМРО-ДПМНЕ ги објави имињата на уште осум кандидати за градоначалници

Извршниот комитет на ВМРО-ДПМНЕ, вечерва во Штип определи уште осум кандидати за градоначалници за претстојните локални избори.
ВМРО-ДПМНЕ донесе одлука да му предложи на Централниот комитет.
1. Македонски Брод – Жарко Ристески.
2. Могила – Драганчо Саботковски
3. Пробиштип – Тони Тоневски
4.Богданци – Марјан Пеев
5. Демир Капија – Наталија Димитриева
6. Росоман – Ѓорги Крстевски
7. Новаци – Стевче Стевановски
8. Дебарца – Златко Силјановски
Пратеникот Антонијо Милошоски по состанокот изјави дека овие 8 кандидати за градоначалници се одговорни, исполнителни личности кои што својата активност ја докажале не само во рамките на коалицијата на ВМРО-ДПМНЕ туку имаат углед и во самите општини. Ним ќе им биде препорачано во следниот период, да си отворат што поголема комуникација со локалните граѓани во општините за да може да поработат директно на терен за составување на програмата која што е потребна за локални избори.
Централниот штаб ќе биде на располагање заедно со еден тим кој што ќе биде формиран за локалните избори, да им помогне за одредени проекти, кој што се од поголемо капитално значење за Македонски брод, Могила, Новаци, Пробиштип, Богданци, Демир Капија, Росоман и Дебарца.
„Цениме дека со овие 8 вечерва објавени кандидати за градоначалници и претходните 25, ВМРО-ДПМНЕ со самодоверба чекори кон локалните избори бидејќи сме единствената партија која што во моментов има обзнането имиња на 33 кандидати за градоначалници за кои што сметаме дека се на добар пат и да ја добијат довербата на граѓаните“, рече Милошоски.
За оние кои што се актуелни градоначалници, партијата смета дека дека со досегашната работа, ќе имаат добар кредит да ја добијат и понатамошната доверба.
Македонија
СДСМ: Јавното обвинителство се обиде да ја релативизира одговорноста на актуелните функционери

Според СДСМ, со денешната прес-конференција, Јавното обвинителство уште еднаш потврдило дека постои сериозен обид да се минимизира и релативизира одговорноста на носителите на актуелни функции и институции поврзани со трагедијата во Кочани.
Од опозициската партија велат дека наместо да се лоцира институционалната одговорност и да се повикаат на одговорност директорите на Државниот пазарен инспекторат, УЈП и други релевантни органи кои имаа обврска да постапуваат, фокусот се префрла на индивидуални случаи и на маргинални групи, избегнувајќи ја суштината – зошто и како фирма увезувала и со месеци продавала опасна пиротехника без дозвола, и кој тоа го дозволил.
Дополнително, како што се додава, наместо да се отворат посебни истраги за секој аспект од случајот – за незаконскиот увоз, за институционалниот надзор, за реакцијата на полицијата и за конкретните пропусти на диското, Обвинителството сѐ спакува во еден предмет, со што ризикува да се развлекува постапката со години, па дури и децении. Со ваков пристап, правдата станува недостижна – а тоа е неприфатливо.
„Сериозно прашање е и одлуката приведените полицајци и полициски функционери, кои биле одговорни кобната вечер, да се пуштат на слобода со мерки за претпазливост. Особено загрижува фактот дека двајца од нив биле пресретнати на пат кон граница со Бугарија, што отвора сомнеж за можно бегство и криење на вината.
СДСМ уште еднаш потенцира – без целосна и непристрасна истрага, без одговорност за институциите и носителите на функции кои затаиле, нема да има вистинска правда за жртвите и нивните семејства.
Граѓаните гледаат. И со право очекуваат правда“, се додава во партиското соопштение.
Македонија
(Видео) Во Гази Баба се гради огромна дива депонија без никакви дозволи, објави Арсовска

Во општина Гази Баба, фирма затекната од инспекторат на град Скопје при вршење нелегални активности, правење огромна дива депонија со градежен и опасен отпад и бесправна експлоатација на земјиште, без лиценци, елаборати, дозволи и одобренија, што претставува сериозна опасност по здравјето на граѓаните и животната средина, објави градоначалничката на Град Скопје, Данела Арсовска.
„Апелираме до Министерството за внатрешни работи да постапи, бидејќи неказнивоста и непостапувањето предизвикува сторителите на вакви дела да мислат дека се недопирливи пред законот. Фирмата која прави дива депонија и каде се експлоатира, го има поткопано 110kV кабловски и воздушен далновод кој го напојува со електрична енергија градот Скопје. На ова земјиште сопственост на Република Македонија се прави сериозна штета на главниот далновод, известени се сите надлежни институции за кои очекуваме да не се кријат и да постапуваат“, вели Арсовска.