Контакт

Македонија

Ексклузивно интервју со Насер Рауфи, адвокат во случајот „Диво насеље“: Тајната служба жртвувала осум животи за да спаси нечии интереси

Објавено пред

Адвокатот Насер Рауфи, кој ги брани обвинетите во случаите „Монструм“, „Дива населба“ и „Сопот“ во интервју за Макфакс обелоденува дека македонската, косовската и српската тајна служба ги креирале настаните во кумановската „Дива населба“. Македонската тајна служба, тврди адвокатот, ги знаела последиците од акцијата во кумановската населба кои ѝ одговарале за да се дефокусира јавноста од „бомбите“ на опозицијата. Рауфи натаму во интервјуто открива дека групата требало да издаде соопштение во кое ќе бара права за Албанците, но биле изманипулирани и настаните тргнале во друг тек….

dobivaj vesti na viber

Макфакс: Обвинетите за случајот „Дива населба“ кога се изјаснуваа за вина пред судот сите кажаа дека не се чувствуваат виновни, но дел од нив потврдија дека биле на местото на случувањата. Пред судот, кажаа дека целиот случај е монтиран за пари и дека во случувањата се вклучени високи функционери од Управата за безбедност и контраразузнавање. Кои се вашите сознанија како адвокат на најголем дел од обвинетите?Насер Рауфи: Со новиот закон за кривична постапка, ние како одбрана немаме започнато да ги изведуваме нашите докази. Такви тврдења беа нафрлени во судницата, беше кажано, исто така, дека и водачите на групата биле отпосле егзекутирани, беше кажано дека тие практично се жртви и дека се наместени да бидат таму, но никој не кажа дека имал намера да војува односно да прави тероризам. Овие луѓе се манипулирани од тајните служби, не само од македонската тајна служба, туку од повеќе тајни служби. Самото обвинение кажува дека овие дејствија биле започнати од јануари, односно тие се прислушувани со Посебни истражни мерки од јануари. Сега се поставува едно прашање, зошто не превенирале нашата Управа за безбедност и контраразузнавање и нашето Биро за јавна безбедност, зошто не превенирале во смисла на тоа што знаеле кои лица ќе влезат во Македонија, точно се знаело кој влегува во Македонија, по име, по презиме, по фотографија. Тие знаеле и кој ќе влезе и каде ќе влезе и каде ќе биде стациониран. Цело Куманово ги гледало лицата како се вртат низ градот, како купуваат леб во црни униформи, во униформи на УЧК. Тогаш беше закажан и конгрес на ВМРО-ДПМНЕ. Ова беше направено за да се дефокусира јавноста од „бомбите“ кои беа во оптимум тој период, се сеќавате беше закажан и големиот опозициски протест на 17-ти мај, а овој се случи на 8 мај, односно наредено е да се изведе акцијата. Меѓутоа кај имате вие тука тероризам, пасивен тероризам, тука не се нападнати нашите специјални единици од страна на вооружената група, туку е обратно. Кај сте виделе тероризам каде што се напаѓаат терористите. Воопшто не била намерата да се војува туку намерата била да се направи една атмосфера, некоја вонредна состојба за да се дефокусира јавноста од актуелностите.

Макфакс: Службите рекоа дека го пресекле процесот на дејствијата со тоа што ја нападнале групата, бидејќи подоцна таа ќе нападнела полициски станици, други објекти како класичен тероризам?Насер Рауфи: Не е точно, бидејќи групата имала подготвено едно соопштение, токму на овие што јас ги бранам, се работи за 14 обвинети, кое требало да излезе во јавност дента во 12 часот. Пресретнато е да не се објави соопштението со коешто ќе се покаже дека намерата не е да се направи некој конфликт, да се изврши напад или атентат, или нешто слично, како што се прикажува во обвинението, туку да се избори за некое договарање по однос на правата на албанската популација во тој дел, која е посебно загрозена, во смисла на Охридскиот рамковен договор.

Макфакс: Тоа значи дека во зародиш била нова АНА?Насер Рауфи: Да. Со соопштението требало да се каже дека немаат намера да војуваат.

Макфакс: Како групата планирала да се избори за правата на Албанците во тој дел?Насер Рауфи: Со тоа што би направиле нешто како ситуацијата во Кондово, тактиката беше да се заземе одредена територија, практично тука се работеше за неколку улици, во Дива населба, каде што ќе се обезбеди терен и ќе се дојде до некои преговори за Охридскиот рамковен договор.

Макфакс: Од она што може да се види, Албанците во Куманово не се обесправени.Насер Рауфи: Зборувам за формата што требало да се развие, суштината е тајната служба да го реализира ова да се направи атмосфера на едно ненормално живеење, небезбедност.

Макфакс: Во јавноста беа објавени разговори меѓу водачот на групата, Мирсад Ндрецај и еден агент од тајните служби. Целата ситуација изгледаше како да имало некој договор, но дека излегол од контрола?Насер Рауфи: Не би рекол дека е излезено од контрола но имало манипулација. Според мене, нема ниеден рационален и разумен човек кој би отишол да загине, туку им се дадени гаранции дека ќе бидат во Македонија колку да го објават тоа соопштение и како што влегле безбедно, така и ќе излезат. Сценариото било дека соопштението ќе се објави, меѓутоа изиграна е и групата и е нападната со цел да се ликвидира. Друга е темата дека акцијата е лошо изведена и има последици. На самиот брифинг на полицајците не им било кажано колкава е групата, тука се манипулирани, не им е кажано дека групата е вооружена, во тоа сум сигурен. Намерно не им е кажано и се сакало да дојде до такви последици, да дојде до ескалација. Македонските полицајци се жртвувани.

Макфакс: Според вашите информации, дали е точно дека полицијата тргнала во акција за дрога?Насер Рауфи: Да, точно е. Кажано им е дека има криминална група, дека ќе се извршат претреси.

Макфакс: Какви цели требало да оствари групата?Насер Рауфи: Во делот каде нема рамноправност на Албанците, акцентот е ставен на монтираните процеси, судството, за мафијашкиот систем, целиот систем кај нас е мафијашки. Секоја држава има мафија, кај нас мафијата ја води државата. Тоа е голема разлика.

Групата е манипулирана, но македонската тајна служба сигурно ги знаела последиците. Во таа ситуација праќаат единица за брзо распоредување, а специјалци праќаат за студентите. Зошто не ги пратиле „тигрите“?

Макфакс: Дали овие лица биле закана за одредени политичари и се испратени да бидат егзекутирани?Насер Рауфи: Има и такви верзии и во нив јас верувам, дека некому од политичарите, на високи функционери некои од овие припадници им пречеле и имале интерес да бидат ликвидирани, меѓутоа дека била целта овие да се егзекутираат јас во тоа гарантирам . Друго е што на нашите безбедносни сили не им е кажано тоа и тие отишле таму како за претрес на куќи без никаква заштита. Од таму и таков лош епилог и јас се изненадив кога (тогашната министерка за внатрешни работи Гордана) Јанкулоска излезе и рече дека ова е успешна акција. Па јас да сум водев ќе бише поуспешна. Тоа е акција водена со точна намера да има жртви, тоа е еден масакр со умисла. Чудо е како нема повеќе жртви, имајте предвид дека педесетина се повредени со тешки повреди. Можело да дојде во вистински масовен масакр, најверојатно тоа го планирале.

Макфакс: Дали српските тајни служби имале интерес и за случувањата во Дива населба?Насер Рауфи: Мислам дека минимум се организирани, нашата тајна служба, со српската и со косовската тајна служба, инаку од каде ѝ податоци на нашата тајна служба кои се лицата, од каде се… тоа им го дале веројатно косовските служби… Тука се вмешани трите служби и тие знаеле за целата ситуација.

Макфакс: Со оглед на доказите кои ги имате и контактите кои ги имате со лицата од групата, вие носите заклучок дека македонската тајна служба жртвувала осум животи со можност да бидат жртвувани многу повеќе со цел да се спасат нечии интереси. На какви интереси мислите, кој требало да биде заштитен и кое било сценариото?Насер Рауфи: Засега би рекол дека има можност за такво сценарио, јас во тоа верувам. Индициите тоа го покажуваат, но, сепак, да ги почекаме доказите, првенствено излагањата на обвинетите, па сведоците, па други наши докази кои ги подготвуваме. Меѓутоа, има такви индиции дека сценариото е на тајните служби, бидејќи не само она што се појави на Јутјуб, иако некој ќе каже па тоа му е работа на припадник на тајните служби да се инволвира во групата, сепак има показатели дека некои лица ги посочиле со име со презиме дека учествувале со дејствија.

Макфакс: Лица од УБК преземале дејствија за да се организира масакр?Насер Рауфи: Да, да, ние тоа ќе го докажеме. Засега се тоа индиции, но тоа ќе го предложиме како доказ и верувам дека тоа ќе го докажеме дека се инволвирани лица од УБК кои имале интерес да се случи она што се случи.

Макфакс: Дали ДУИ се плаши од вас како адвокат, односно дека знаете „малку повеќе“ и дека може да се извадат некои докази за нив?Насер Рауфи: Ако некој се плаши од некого, тоа е некој кој е инволвиран и кој знае дека тоа ќе се докаже. Јас досега сум немал некои притисоци, односно нешто што може да се смета како сериозно.

Макфакс: Дали има доказ дека на групата ѝ се платени два милиона евра за акцијата, како што се тврдеше?Насер Рауфи: Како материјални докази нема такво нешто, а како вербални да. Предложивме такви сведоци, но јас не верувам дека ова е сторено за материјални интереси. Не ја исклучувам можноста дека „командант НАТО“ и Бег Ризај зеле пари, но на другите не им било кажано дека некој зел пари.

Макфакс: Вие баравте овој случај да го преземе Специјалното јавно обвинителство, но Судот го одби барањето. Дали сте имале некои контакти со СЈО?Насер Рауфи: Во овој предмет има разговори кои се прибавени на незаконски начин и затоа ние бараме овој предмет да го преземе СЈО. Јас не верувам во ова наше обвинителство или судство, јас верувам само на СЈО. Мислам дека СЈО го работи овој предмет. Можеби упадот во УБК бил и за овој предмет. Мислам дека се прибавени дел од доказите, мислам дека ќе го работи и овој предмет СЈО и дека ќе го разреши.

(Продолжува)

Извор: Макфакс



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

Времето денеска променливо облачно со сончеви периоди

Објавено пред

Фото: архива

Времето денеска ќе биде променливо облачно со сончеви периоди. Ќе дува слаб до умерен ветер од северен правец, поизразен долж Повардарието. Минималната температура ќе биде во интервал од -6 до 5, а максималната ќе достигне од 3 до 15 степени.

dobivaj vesti na viber

Во Скопје, променливо облачно со сончеви периоди. Ќе дува слаб до умерен ветер од северен правец. Минималната температура ќе се спушти до 2, а максималната ќе достигне до 12 степени.

Во недела утрото ќе биде ведро и студено со ниски утрински температури, кои наместа ќе се спуштат под нула степени. Во текот на денот ќе преовладува сончево и потопло време со мала до умерена облачност, која кон крајот на денот ќе се зголемува. Во текот на ноќта и во понеделник ќе има повремени локални врнежи од дожд. До среда ќе дува умерен до засилен северен ветер, а температурите ќе се задржат под просекот за овој период од годината.

Прикажи повеќе...

Македонија

Мицкоски до Ахмети: Игрите на етничка карта се научени, ние читаме една нова книга за Македонија која е развиена, во која младите се враќаат

Објавено пред

СДСМ на овие избори настапуваат со слоганот „се бориме за нашиот дом“. И сè е тоа фино, ама забораваат дека пред година и три месеци тие управуваа со домот. И она што го затекнавме не беа нарушени, туку уништени темели. Кога ќе се сетам дека првите одлуки кои ги донесов како премиер беа да враќаме плати кои тие не ги исплатиле и дека делевме субвенции кои тие со години не ги исплаќаа. Секој ден во Владата ми доаѓаше по некој кој сведочеше за рушвет, тоа трае и денес, рече претседателот на ВМРО-ДПМНЕ Христијан Мицкоски на вечерашниот митинг во Битола.

dobivaj vesti na viber

„Се сеќавате дека 500 илјади наши сограѓани, поточно секој трет човек во државата живееше со 150 денари на ден. Дека имаше двоцифрена инфлација, дека го руинираа животниот стандард на чие кревање напорно и постепено работиме. А ДУИ беа господарите кои одлучуваа за целата економија, за тендерите, купуваа трговски центри, бензински пумпи, скапи деловни простории и што уште не. Се сеќавате ли на играњето фудбалчиња во канцеларии“, кажа Мицкоски.

Мицкоски укажа дека тоа време на народот не му носи ништо добро.

„Го слушам Филипче како се потсмева на тоа што на пензионерите им се зголемуваат пензиите за 1000 денари, а намерно пропушта да каже дека за година и пол пензиите се зголемуваат за цели 5000 денари, што покажува дека има разлика со времето кога тие наместо да даваат, земаа од пензионерите. Јас и сфаќам дека 5000 денари не се големи пари за Филипче кој е научен на јахти, згради и веселби во Дубаи, но ние го испорачавме тоа што го ветивме“, укажа Мицкоски.

Мицкоски се осврна на однесувањето на Али Ахмети и раководството на ДУИ во текот на оваа локална кампања.

„Што се однесува до Ахмети, тажна е сликата како се присетува и дели некакви историски лекции, додека неговиот народ се иселува поради неговото криминално владеење. Човекот води избори за локални избори, а не пропушта да спомне историска лекција. Но, додека беше во владата не заборави своето семејно портфолио да го зголеми со еден убав трговски центар во центарот на главниот град, неговите соработници да купуваат скапи деловни простории. Но, затоа не кажува ни еден збор што ќе направи да ги задржи Албанците во своите родни места, но него не му е до Албанците, тој само се заканува и игра само на етничка карта. Сакам да му порачам дека овие лекции се научени и се минато, ние читаме една нова книга за Македонија која е развиена, а младите што се селеа поради таквите како него да се вратат во државава“, заклучи Мицкоски.

Прикажи повеќе...

Македонија

ЗНАМ: На Центар му треба прв човек што ќе воведе ред, ќе создаде урбан развој наместо урбан хаос, ќе го исчисти, ќе го направи безбеден

Објавено пред

„На Центар му треба предводник кој ќе биде вистински претставник на граѓаните. Доволно млад и во истовреме доволно енергичен, доволно стручен, а во истовреме доволно посветен татко на општината. На Центар му треба прв човек што ќе воведе ред, ќе создаде урбан развој наместо урбан хаос, ќе го исчисти, ќе го направи безбеден, ќе се бори за секоја негова педа. На Центар му треба вистински центарец. На Центар му треба Мирослав Лабудовиќ“, е пораката што се слушна вечерва во Музејот на современа уметност, на промотивната Конвенција на кандидатот заа градоначалник на општина Центар и советничката листа од Движењето ЗНАМ – За наша Македонија.

dobivaj vesti na viber

Кандидатот за градоначалник, Мирослав Лабудовиќ, претставувајќи ја својата визија и приоритетите за идниот четиригодишен период, пред присутните се обврза дека нема да биде градоначалник што ќе работи само пред избори, туку посветено и одговорно во текот на целиот мандат.

„Во текот на четиригодишниот мандат се обврзувам дека ќе работам посветено, секогаш имајќи ја пред себе главната цел – моите сограѓани, кои мора да имаат приоритет. Тоа значи дека ние ќе бидеме постојано нивен сервис и секојдневно ќе работиме да го подобриме и да го направиме пофункционален нивниот живот. Имаме програма за која сум убеден дека е најквалитетна од сите понудени и со која навистина ќе ги промениме нештата во општината“, порача Лабудовиќ.

Тој најави ревизија на сите спорни урбанистички планови, нови катни и монтажи гаражи во Буњаковец, Капиштец и кај новата Железничка станица, чиста, безбедна и еколошки средена општина, со енергетско-ефикасни фасади. Новитети во образованието и изградба на Центар Хаб – мултифункционален, младински и културно – технолошки центар, поддршка на локалниот бизнис и спортот, и повеќе солидарност и инклузивност. Како еден од приоритетите ја потенцираше целосната транспарентност во работењето.

Пред присутните се обрати и носителот на советничката листа, Мишко Барзов кој изрази уверување дека со системски решенија, јасна визија, посветеност и чесна намера, советниците од ЗНАМ ќе создадат поинаква слика – поуредена, почиста и побезбедна општина.

„Верувам дека советничката листа на ЗНАМ ќе биде вистинскиот замаец на промените. Најискрено верувам дека Мирослав Лабудовиќ, нашиот Миро, е единствената личност која во овој момент, заедно со нас, може да направи вистински промени, системски решенија и нова визија за нашата општина. Наша цел е Центар да биде општина каде што повторно ќе владее ред, каде што маалата ќе ја вратат својата душа и каде што секој граѓанин ќе се чувствува горд што живее токму овде“, нагласи Барзов.

Лидерот на Движењето ЗНАМ – За наша Македонија, Максим Димитриевски истакна дека Лабудовиќ добил едногласна поддршка од партиското членство. Тој рече дека со години доаѓа во Скопје и никогаш главниот град и централната скопска општина не биле повалкани и во поголем хаос отколку што се сега.

„Не смееме да дозволиме да се скрши срцето на Скопје, не смееме да дозволиме Центар да остане во погрешни раце и да продолжи да се распаѓа како скапано јаболко. Време е за голема промена, време е за голема победа, време е за вистински човек кој и знае и сака и може да го воскресне Центар од правта и валканиците. Тој човек е нашиот Миро. Затоа што центарци знаат дека Миро е најдоброто решение за нивната општина. Јас гледам вистинска жар во неговите очи кога говори за Центар, кога дискутираме за проектите и визијата за наредните четири години. Немам ни трошка сомнеж дека тој искрено сака да го направи неговиот и ваш Центар најдобро место за живеење“, потенцираше Димитриевски.

Движењето ЗНАМ – За наша Македонија на овие избори настапува самостојно со советнички листи во 53 општини и во градот Скопје. Кандидати на ЗНАМ за градоначалници во општините Куманово и Центар се Максим Димитиревски и Мирослав Лабудовиќ.

Прикажи повеќе...

Најново

Свет23 минути

Трамп му нареди на Израел „веднаш“ да престане со бомбардирањето на Газа, откако Хамас се согласи да ослободи заложници

Американскиот претседател, Доналд Трамп, му нареди на Израел „веднаш“ да престане со бомбардирањето на Газа, откако Хамас делумно го прифати...

Македонија15 часа

Мицкоски: Да не дозволиме СДСМ да биде влада во Македонија, зошто секогаш кога се власт се случуваат грешки како прифаќањето на бугарскиот ултиматум

На денешниот народен митинг во Новаци во рамките на изборната кампања за локалните избори 2025 година со слоган „Вистинскиот избор!...

Топ17 часа

Два случаи на семејно насилство во Скопје: Едниот напаѓач ја давел сопругата до бессознание, другиот ја тепал со боксови

Основното јавно обвинителство Скопје поведе постапка против две лица за семејно насилство. Едниот случај е во Ѓорче Петров, каде осомничениот...

Македонија19 часа

Чекањето автобуси што не доаѓаат во Бутел Шукова ќе го решава со БРТ: Овој систем ќе ја намали социјалната и економска отсеченост на бутелчани  

 „Бутел не е далеку од центарот, но е далеку од основните услови за достоен градски живот“, порача денес кандидатката за...

Топ19 часа

Наставник физички нападна ученик во основно училиште во Кисела Вода

Наставник физички нападнал ученик во основно училиште во Кисела Вода. Според информациите на МВР, вчера во 13:10 часот во СВР Скопје,...

Македонија20 часа

До 15 октомври сите дефекти на мрежата за централно греење ќе бидат остранети, објави Владата

По серија на ладни и топли проби на топлификацискиот систем настанаа нови пукнатини на два секундарни водови, по што одредени...

Македонија21 час

Обвинителниот акт за пожарот во Кочани – одобрен во целост

Советот за оцена на обвинителен акт при Основниот кривичен суд Скопје во целост го одобри обвинението поврзано со пожарот во...

Македонија22 часа

Судскиот совет го разреши судијата Енвер Беџети, кој е на црната листа на САД

Судскиот совет го разреши судијата од Апелацискиот суд Скопје, Енвер Беџети, од функцијата. Инаку, тој во декември минатата година, заедно...

Македонија22 часа

Вработени во Општина Гази Баба организирале создавање и палење депонии, објави Арсовска

Општината Гази Баба и нејзиното јавно претпријатие се затекнати во незаконски активности кои директно ја загрозуваат животната средина и здравјето...

Свет1 ден

(Во живо) Последниот брод сè уште плови кон Газа, Израел објави забрана за влез

Последниот брод во меѓународната флотила за помош за Газа го продолжи своето патување рано утрово, според организаторите, откако околу 40...

Свет1 ден

Трамп: Ако продолжи блокадата на владата, ќе има отпуштања

Американскиот претседател Доналд Трамп вчера изјави дека федералните работници би можеле да бидат отпуштени, а проектите би можеле да бидат...

Европа1 ден

Прекинат воздушниот сообраќај на аеродромот во Минхен, забележани се дронови

Воздушниот сообраќај беше прекинат преку ноќ на аеродромот во Минхен поради прелет на дрон, чие потекло се истражува, изјави портпарол...

Европа1 ден

(Видео) Орбан: Посилни сме од Русија; Туск: Ми се допаѓа кога ги користи моите аргументи

Унгарскиот премиер Виктор Орбан повтори дека Европската Унија не треба да се плаши од Русија бидејќи е посилна од неа...

Топ1 ден

(Видео) Пронајдени и санкционирани лицата што дивееја со возило по „Партизанска“

Во врска со објавената снимка на социјалните мрежи на 30.09.2025 година на булеварот „Партизански Одреди“ во Скопје на која гледа...

Соопштенија1 ден

(Видео) Филипче од Аеродром: Владата на ВМРО-ДПМНЕ ја води државата во економски колапс

Со катастрофални економски политики, Владата на ВМРО-ДПМНЕ ја води државата во целосен економски колапс, истакна Претседателот на СДСМ, д-р Венко...

Соопштенија1 ден

Мицкоски: Димче и Левица обработуваат за новиот стопан Али, затоа имаат кандидати во Струга и Тетово, а не и во Велес и Штип

На денешниот народен митинг во Виница претседателот на ВМРО-ДПМНЕ, Христијан Мицкоски посочи дека на отворена сцена се гледа една непринципиелна...

Европа1 ден

(Видео) Путин: Невозможно е да се користат ракети Томахавк без директно учество на американската војска, а тоа би ги ескалирало односите меѓу Русија и САД

Путин коментираше за можноста САД да испорачаат крстосувачки ракети со долг дострел „Томахавк“ на Украина. „Ова оружје нема да ја...

Македонија2 дена

Камион излета од магистралниот пат Деве Баир – Крива Паланка, сообраќајот во прекин

Од 17:10 часот магистралниот пат Деве Баир – Крива Паланка кај место викано Самоков е во прекин за сите возила...

Македонија2 дена

Извештајот, по сомневањата за непотребни операции на срце, ќе биде јавно достапен, но откога и нашите и странските експерти ќе го завршат

Странските експерти сѐ уште не се вклучени во анализата дали во 13 пријавени случаи имало непотребно направени операции на срце по...

Македонија2 дена

Членка на Судскиот совет користела патни трошоци иако немала право: МВР поднесе кривична пријава

На 15.09.2025 Единицата за корупција при Секторот за криминалистички истраги во Одделот за сузбивање на организиран и сериозен криминал и...