Македонија
Македонци заработуваат на Трамп и по 3.000 долари дневно
Американските избори коишто треба да се одржат на 8 ноември и борбата на социјалните мрежи меѓу републиканскиот кандидат Доналд Трамп и демократскиот кандидат Хилари Клинтон им донесла голема заработка на голем број Македонци кои отвориле интернет портали за Доналд Трамп.
Американскиот портал Bazfid пишува, а српски „Блиц пренесува дека македонскиот град Велес, со 45.000 жители, станал вистински дигитален златен рудник откако голем број жители отвориле речиси 140 веб страници чии содржини се занимаваат со американската политика.
Имињата на порталите звучат „американски“ и може да се најдат портали под името WorldPoliticus.com, TrumpVision365.com, DonaldTrumnews.com, USADailyPolitics.com и слично. Секојдневно произведуваат вести кои агресивно го поддржуваат Доналд Трамп, чијашто целна група се конзервативните гласачи во САД.
Младите Македонци кои управуваат со овие портали не ги интересира многу Трамп, туку заработката за којашто најмногу придонесува социјалната мрежа Facebook. Стратегијата е едноставна, пишуваат текст со бомбастичен наслов, не мора да биде вистинит, и го објавуваат на социјалните мрежи. Што поупадлив наслов, тоа текстот е позабележителен, споделуван, коментиран, а со самото тоа на нивните сметки се сливаат повеќе пари.
Овие портали, благодарени на своите бомбастични информации отвораат огромна прилика за заработка.
Колку повеќе еден текст има кликови, има повеќе понуди за рекламирање, а тоа значи поголема заработка. Клучно за работа порталот е да добие дозвола од програмата на Google AdSense за поставување на огласи на нивната страница. Кога ќе се случи тоа, парите почнуваат да стигнуваат.
Страниците имаат и свои Facebook страници, на коишто ги следат илјадници луѓе.
Bazfid не е единствен медиум кои ги забележал овие како што ги нарекуваат мали интернет војници од Македонија.
Британски The Gardian во август идентификувал 150 политички портали од Македонија кои се однесуваат исклучиво на американската политика и предизборната кампања. Оние кои се согласиле да зборуваат за медиумите, под услов да останат анонимни, не кријат дека единствената причина за тоа е заработката.
„Го основав порталот бидејќи тоа ми беше прилика за лесна заработка. Економијата во Македонија е доста слаба, па мораме да пронаоѓаме креативни начини да заработиме пари. Јас сум музичар, но ми требаат и квалитетни инструменти. Додека не заработма пари да ги купам, ќе се занимавам со ова“, изјавил седумнаесетгодишен тинејџер од Велес за Bazfid.
Во еден момент се појавиле текстови и за Берни Сандерс, но тие не поминале добро на Facebook.
„Едноставно луѓето во Америка повеќе сакаат да читаат за Трамп“, вели еден шеснаесетгодишник којшто го води сајтот BVANews.com.
Повеќето приказни се измислени.
Студент од Велес признава дека поголем број информации се лажни, измислени и лоши. „Но пресметката е следна, ако насловите ги наведат луѓето да кликнат на веста, тогаш сето останато не е важно“, изјавил студентот.
Најуспешниот пост на Facebook од македонските портали кои го поддржуваат Трамп е базиран на приказна од лажен американски портал. Насловот на текстот објавен на ConservativeState.com, гласел: „Хилари Клинтон 2013 година: Би сакала да видам повеќе луѓе како Доналд Трамп како кандидати за претседател, тој е поштен и непоткуплив“.
Оваа објава за само една недела собрала 480.000 споделувања, реакции и коментари на Фејсбук. На пример, ексклузивата на угледниот The New York Times којашто откри дека Доналд Трамп во 1995 година објавил загуба од 916 милиони долари, собрала дури 175.000 фејсубук реакции за еден месец.
Приказната за лажната изјава на Хилари Клинтон протекла на порталот TheRightists.com, којшто призна дека целиот текст е измислен Клинтон во 2013 година изјавила дека би сакала во политиката да гледа повеќе деловни луѓе, но во ниеден момент не го споменала Трамп.
Четири од пет најчитани текстови од македонските портали се лажни и се покажале како неточни. Тие лажни вести на Фејсбук имале повеќе од милион споделувања, реакции и коментaри, генерирајќи огромен проток на корисници и воедно донеле голем паричен приход на сопствениците на сајтови коишто ги објавиле.
Кога многумина сфатиле дека на овој начин можат лесно да заработат огромни пари, пазарот станал претрупан со слични сајтови. Заработката опаднала. Освен за оние сајтови кои успеале да изградат своја публика на Facebook. Тинејџерот кој го води BVANews вели дека има околу милион посети месечно, но одбил да каже колку заработува.
Другите не биле толку таинствени и откриле дека во просек секој месец инкасираат по околу 5.000 долари, но велат дека цифрата била и поголема ако веста стане хит на Facebook, а тогаш заработувале по 3.000 долари дневно.
Многу од сопствениците на овие сајтови веќе почнале да го прошируваат бизнисот и се преориентирале на портали за здрава храна. Комбинацијата меѓу Трамп и Facebook им донела добра заработка, а парите ги вложиле во покренување страници со друга тематика, користејќи го истиот принцип. Тие велат дека освен што добиле солидна заработка со овој бизнис се чувствуваат горди, бидејќи една мала земја од Балканот успеала да извлече пари од Facebook, Google и Американците. Страниците ќе продолжат да се одржуваат само ако победи Трамп.
„Од се срце навиваме за него! Мора од нешто да се живее!, порачувaат студентите. /крај/мф/ффс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Нова состојба по обилните врнежи: Поплавени подруми и куќи во Охрид, Кичево, Битола, Тетово и Гостивар
Центарот за управување со кризи ја објави новата состојба до 13 часот по обилните врнежи од дожд во земјава.
Во Охрид и околината, поради обилните врнежи од дожд, има поплавени подруми, дворови и неколку објекти во градот. Некои водотеци се излеани, а локалната самоуправа и кризниот штаб се на терен, додека екипите на ЈП „Водовод“, „Нискоградба“ и „Комуналец“ интервенираат и ја отстрануваат водата.
Во Кичево и околните населби се појавува вода во подрумските простории и на дел од површините. Дел од граѓаните се евакуирани и сместени во привремени објекти со обезбедена храна и здравствена заштита. Поплави се забележуваат на одредени водотеци и земјоделско земјиште. Општината и Црвен крст Кичево обезбедуваат сместување, храна и лекови, додека ЈП „Комуналец“ интервенира на локациите со излеана вода, а екипи на итната медицинска помош ја обезбедуваат здравствената заштита на евакуираните лица.
Во регионот на Битола зголемен е водостојот на локалните реки со појави на локални излевања, при што се поплавени куќи, дворишта и дел од земјоделските површини. Механизацијата на општините е на терен за санација на штетите, а Кризниот штаб организира приоритети за дејствување на екипите кои се на терен.
Во Тетово и околината има пријави за уривање на потпорни ѕидови и локални излевања на водотеци. Полициските службеници извршуваат увид на местата со уривање на ѕидови, додека механизацијата на општината интервенира за расчистување на свлечишта и санација на штети.
Во Гостивар и околината се регистрирани поплави на локални патни правци и во неколку населени места. Екипите на ЈП „Комуналец“ интервенираат на локациите со поплавена инфраструктура, а механизацијата од Водостопанство излегува на терен за чистење на свлечишта и санација на штети.
Македонија
Левица: Административна тортура врз повредените во „Пулс“, секој месец мора да се појавуваат пред комисии
Со тешки изгореници, незараснати рани и длабоки психолошки трауми, повредените од смртоносниот пожар во кочанската дискотека „Пулс“ се принудени секој месец да се појавуваат пред комисии за продолжување на боледувањето. Уште од првите денови по пожарот лекарите укажуваа дека дел од повредените ќе се соочат со лекување што ќе трае со години. Наместо државата да го земе тоа во предвид и да обезбеди мир, стабилност и непречено лекување, таа ги изложува на дополнителен физички, психолошки, административен и финансиски притисок, кој го загрозува и нивното закрепнување, велат од Левица.
Според партијата, дополнително загрижува фактот што постојната законска регулатива за боледување е крута за вакви трагедии. Од Левица велат дека според важечките прописи долгорочно боледување се продолжува преку месечни лекарски комисии, со временски ограничувања и административни процедури кои се целосно несоодветни за масовна трагедија со тешки телесни и психички последици.
„Токму затоа државата уште од првиот момент имаше морална должност да изнајде начин за решавање на овој правен вакум. Државата во изминатава речиси година од трагедијата требаше да донесе посебен указ, подзаконски акт или да направи интервенција во законите за да обезбеди автоматско и долгорочно боледување без месечни комисии за сите повредени. Освен што владата на ДПМНЕ не се заангажира тоа да го направи дополнително им отежна повредените. Иако Владата на ДПМНЕ по трагедијата најавуваше апсолутна помош, реалноста е поинаква – не е обезбедена никаква финансиска поддршка ниту за семејствата на загинатите, ниту за повредените. Трошоците за патувања за лекување во странство, скапите креми, силиконски лепенки и медикаменти неопходни за долгорочна нега, целосно паѓаат на товар на семејствата“, велат од Левица.
Од таму додаваат дека најсрамен пример за институционална бесчувствителност е фактот што државата не само што не помогна, туку од хуманитарната солидарност на граѓаните наплати и данок од милион денари.
„Средствата собрани преку граѓанската иницијатива „Супорт Кочани“, наменети за помош на настраданите, беа оданочени од државата, наместо самата да застане зад тие луѓе. Додека граѓаните покажуваат човечност и солидарност, институциите демонстрираат ладна бирократија и финансиски апетит. Левица смета дека е недозволиво државата да ги малтретира повредените со месечни комисии, да не обезбеди непречено боледување до конечно излекување, да не покрие трошоци за лекување, патувања и медицинска нега, а притоа да оданочува хуманитарна помош и да троши милиони на папаја во владината луксузна кујна“, се наведува во соопштението.
Македонија
Патниот правец Струга-Ќафасан е пуштен за сите видови возила
Од 11.00 часот патниот правец Струга-Ќафасан е пуштен за сите видови возила, информира АМСМ.
Од таму најавија дека денеска граничниот премин Богородица, односно ГП Евзони од 17 часот ќе биде затворен за сите видови на возила.
„Поради протест на грчките земјоделци, од денес 08.01.2026 г. со почеток во 10:00 часот на ГП Ники (ГП Меџитлија) ќе има забрана за движење на товарни возила во наредните 48 часа заклучно со 10.01.2026 г. во 10:00 часот. Сообраќајот за патнички моторни возила ќе се одвива со нормален тек“, информира АМСМ.
Сообраќајот на државните патишта се одвива во зимски услови,по влажни коловози.
Врнежи од снег со променлив интензитет се бележат во Куманово, Страцин, Крушево, Железнец, како и на планинските превои Стража, Буково, Ѓавато и Пресека, но во моментов не преставуваат пречка за одвивање на сообраќајот.
Нова состојба по обилните врнежи: Поплавени подруми и куќи во Охрид, Кичево, Битола, Тетово и Гостивар
Центарот за управување со кризи ја објави новата состојба до 13 часот по обилните врнежи од дожд во земјава. Во...
Лажен лекар измамил 77-годишна штипјанка за сума од 700.000 денари
Вчера во 16:30 часот во СВР Штип, 77-годишна жена од Штип пријавила дека била измамена од едно лице за сума...
Синдикат на култура: Преседан во културата, министерот Љутков повторно против колективните договори
Министерот за туризам, „културно“, но доста ехидно и веќе видено (за Велигден), сега им ја честиташе Новата година и божиќните...
Валбон Лимани претстави 3 проекти: 345 нови паркинг-места и трансформација на центарот и градскиот парк во Гостивар
Кандидатот за градоначалник на Гостивар од Националната алијанса за интеграција, Валбон Лимани, претстави три проекти: 345 нови паркинг-места и трансформација...
Трамп одобри нова казна за Путин? „Даде зелено светло“
Американскиот претседател Доналд Трамп даде зелено светло за законски предлог за нови санкции против Русија, изјави синоќа републиканскиот сенатор Линдзи...
Зеленски предложи САД да го киднапираат Кадиров, стигна одговор од Чеченија
Украинскиот претседател Володимир Зеленски ги повика САД да го зголемат притисокот врз Русија со киднапирање на чеченскиот лидер Рамзан Кадиров,...
(Видео) Топлотен бран ја погоди Австралија, властите предупредуваат на „катастрофален“ ризик од пожари
Делови од Австралија в петок го очекуваат катастрофални услови на избувнување пожари, бидејќи топлотен бран го погоди поголемиот дел од...
Сикорски: Варшава е отворена за распоредување германски трупи во Полска
Варшава е отворена за евентуално распоредување на германски трупи во Полска во обид да се обезбеди прекин на огнот во...
(Видео) Руски независни медиуми: Путин го прослави Божиќ во тајна воена база
Рускиот претседател Владимир Путин очигледно не го прославил овогодинешниот православен Божиќ во една од познатите московски катедрали, туку во црква...
Поради снег забранет сообраќај за камиони на патниот правец Струга – Граничен премин Ќафасан
Од 05.15 часот поради врнежи од снег се воведува забрана за сообраќај за тешки товарни возила на патниот правец Струга...
Трамп: Венецуела од профитот од нафтата ќе купува само американски производи
Претседателот на САД, Доналд Трамп извести дека Венецуела ќе ги користи своите приходи од нафта за купување исклучиво американски производи....
Одрони, излевања и поплави на повеќе локации – во Кичево евакуирани 60 луѓе во спортска сала поради поплавени домови
Директорот на Центар за управување со кризи, Мухамед Али, заедно со дежурните екипи на бројот за итни повици 112 и...
Поплавени улици во Битола, мобилизирани јавните претпријатија
По обилните врнежи од дожд што вечерва предизвикаа поплавување на улици низ Битола, екипи на ЈП „Нискоградба“ и други јавни...
Мицкоски најави лидерска средба на која би се зборувало за укинување на техничката влада
Премиерот Христијан Мицкоски во текот на утрешниот ден ќе упати покани до политичките партии за лидерска средба, на која би...
Мицкоски за бугарската формулација „достапен јазик“ наместо македонски: Не е во прашање само Уставот, туку редефинирање на македонскиот идентитет
Премиерот Христијан Мицкоски, одговарајќи на новинарско прашање, ја коментираше формулацијата „достапен јазик“, наместо македонски јазик, што ја употреби Министерството за...
МВР ќе утврдува зошто новите службени возила биле осветувани со верски обред
Одделот за внатрешна контрола, криминалистички истраги и професионални стандарди при Министерството за внатрешни работи презема мерки и активности за целосно...
Државниот врв со божиќни честитки: Пораки за мир, семејство и солидарност
Претседателката на државата Гордана Сиљановска-Давкова, претседателот на Владата Христијан Мицкоски и претседателот на Собранието Африм Гаши упатија божиќни честитки до...
Трамп: Постигнавме договор за нафтата од Венецуела, ние ќе ги контролираме приходите
Каракас и Вашингтон постигнаа договор за извоз на венецуелска сурова нафта во САД во вредност до две милијарди долари, изјави...
Денеска е Божик – денот на христовото раѓање
Православните христијани во светот, во Македонија и црквите кои се раководат по Јулијанскиот календар денеска го слават Рождеството Христово –...
Коалицијата на волните договори што по мирот во Украина
Триесет и пет земји од таканаречената Коалиција на волните во вторникот ја поддржаа Париската декларација во која се детално опишани...
