Македонија
Гарет му врати на Груевски: Понекогаш праќаме тешки пораки

Откако лидерот на ВМРО-ДПМНЕ на Унијата на жени ги прозва амбасадорите во земјава со врска со случајот со заменик-министерот Диме Спасов, кој пред десетина дена направи неколку сообраќајки и бегаше од полицијата, со цел да покаже како би се однесувале тие ако место Спасов тоа бил фунцкионер на СДСМ, британскиот амбасадор Чарлс Гарет му порача дека понекогаш амбасадорите праќаат тешки пораки.
„Овде бев пратен како амбасадор на Обединетото Кралство во Македонија за да ги претставувам британските гледишта и британската политика, а исто така се пратени и многу амбасадори овде во Скопје, кои ги претставуваат своите земји и нивните политики. Го правам тоа најдобро што умеам и акциите кои ги преземаме зборуваат дека е така веќе 25 години“, рече Гарет.
Тој порача дека Велика Британија е голем поддржувач на Македонија, а себеси се гледа како критички настроен пријател кон Македонија, како и дека ја поддржуваат секогаш кога можат, како во 2005 година, кога Британија претседаваше со Европската унија, а Македонија стана кандидат за член во ЕУ.
„Таква поддршка ние можеме и ја даваме, а истовремено критичките осврти пораките кои ги праќаме мислиме дека се неопходни за да дадеме поттик за тоа на каде треба да се движат работите. Тоа значи дека понекогаш праќаме тешки пораки“, рече Гарет, кој во вторник присуствуваше на панел-дискусијата во организација на граѓанската асоцијација МОСТ за одвојување на политичките партии од државата.
Инаку, лидерот на ВМРО-ДПМНЕ, Никола Груевски, во својот говор на Годишната конференција на Унијата на жени на партијата, во замислено сценарио ги критикуваше сите свои политички опоненти, странските амбасадори, Специјалното јавно обвинителство и новинари и невладини организации.
Осврнувајќи се на случајот со Диме Спасов, Груевски рече дека реакциите ќе биле поинакви доколку во случајот на Спасов, било лице од СДСМ, а министер во МВР би бил од ВМРО-ДПМНЕ.
„После хајката со Диме, мислам дека и на последниот човек во земјава сé му јасно. Снимките јасно одговорија на што, и немам што да додадам. Само можам да замислам што ќе се случеше ако беше обратно. Јунаците од СДСМ со трчење и плачејќи ќе отидеа во сите амбасади во земјава. После некои од амбасадорите мераклии на Твитер ќе испратеа некоја порака преку Твитер и ќе побараа итна средба за половина час кај мене а првата реченица ќе им беше дека нивните главни градови се згрозени и шокирани. Па за еден час или два ќе твитнеше некој странски министер во поддршка на амбасадорите онака случајно и несинхорнизирано, следеле ситуација во земјава. Потоа најмалку пет амбасадори ќе прочитаа нешто под прозорот или во штабот во смисла дека демократските процеси се загрозени, дека се многу загрижени, дека бараат да се расчисти случајот, дека ќе влезе тоа во сите можни извештаи, дека ќе има одговор и санкции. До вечерта сигурно и 2-3 министри за надворешни работи ќе изразеа загриженост, осуда, одлибску ќе мониторираат, па дека ова не оддалечува од НАТО и ЕУ“, рече Груевски. „Ама бидејќи сега е обратна сиуацијата, сега од амбасадорите нема ниту глас ниту реакција, не се они такви што сакаат да се мешаат“, додаде тој./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Предлогот Азир Алиу да биде министер за здравство утре пред пратениците, Владата од него очекува макотрпна работа и посветеност

Собранието утре треба да го разгледа владиниот предлог Азир Алиу да биде министер за здравство.
Во биографијата пишува дека Алиу е дипломиран електроинженер и доктор по информатички науки кој моментно ја извршува функцијата редовен професор на Факултетот за компјутерски науки и технологии при Универзитетот на ЈИЕ во Тетово. Алиу беше министер за информатичко општество и администрација во 2023 и 2024 година.
Алиу е дел од Алијансата за Албанците која останува во Вреди по оставката од 15 мај годинава на Арбен Таравари и неговата одлука да замине во опозиција.
Владата од Алиу очекува макотрпна работа, посветеност и реализација на Програмата во делот на здравството.
„Можам да кажам дека Предлогот ќе биде утре во Собранието и дека ќе наиде на поддршка. Очекувам Алиу да биде посветен на ресорот здравсто, да направи добра реорганизација и да ги спороведе сите политики што се наш приоритет“, рече денеска владината портпаролка Марија Митева, одговарајќи на новинарско прашање.
На утрешната собраниска седница, според дневниот ред, е и предлогот за именување на Албрим Хоџа за заменик-министер за земјоделство, шумарство и водостопанство. Во неговата биографија се наведува дека тој е новинар со повеќегодишно работно искуство, а своето образование го стекнал на Правниот факултет при Државниот универзитет во Тетово.
Македонија
ВМРО-ДПМНЕ: Наодите на СДС дека е набавен софтвер за прислушување во МВР се брутална лага, очекуваме извинување од СДС

Наводите на СДС дека е набавен софтвер за прислушкување во МВР се невистина и брутална лага, реагираат од ВМРО-ДПМНЕ на прес-конференцијата на потпретседателот на СДСМ, Методија Илиевски.
„Очекуваме СДС да се извинат.
Софтверите се набавуваат за системот за форензика кој е набавен од СДС кога тие биле на власт.
Многу добро знае СДС дека инсинуациите од денешниот прес им се целосна измислица, но жално е како мислат дека го лажат народот.
Да потсетиме дека СДС е партија која многупати до сега е осудена за клевети и партија која нена никаков проблем да лаже и клевети за да растура пердуви“, пишува во реакцијата на ВМРО-ДПМНЕ.
Македонија
Митева: Обвинувањата на СДСМ за софтверот на МВР се ноторна лага

Портпаролката на Владата, Марија Митева, ги демантира обвинувањата на СДСМ дека МВР набавува сомнителен софтвер за прислушување.
Според Митева, се’ што било изнесено на прес-конференцијата на СДСМ е ноторна лага.
„Во целост ја демантирам прес-конференцијата на СДСМ и се што е изнесено на неа е ноторна лага. СДСМ е политичката партија која во време на власта го набави тој софтвер за форензика и точно знае дека софтверот не може да функционира без лиценци. Тие лиценци на годишно ниво секогаш се набавуваат зашто таа опрема е наменета за дигитална форензика. Овој договор што го спомнуваат е рамковна спогодба за три години за набавка на лиценците и ништо повеќе од тоа. Замислете, набавуваат опрема во нивно време, денеска излегуваат на прес-конференција и лиферуваат лаги. Мислам дека владее тотална безидејност во СДСМ“, кажа Митева, одговорајќи на новинарски прашања во Владата.