Македонија
Шилегов вети подобрување на животниот стандард пред тетовци
Триенаесетта плата за секое семејство, укинување нарадиодифузна такса, намалување на сметките преку поврат на ДДВ, вети носителот на кандидатската листа на СДСМ во шестата изборна единица, Петре Шилегов на тетовци.
„Решенијата се однесуваат најпрво кон намалување на невработеноста, мерки кои што ќе придонесат за стопирање на процесот на иселување на младите, бидејќи тоа е процес кој што младите наши ги прати на целото подрачје на нашата држава не само во Тетово и тетовско каде што сме денес. Да зборуваме за начинот на кој што ќе го подобриме животот на оние луѓе коишто веќе се во работен однос, коишто имаат мали средства, мали плати. Да позборуваме за начинот на кој што СДСМ има намера да го направи животот на граѓаните поевтин, поедноставен, преку укинување на такси коишто се непотребни за плаќање, како што е радиодифузната такса на пример, намалување на сметките и тоа намалување на сметките на начин што на секоја платена сметка, како и на сите други производи ќе овозможиме на граѓаните поврат на паричните средства во висина од 15 % од платениот Данок на додадена вредност, на начин што ќе овозможиме секој еден наш граѓанин, секое едно наше семејство на крајот на секоја година да добива 13-та плата. Да ги презентираме нашите мерки кај граѓаните коишто ќе придонесат, на крајот на мандатот на Владата што ќе ја состави СДСМ, да просечната плата изнесува 30.000 денари по вработен“, рече Шилегов.
Тој смета дека со двајца вработени по семејство, со намалување на невработеноста, со продуктивни работни места, не со фиктивни како што ни се нудат досега, ќе успееат да внесат среќа “во секое наше семејство со цел, конечна, да ги зачуваме младите и да обезбедиме живот во нашата држава онаков каков што заслужува секој наш граѓанин поединечно“./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Основците и средношколците од утре на пролетен распуст
Од утре до 6 мај, учениците од основните и средните училишта ќе бидат на пролетен распуст.
Пролетниот распуст е воведен првпат во оваа учебна година, па затоа има промена и во календарот за настава.
Па така, учебната 2023/2024 година за основците ќе заврши на 17 јуни, а за средношколците, како и во минатите години – на 10 јуни.
Училиштата нема да работат на 8 мај (среда) кога ќе се одржуваат вториот круг од Претседателските избори и Парламентарните избори 2024.
Ден претходно, односно на 7 мај, вторник, во училиштата каде што ќе се организира гласањето, ќе имаат скратени часови и работно време до 11 часот.
Неработните денови поради изборите ќе бидат одработени во работни денови со подолг престој на учениците во училиштата за да се реализираат дополнителни часови.
Учениците во Скопје треба да надоместат и за пропуштената наставата на 30 ноември лани кога во главниот град беше организиран Советот на министри на ОБСЕ.
За планирањето и организирањето на дополнителните часови, Министерството за образование и наука ги задолжи директорите на училиштата.
Македонија
Денеска сончево и топло, промена на времето со пороен дожд и грмежи од први мај
Управата за хидрометеоролошки работи информира дека времето денеска ќе биде сончево и релативно топло со мала до умерена локална облачност. Ќе дува слаб до умерен ветер претежно од североисточен правец. Минималната температура ќе биде во интервал од 3 до 10, а максималната ќе достигне од 21 до 27 степени Целзиусови.
Во Скопје ќе биде сончево и релативно топло со мала облачност и со слаб североисточен ветер. Минималната температура ќе се спушти до 8, а максималната ќе достигне до 26 степени, велат од УХМР.
Стабилното и суво време, сепак, нема да се задржи долго. Веќе од средината на следната седмица, повторно се очекува дожд.
Промената на времето ќе започне уште во среда, на први мај, кога во попладневните часови ќе има услови за локална појава на краткотраен пороен дожд и ретки грмежи. Поголема нестабилност со дожд и чести грмежи се очекува во четврток.
Македонија
Апасиев од Тетово: Под власта на учките од ДУИ, поддржани од корумпираната македонска елита, секое второ дете од Полог се раѓа во Швајцарија
,,Етнотрибализмот ни го сервираат како европска вредност. Ние создадовме општество на квоти, коешто ни донесе секое второ дете од Полог да се раѓа во Италија, во Швајцарија или надвор од Македонија“, вели претседателот на Левица, Димитар Апасиев.
„Првиот концепт кој што ни го нудат е концептот на дејтонизација. Либанизација на Македонија, бејрутизација на Скопје. Тоа е нивната агенда, спонзорирана од западните амбасади. Ни понудија модел на бинационален грабеж.
Ние сме единствена земја во светот со еден Парламент и две Влади. Но помина времето кога Македонецот беше инфериорен во сопствената држава. Левица е принципиелно против Бадентер и против Балансер“, истакна претседателот на Левица, Димитар Апасиев.