Македонија
Студентите „паднати од Марс“ во компаниите
NULL
Американската стопанска комора денеска ја претстави најновата анкета направена на бизнис заедницата, според која 57 отсто од работодавачите имаат потешкотии при нови вработувања, во време кога невработеноста во Македонија е поголема од 30 отсто.„Компаниите прецизираат дека кога ќе ги вработат студентите тие имаат теоретски познавања, но дека недостасува практична подготовка и дека не се подготвени да влезат на пазарот на трудот. Најчесто компаниите сами ги дообучуваат студентите, за да го научат она што претходно не го научиле“, рече Соња Мекбург, Извршен директор на Американска стопанска комора.Таа додаде дека голем број од компаниите се жалат дека на студентите често им недостасуваат „меките“ вештини, како развивање на комуникациски способности, подготовка на CV-а, тимска работа, кои во Македонија се уште на голем број на факултетите не се изучуваат. „Студентите кога ќе дојдат кај нас се буквално како изгубени, не знаат ништо за компанијата, што треба да направат, од каде да почнат, што треба да научат, што да прашаат, на што треба да се посветат, како да се однесуваат и сметам дека тоа е нешто што треба ние како бизнис заедница заедно со факултетите да се обидеме да го разгледаме, и да направиме некој вид кариерни советници на самите универзитети кои ќе ги подготвуваат овие студенти кои треба да извршуваат практиканска работа“, рече Искра Трајковска од компанијата „Некстсенс“.Борче Давитковски, декан на Правниот факултет во Скопје, смета дека е дојдено времето кога образованието веќе мора да почне да црпи искуства од практиката.„Кога ќе излезе студентот кога ќе ја добие дипломата тој фактички стартува со 10, 15 отсто знаење, тој каде и да работи мора да се надоградува, она како багаж, како знаење кое го извлекува од универзитетот е многу минимално. Тие мора перманентно да се усовршуваат за да можат утре кога ќе конкурираат да бидат конкурентни со овие кои веќе ја имаат таа пракса“, рече тој.Со последните измени во Законот за високо образование студентите ќе мора задолжително да посетуваат пракса од еден месец во одредена компанија за да дипломираат.Според Државниот завод за статистика во Македонија во моментот има 31 986 невработени со високо образование./крај/ко
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Православните верници го слават Велигден
Православните верници денеска го слават најголемиот христијански празник Велигден – Христовото воскресение, ден кога Исус Христос ја докажал својата божествена моќ и воскреснал од мртвите. Воскресението Христово на полноќ беше објавено во сите храмови на Македонската православна црква, а денеска се одржуваат воскресенски литургии.
Поглаварот на МПЦ-ОА г.г. Стефан богослужеше во Соборниот храм „Свети Климент Охридски“ во Скопје од каде го објави Христовото Воскресение и упати Велигденски пораки.
Македонија
Посебен сообраќаен режим утре и задутре во Тетово поради предизборни митинзи
СВР Тетово информира дека поради одржување на митинзи на политичките партии во рамки на предизборната кампања во следните два дена (недела и понеделник) ќе има посебен сообраќаен режим во центарот на градот.
– Ќе се воведе посебен режим на сообраќајот и тоа по булевар „Илирија“од влезот на Тетово сè до плоштадот, односно кружниот тек со булевар „Илинденска”, при што нема да се дозволува паркирање на возилата низ булеварот. Исто така, за време на митинзите сообраќајот ќе биде пренасочен по другите улици, и тоа по улиците „ЈНА“, „Тодор Ципоски-Мерџан”, „Јане Сандански“ и улица „Никола Тесла“, се вели во соопштението на СВР Тетово.
Отттаму со апел возачите да бидат трпеливи и да ги почитуваат наредбите што ќе ги издаваат полициските службеници.
Македонија
Ковачевски: Имаме задача да не се откажеме од европскиот сон за подобра и просперитетна држава за идните генерации
„Нашата генерација има задача да не се откаже од европскиот сон на земјата и да направи сè за Македонија да стане рамноправна членка на Европската Унија“, порача претседателот на СДСМ, Димитар Ковачевски, на митингот на Коалицијата за европска иднина во Кичево.
Ковачевски истакна дека денеска кога чествуваме 121 година од смртта на македонскиот револуционер, идеолог и учител, Гоце Делчев, важно е да се потсетиме дека низ историјата нашиот народ не се откажувал дури ни пред најтешките предизвици. Порача дека 8 мај е нов историски крстопат, денот кога сите прогресивни и демократски сили во државата треба да одлучат државата одлучно да продолжи на патот кон Европската Унија.
„Само така ќе изградиме подобра и просперитетна држава за идните генерации. Држава со европски животен стандард, европски вредности, европски правила на игра“, рече Ковачевски.
Ако ВМРО ДПМНЕ и Силјановска се дограбат до власта, ќе стават рампа на патот на Македонија кон Брисел и ќе можеме да се збогуваме од ЕУ, истакна Ковачевски.
„Не смееме да ја повториме грешката од минатото и да дадеме преголема моќ во рацете на десничарска партија како ВМРО ДПМНЕ. Уште се свежи раните што ѝ ги нанесоа на државата за време на нивното 11-годишно владеење на Македонија. Сетете се на заробените медиуми, замолчените вработени во јавниот сектор, натепаните студенти во библиотеките и плоштадите. Сетете се на милионите потрошени за жални врби, лажен барок, евтин стиропор само за да се богатат поединци од ВМРО – ДПМНЕ“, истакна Ковачевски.
Лидерот на СДСМ пред граѓаните на Кичево најави повисоки плати и пензии, пакети за поддршка на учениците и студентите, одговорна социјална политика и одлучна борба против криминалот и корупцијата.